JEREMIA 24:7 - BUKUIT NE TILIL

⁷ Ak agochi ichek muguleldo ne naena, kole, a Jehovah: ak koek bikyuk, ak aegu Kamuktaindenywa: amu weekyinagei eng’ mugulelwekwak tugul.

Bukuit Ne Tilil

⁷ Ak agoochi icheek muguleldo ne naena, kole, aa Kamuktaindet ne Toroor: ak koek piikyuk, ak aegu Kamuktaindennywa: amu weekyinagei eng' mugulelwekwak tugul.

BUKUIT NE TILIIL Sireet ne Dutero Kanon

⁷ Ak agoochi icheek muguleldo ne naena, kole, aa Kamuktaindet ne Toroor: ak koek piikyuk, ak aegu Kamuktaindennywa: amu weekyinagei eng' mugulelwekwak tugul.

JEREMIA 24:7 Referencias Cruzadas

2 ATEPTAP PEETUUSYEK 6:38

ngot koweekyingei eng’ mugulelwekwak tugul ak eng’ sobonwekwak tugul eng’ emet ne kigiluulji ichek, ole kigimut ichek koek luulenik, ak kosa kotokyigei emenywa, ne kiigochi kwanisiekwak, ak nganaset ne kiilewen, ak got ne koateekyi kaineng’ung’:

TIENWOGIKAL 119:2

Boiboen ichek che ribei baornatosiekyik, Che cheng’ei inendet eng’ muguleldo komugul.

ISAIAH 51:16

Ak kiande ng’alekyuk kuting’ung’, ak kiatugenen uruetab eunnyu, si kobiit amin kipsengwetisiek, ak alume lumeiywekab ng’ony, ak alenji Sion, I bororiennyu.

JEREMIA 11:4

ne kiang’at kwanisiekwok eng’ betut ne kiamutu ichek komong’ eng’ emetab Misri, komong’une matab karnet, alenji, Ogas it kutinnyu, ak oyai choto, ko u tugul che ang’atok: si oegu bikyuk anyun, ak aegu Kamuktaindeng’wong’;

JEREMIA 29:10

Amu mwaei Jehovah ko u ni kole, Ye ibata kenyisiek tamanwogik tisabu omi Babulon, arutochok, ak asuldawok ng’olyondennyu ne mie, amutwok obwa olito.

JEREMIA 3:10

Ak eng’ chu tugul ko ma weekyagei eng’ muguleldanyi komugul Juda chepkamennyi, kaberberindet, ago eng’ ng’alset, mwaei Jehovah.

JEREMIA 30:22

Ak oegu bikyuk, ak aegu Kamuktaindeng’wong’.

JEREMIA 7:23

Ago kiang’at ichek agobo ng’olyondoni, alenji, Ogas kutinnyu, si aek Kamuktaindeng’wong’, ak oegu bikyuk: ak obendate oret tugul ne ang’atok, si kobiit komieit eng’ okwek.

EZEKIEL 11:17

Mwa anyun ile, Mwaei Kiptaiyat Jehovah ko u ni kole: Ayumok omong’une bororiosiek, ak ayumok omong’une emotinwek ole kioyestochi, ak agonok emetab Israel.

EZEKIEL 14:11

si ma ta koombenot kogeny gotab Israel kometa, anan kong’wanitgei kogeny eng’ bistaosiekwak tugul; ago si koek bikyuk, ak aegu Kamuktaindenywa, mwaei Kiptaiyat Jehovah.

EZEKIEL 16:62

Ak agimit kayomisennyu koboten; si inai ile a Jehovah:

EZEKIEL 37:23

Ama kong’wanitegei kanamonikwak kogeny, anan eng’ tugukwak che samis, anan agot agenge eng’ bistaosiekwak: ago asoru ichek eng’ oldinwekwak tugul che menyei: ole kiyae tengekto, ak atilil ichek: egu anyun bikyuk, ak aegu Kamuktaindenywa.

EZEKIEL 37:27

Tebyei agine emainnyu koboto ichek; ak aegu Kamuktaindenywa, ak koek ichek bikyuk.

EZEKIEL 39:22

Konai anyun gotab Israel kole a Jehovah Kamuktaindenywa, koboch betunoto ak kwo tai.

HOSEA 2:22

ak kowolji ng’ony bek, ak divaik, ak mwanik; si kowolji choto Jesreel.

SEKARIA 13:9

Ak amut kebeberato bo somok kobun mat, ak atilil ichek ko u ye kitilili feda ak atiem ichek ko u ye kitiemei tahabu: kuurei ichek kainennyu, ak agas ichek: amwae ale, Icheget ko bikyuk; ak kole, Jehovah ko Kamuktaindennyu.

SEKARIA 8:8

ak amutu ichek, ak komeny kwenutab Jerusalem; ak koek ichek bikyuk, ak aegu Kamuktaindenywa, eng’ imanit ak eng’ imanda.

ROMANIK 6:17

Ago kimwachini Jehovah kongoi, amu, okwek che ki o otwogikab tengekto, ko kiogas it eng’ muguleldo konetisiet ne u ne kigegonok okwek;

HEBRANIK 11:16

Ago machei kot nguno emet ne kararan kosiir noto, noto ko, ne bo kipsengwet: noto anyun mageerei Jehovah kalilanet agobo ichek keguure Jehovah nenywa: amu kigochopchi ichek nganaset.

HEBRANIK 8:10

Amu ni kayomiset ne tun kiyomisyinige ak gotab Israel. Ye ibata betusiechoto, mwaei Kiptaiyat; Andoi ng’atutikyuk kabwatutikwak, Ak asirji kogeny mugulelwekwak: Ak aegu Jehovah eng’ ichek, Ak koek bikyuk:

1 SAMUEL 7:3

Ak king’alalji Samuel got tugul ne bo Israel, kolenji, Ngot oweekyinige Jehovah eng’ mugulelwekwok tugul, oiste anyun kanamonik che too ak Astarot eng’ kwenung’wong’ ak otokyi mugulelwekwok Jehovah ak oot inendet inegei: si kosoruok eng’ eunekab Pilistik.