JEREMIA 24:8 - BUKUIT NE TILIL

⁸ Ak ko u kit ne u logoechu yaachen bo mogoonik, che magimuchi keam, amu yaachen mising’; mwaei Jehovah iman kole, Ko u noto agoitoi Sedekia laitoriatab Juda, ak bounikyik, ak che ng’etu che bo Jerusalem, che ng’etu eng’ emoni, ak ichek che menyei emetab Misri:

Bukuit Ne Tilil

⁸ Ak ko uu kiit ne uu logoechu yaacheen po mogoonik, che ma kimuuchi keam, amu yaacheen miising'; mwaei Kamuktaindet ne Toroor iman kole, ko uu nooto agoitoi Zedekiah laitoryatap Judah, ak pounikyik, ak che ng'etu che po Jerusalem, che ng'etu eng' emoni, ak icheek che menyei emetap Misiri:

BUKUIT NE TILIIL Sireet ne Dutero Kanon

⁸ Ak ko uu kiit ne uu logoechu yaacheen po mogoonik, che ma kimuuchi keam, amu yaacheen miising'; mwaei Kamuktaindet ne Toroor iman kole, ko uu nooto agoitoi Zedekiah laitoryatap Judah, ak pounikyik, ak che ng'etu che po Jerusalem, che ng'etu eng' emoni, ak icheek che menyei emetap Misiri:

JEREMIA 24:8 Referencias Cruzadas

1 ATEPTAP PEETUUSYEK 3:15

ak werikab Josia ko ki: taita ko ki Johanan, ne bo aeng’ ko ki Jeoiakim, ne bo somok ko ki Sedekia, ne bo ang’wan ko ki Salum.

JEREMIA 13:7

Kiawe anyun Euprate, ak abal, ak anemu birenet eng’ ole kigaung’e: ak ogeero, kiga kong’emak birenoto, kima kota kotilei kiy.

JEREMIA 21:10

Amu kaatokyi togennyu nganasani aipchi yaitiet, ma agobo mieindo, mwaei Jehovah; kindoi eutab laitoriatab Babulon si kobeel.

JEREMIA 24:2

Kimi kitonget age logoekab mogoonik che kororon mising’, ko u tongoanikab mogoonik: ak kimi kitonget age logoek che yaachen mising’ che bo mogoonik, che kima kimuchi keam, ki yaachen mising’.

JEREMIA 24:5

Kamwa Jehovah Kamuktaindetab Israel, ko u ni kole: Aiti anyun bik che kigiluul che bo Juda, kogergeit ak logoechu kororon bo mogoonik, che kiayokte koba eng’ olito agoi emetab Kaldeik, si konyor mieindo.

JEREMIA 37:10

Amu nganda kiobar luget komugul ne bo Kaldeik che kiborienok, kot kong’et kityo bik che kigiguoten eng’ ichek, ko ta kong’eetei chi age tugul eng’ emainnyi, ak kobeel nganasani.

JEREMIA 37:17

koyokto anyun Sedekia laitoriat kimut inendet konyo: ak kiteepse laitoriat inendet eng’ ung’ot eng’ gonnyi, kolenji, Tos mi ng’olyot age tugul ne bunu Jehovah? Ak kile Jeremia, Mitei. Kimwa kogeny kole, Kindein eutab laitoriatab Babulon.

JEREMIA 43:1

Ak ye kingo kagoges Jeremia ng’alalet ne king’alaljin bik tugul ng’alek tugul che bo Jehovah Kamuktaindenywa, che kiga koyoktae Jehovah Kamuktaindenywa inendet komwachi ichek ng’alechato tugul,

JEREMIA 44:1

Kinyonji ng’olyot Jeremia agobo Yahudik tugul che kimenyei emetab Misri, che kimenyei Migdok, ak Tapanes, ak Nop, ak emetab Patros, kolenji,