JEREMIA 7:23 - BUKUIT NE TILIIL Sireet ne Dutero Kanon

²³ Ago ki ang'at icheek agobo ng'olyoondoni aleenji, ogas kutinnyu, si aek Kamuktaindeng'wong', ak oegu piikyuk. Obendate ooreet tugul ne ang'atook, si kobiit komyeeit eng' okweek.

Bukuit Ne Tilil

²³ Ago ki ang'at icheek agobo ng'olyoondoni aleenji, ogas kutinnyu, si aek Kamuktaindeng'wong', ak oegu piikyuk. Obendate ooreet tugul ne ang'atook, si kobiit komyeeit eng' okweek.

BUKUIT NE TILIL

²³ Ago kiang’at ichek agobo ng’olyondoni, alenji, Ogas kutinnyu, si aek Kamuktaindeng’wong’, ak oegu bikyuk: ak obendate oret tugul ne ang’atok, si kobiit komieit eng’ okwek.

JEREMIA 7:23 Referencias Cruzadas

Kitabuutap JOB 36:11

Ngot kogas iit ineendet ak koot, koboisyee peetuusyekwak eng' kaberuret, ak koboisyee kenyiisyekwak eng' poiboiyet.

TIENWOGIKAL 119:3

ma yaei icheek che ma po iman; ago pendote ortinwekyik.

TIENWOGIKAL 40:6

Mebaibaitune tiseiywot ak kagoochinet, memache kagoochinet ne kibeelei ak kagoochinet ne po tengekto; ago ki iyat itiikyuk si agasin.

TIENWOGIKAL 81:13

Pwo! Nda kiga epcha iit piikyuk, Ee, nda kiga cham Israel kobendatee ortinwekyuk!

KOMONG'U 15:26

ak ki le, “Ngot igas iman kutitap Kamuktaindet ne Toroor Kamuktaindeng'ung', iyai ne po iman eng' tainnyi, iepchji iit ng'atuutikyik ak isup katigonutikyik tugul, koma koonin myan age tugul ne ki agoochi Misiriik, amu anee ko aa Kamuktaindet ne Toroor ne asaabin.”

KOMONG'U 16:32

Ki le Musa, “Niito kiit ne kong'at Kamuktaindet ne Toroor kole, Kinyiit kerebet agenge tuguuchooto, kegonorchi ibinwekwok che piitu let si kobiit kogeer amitwogichooto che ki abaenak eng' surkwen ye ki among'wok omang'une emetap Misiri.”

ISAIAH 3:10

Omwachi ne po iman oleenji, myeeitu eng' ineendet, amu amei icheek logoegap poisyonikwak.

JEREMIA 11:4

ne ki ang'at kwanisyekwok eng' peetuut ne ki amutu icheek komong' eng' emetap Misiri, komang'une maatap karnet ak aleenji, ‘Ogas iit kutinnyu ak oyai chooto, ko uu tugul che ang'atook, si oegu piikyuk anyun ak aegu Kamuktaindeng'wong'.

JEREMIA 11:7

Amu ki abaoryanji kwanisyekwok eng' kagiiletapkei, kobooch peetuut ne ki amutu icheek komong' eng' emetap Misiri, agoi ra, ang'eete karon ak abaoryanjini, aleenjini, ogas iit kutinnyu.

JEREMIA 13:11

Amu ko uu ye namegei pireneet ak suetap chii, ko uu nooto anyun kaagoochi koot komugul ne po Israel ak koot komugul ne po Judah kenamge, mwaei Kamuktaindet ne Toroor, si kobiit koek eng' anee pororyet, kainet, kalasunet ak teegisto. Ago ma cham kogas.”

JEREMIA 22:21

Ki ang'alaalun eng' peetuusyegap poroteng'ung'; ago ki imwa ile, “Ma kase.” Ki koek piteeng'ung' niito kobooch ming'inateng'ung', ile, megase iit kutinnyu.

JEREMIA 22:3

Mwaei Kamuktaindet ne Toroor kole: Oyai okweek kirwooget ak imanda, ak osaru ne ki kiluul komong' eng' eutap usiindet: amat oyai ne ya, anan koroomnateet, oyachi toondet, anan ne ma tinyei sigiik, anan mosoget, amotumde korotiik che ma tinyei tengek, eng' olito.

JEREMIA 24:7

Ak agoochi icheek muguleldo ne naena, kole, aa Kamuktaindet ne Toroor: ak koek piikyuk, ak aegu Kamuktaindennywa: amu weekyinagei eng' mugulelwekwak tugul.

JEREMIA 31:33

Ago ni kayomiset ne kiyomisigei ak kootap Israel ye ibata peetuusyechooto, mwaei Kamuktaindet ne Toroor; andoi ng'atuutyennyu oriitinnywa, ak asirchini mugulelwekwak: ak aegu Kamuktaindennywa, ak koek piikyuk.

JEREMIA 32:23

ak ki pwa, konam kobunji; ago ma kas iit kuting'ung', ama isup ng'atuutiguk; ma yai kiy age tugul eng' chooto tugul ki ing'atyi icheek koyai: koigoochi anyun yaityoni tugul konyonji icheek.

JEREMIA 38:20

Ago ki le Jeremiah, Ma igoitoin. Kasain ale, kas kutitap Kamuktaindet ne Toroor eng' chuuto amwaun: si kobiit komyeeit eng' inyee, ak kosap saboondang'ung'.

JEREMIA 42:6

Ngo ng'olyoo ne myee, anan ngo ne ya, kegase iit kutitap Kamuktaindet ne Toroor Kamuktaindennyo, ne kiyooktochinin; si kobiit komyeeit eng' acheek, ye ki kas iit kutitap Kamuktaindet ne Toroor, Kamuktaindennyo.

SEPANIA 3:2

Ki ma kas iit mwaet; kimataach katigonet; ki ma imang' Kamuktaindet ne Toroor; ki ma riikyi Kamuktaindennyi.

SEKARIA 6:15

Ak kobwa icheek che mi ole loo ak koteech Hekaluutap Kamuktaindet ne Toroor, ak onai ole ki iyookwo Kamuktaindet ne Toroor ne po lugoosyek anyo ole omi. Ak isuldoi niito, ngot ogas iit eng' kagiiletapkei kutitap Kamuktaindet ne Toroor Kamuktaindeng'wong'.

SEKARIA 7:7

Tos manyoljok ogas ng'aleek che ki mwa Kamuktaindet ne Toroor eng' maotik che po tai, ye ki kimenyei Jerusalem, ak komi perurto, ak nganasookyik che mi komoswekyik tugul, ak ye ki kimenyei murot tai ak soito?

ROMANIK 16:26

ago kagong'ang'ak nguno, ak eng' siruutik che po maotik, ko uu ng'atuutyetap Kamuktaindet ne po koigeny, ko kagiboorchi pororyosyek tugul agoi kasetap iit ne po kayaneet;

2 KORINTOEK 10:5

kiluuli kabwaatutik, ak kiy age tugul ne toroor ne ieetegei kole kogirinda naetap Kamuktaindet, ak koluulei kabwaatet age tugul si kobiit kogas iit Kristo;

NG'ATUTIK 11:27

egu kaberuret ngo kas ng'atuutigap Kamuktaindet ne Toroor Kamuktaindeng'wong' che kaang'atak rani.

NG'ATUTIK 13:4

Obendate osup Kamuktaindet ne Toroor Kamuktaindeng'wong', oiywei ineendet ak oriip ng'atuutikyik ogas iit kutinnyi ak oboisyechi ak onamge ak ineendet.

NG'ATUTIK 13:5

Kibarei maotyondonooto anan karwotitoindonooto amu kamwa kiit ne ibeeti piik kobagaakta Kamuktaindet ne Toroor Kamuktaindeng'wong', ne ki imutwok omang'une emetap Misiri, ne ki ityaachak eng' kootap otwoknateet. Kibarei ineendet amu katyem kole komaasin eng' ooreet ne king'atin Kamuktaindet ne Toroor Kamuktaindeng'wong' iwendote. Iste anyun ko uu nooto yaityet eng' kwenung'ung'.

NG'ATUTIK 30:2

ak ngiweekyigei Kamuktaindet ne Toroor Kamuktaindeng'ung', igas iit kutinnyi ko uu tugul che kang'atiin rani inyee ak lagoguk eng' muguleldang'ung' komugul eng' saboondang'ung' komugul,

NG'ATUTIK 30:20

Cham Kamuktaindet ne Toroor Kamuktaindeng'ung', kas iit kutinnyi ak onamgei ak ineendet. Amu ineendet saboondang'ung' ak kooindap peetuusyeguk, si kobiit imeny emet ne ki iyasyechi `Kamuktaindet ne Toroor kwanisyeguk Abraham, Isak, ak Jakobo kogoochi.”

NG'ATUTIK 30:8

Ak iweege igas iit kutitap Kamuktaindet ne Toroor ak iyai ng'atuutikyik tugul che ang'atiin rani.

NG'ATUTIK 4:10

Eng' peetuut ne ki itonone taitap `Kamuktaindet ne Toroor Kamuktaindeng'ung' eng' Horeb, ye ki leenjo `Kamuktaindet ne Toroor, Iyumwa piik ak agoochi kogas ng'aleekyuk si koneetkei koiywea eng' peetuusyekwak tugul komi ng'wony ak si koneet lagokwak.

NG'ATUTIK 4:40

Riip anyun kaneetisyosyekyik ak ng'atuutikyik che `kang'atiin rani si komyeeit eng' inyee, kobooto lagoguk che piitu let ak kochang'a peetuusyeguk eng' emet ne koonin Kamuktaindet ne Toroor Kamuktaindeng'ung' koigeny.

NG'ATUTIK 5:16

Teech kwandang'ung' ak kamenng'ung', ko uu ye king'atin Kamuktaindet ne Toroor Kamuktaindeng'ung', si kochang'a peetuusyeguk ak komyeeit eng' inyee eng' emet ne koonin Kamuktaindet ne Toroor Kamuktaindeng'ung'.

NG'ATUTIK 5:29

Kata myee anyun nda tinyei kotugul muguleldo ne uu nooto si koiywea ak koriip ng'atuutikyuk tugul si komyeeit eng' icheek ak eng' lagokwak agoi.

NG'ATUTIK 5:33

Obun ortinwek tugul che king'ataak Kamuktaindet ne Toroor Kamuktaindeng'wong', si osapche ak komyeeit eng' okweek ak kochang'a peetuusyekwok eng' emet ne oname kobunjook.”

NG'ATUTIK 6:3

Ogas anyun ee Israel, oriip ogeer ole koyai si komyeeityin ak otesage eng' emet ne nyiitaat cheego ak komi kumyat eng' chaang'indo ko uu ye ki iarorun `Kamuktaindet ne Toroor, Kamuktaindetap kwanisyeguk.

HEBRANIK 5:9

ak kingo kageyai koek ne ititaat, koek ineendet ne kitaunegei yetunet ne po koigeny eng' icheek tugul che kase iit ineendet;

1 SAMUEL 15:22

Ak ki mwa Samuel kole, “Tos, ting'ee Kamuktaindet ne Toroor poiboiyet ne oo kagoochinoik che kibeelei ak tiseiywot, ko uu ye ting'ee kasetap iit ne po ng'olyootap Kamuktaindet ne Toroor? Keero, siirei kasetap iit tiseiywot ak siirei kasetap iit mwanigap mengichik.