ISAIAH 15:1 - BUKUIT NE TILIIL Sireet ne Dutero Kanon Maotenet agobo Moab. Amu king'emei Ar ne po Moab eng' kemout agenge, kiwong'; amu king'emei Kir ne po Moab eng' kemout agenge, kiwong'. Bukuit Ne Tilil Maotenet agobo Moab. Amu king'emei Ar ne po Moab eng' kemout agenge, kiwong'; amu king'emei Kir ne po Moab eng' kemout agenge, kiwong'. BUKUIT NE TILIL Lautietab Moab. Amu king’emei Ar ne bo Moab eng’ kemout agenge, kiwong’; amu king’emei Kir ne bo Moab eng’ kemout agenge, kiwong’. |
Kibut nganasook, ak ki wiirchi chii age tugul koitanyi kooret age tugul ne myee, konyiit koik. Kiger kondametusyek tugul che po peek ak koluul keetiik tugul che myachen. Eng' let kotuuch Kir-hareset ineegei kobooto koik che po yooto, ago kiyiem nganasanooto piik che ki wiirtoi koik, ak kobookyi olooto kobar.
Ak kobookyi tigigoigap Philistiik eng' cherongo, ak koluul icheek tuwai piigap kong'asiis. Chuulei eunekwak kogirinda Edom ak Moab, ak kogas iit icheek lagogap Ammon.
Morori anyun moennyu ko uu ketubetap Moab, ak morortos agutanikyuk ak icheek amu Kir-heres.
Kigegas menoteetap Moab, keele, menot ineendet miising'; eng' kachaunennyi pogei, ak menatennyi, ak nereegekyik; puch lasennyi pogei.
Iteechin anyun Moab, iteei age tugul agobo Moab, Oteeie amu kagebirok miising', oriirchini magatinigap sabibuk che po Kir-hareset.
Amu imuunyi eutap Kamuktaindet ne Toroor eng' tulwooni, ak ketyekyi ng'wony Moab eng' oldanyi, ko uu ye kityekyin ng'wony mobeek eng' peegap kapng'atat.
Ak kagobut ole ng'ootaat ne po teekseet ne kooi, ne po irimoiguk, kagoluul, kagowiirtagei kwo ng'wony, ole miitei temburyek.
Misiri, Judah, Edom, ak lagogap Ammon, kobooto Moab ak tugul che piori metowekwak, che menyei surkwen. Amu ma imuratanotiin pororyosyek tugul ama imuratanotiin mugulelwegap koot tugul ne po Israel.”
Amu kamandae maat Hesbon, kamandae liplibenetap maat nganaseetap Sihon. Kagobeel Ar ne po Moab, ak kiptainik che po ole toroor che po Arnon.
ak ye iriikte ole neegitee lagogap Amonik, ko meiim anan omoiye kiy ak pichooto, amu ma koonin emetap lagogap Amonik kobunjiin, amu ki agoochi lagogap Lot kobunji.’ ”
Ki leenjo Kamuktaindet ne Toroor, ‘Ameiim Moab anan iborye icheeget eng' lugeet, amu ma koonin emennyi kobunjiin; amu ki agoochi lagogap Lot emetap Ar kobunji.’