JEREMIA 3:10 - BUKUIT NE TILIIL Sireet ne Dutero Kanon

¹⁰ Ak eng' chu tugul, ko chepkamennyi Judah kaberberindet, koma weekyagei eng' muguleldo komugul, ago eng' ng'aalseet, mwaei Kamuktaindet ne Toroor.

Bukuit Ne Tilil

¹⁰ Ak eng' chu tugul, ko chepkamennyi Judah kaberberindet, koma weekyagei eng' muguleldo komugul, ago eng' ng'aalseet, mwaei Kamuktaindet ne Toroor.

BUKUIT NE TILIL

¹⁰ Ak eng’ chu tugul ko ma weekyagei eng’ muguleldanyi komugul Juda chepkamennyi, kaberberindet, ago eng’ ng’alset, mwaei Jehovah.

JEREMIA 3:10 Referencias Cruzadas

2 ATEPTAP PEETUUSYEK 34:33

Ak ki isto Josiah tuguuk tugul che kiwechei eng' emotinwek tugul che po Israel, ak kong'at piik tugul che po Israel kootis, koot Kamuktaindet ne Toroor Kamuktaindennywa. Ma meto pichooto koosup Kamuktaindet ne Toroor, Kamuktaindetap kwanisyekwak, eng' peetuusyekyik tugul.

TIENWOGIKAL 18:44

Ye kas agobo anee, eng' yooto kogasa iit; tuun kasa iit toek eng' ng'aalseet.

TIENWOGIKAL 66:3

Oleenji Kamuktaindet, Po kamuiset ne tya poisyoniguk! Iming'injiningei puuniguk amu etunatetap kimnateng'ung'.

ISAIAH 10:6

Ayooktoi kobargei ak pororyet ne ya, ak agoochini kobargei ak piik che anereekyini, si koluul ak koip parunenik, ak ketyech icheek ko uu ye kityechi ng'atateek eng' ooreet.

ISAIAH 29:13

Ki le Kiptaiyat: Amu riikyino pichu kong'alaalwo, ak kogonyita eng' kutusweekwak, ago kigoisto mugulelwekwak kolooegitu eng' anee, ak kaiyweisyet ne iywea ko ng'atuutyet ne ki ineeti piik icheek;

ISAIAH 31:6

Oweekyigei ineendet ne ki ongelelji miising', ee lagogap Israel.

JEREMIA 11:10

Ki koweekyigei tengekwogigap kwanisyekwak, che ki eesyo kogas ng'aleekyuk, ak ki isup kanamonik koot. Ki kobut kayomisennyu kootap Israel ak kootap Judah ne ki kayai kobooto kwanisyekwak.

JEREMIA 12:2

Ki imin icheek, ak ki konam ng'wony tigitik; eegitu, ee, iytos logoek. Ii neegitee kutusweekwak, ago ii loo eng' mugulelwekwak.

JEREMIA 9:1

Kata myee nda ka peei kityo metinnyu, ak ko kondametutap peegap kong' konyekyuk, si kobiit ariir peet ak kemoi agobo che ki kibar che po piikyuk!

HOSEA 7:14

Ama riircho eng' mugulelwekwak, ago iteitos eng' itogusyekwak: iyumigei agobo peek ak divaik; ingeleljino.

AMOS 4:9

Ki abirenok chelalityet ak uchatet, ki am munene mbareenikwok che chaang' ak mbareenikwok che po sabibuk, ak mogoonikwok ak mseitunikwok; ago tomo oweekyage, mwaei Kamuktaindet ne Toroor.

MALAKI 2:11

Kigong'em Judah kayaneet, ye kingo yai kiit ne kiwechei eng' Israel ak eng' Jerusalem; amu ki kong'wanit tiliilindap Kamuktaindet ne Toroor ne chamei, ak kotun cheptap kamuktaik che teer.