ISAIAH 11:14 - BUKUIT NE TILIIL Sireet ne Dutero Kanon

¹⁴ Ak kobookyi tigigoigap Philistiik eng' cherongo, ak koluul icheek tuwai piigap kong'asiis. Chuulei eunekwak kogirinda Edom ak Moab, ak kogas iit icheek lagogap Ammon.

Bukuit Ne Tilil

¹⁴ Ak kobookyi tigigoigap Philistiik eng' cherongo, ak koluul icheek tuwai piigap kong'asiis. Chuulei eunekwak kogirinda Edom ak Moab, ak kogas iit icheek lagogap Ammon.

BUKUIT NE TILIL

¹⁴ Ak kobokyi tigigoikab Pilistik eng’ cherongo; ak koluul ichek tuwai bikab kong’asis: chuulei eunekwak kogirinda Edom ak Moab; ak kogas it ichek lagokab Amon.

ISAIAH 11:14 Referencias Cruzadas

ISAIAH 14:29

Amebaibaitu, inyee tugul, ee Philistia, amu kagoil kirokto ne kibirin; amu mang'une tigityotap ndaret ereneet, ak egu iyotennyi ereneet ne tirireni, ne uu maat.

ISAIAH 15:1

Maotenet agobo Moab. Amu king'emei Ar ne po Moab eng' kemout agenge, kiwong'; amu king'emei Kir ne po Moab eng' kemout agenge, kiwong'.

ISAIAH 16:14

Ago kagomwa nguno Kamuktaindet ne Toroor kole, “Kotom kogeskei kenyiisyek somogu, ko uu kenyiisyegap otwogindet ne kisirei, kesasei toroornatetap Moab, kobooto tuiyennyi tugul ne oo; ak kong'ering'itu miising' piik, ak ma kotilei kiy che ng'etu.”

ISAIAH 25:10

Amu imuunyi eutap Kamuktaindet ne Toroor eng' tulwooni, ak ketyekyi ng'wony Moab eng' oldanyi, ko uu ye kityekyin ng'wony mobeek eng' peegap kapng'atat.

ISAIAH 33:1

Pwo eng' inyee ne ing'emisyei, ama king'emin; ak ne iberberisyei, ama iberberin icheek! Ye ma ing'emisyei, keng'emin, ak ye ma iberberisyei, koberberin icheek.

ISAIAH 59:19

Iywei anyun kainetap Kamuktaindet ne Toroor eng' cherongo, ak koywei toroornatennyi eng' ole charunee asiista: amu nyoonei ko uu aineet ne isururtoi, ne oonei kabuusetap Kamuktaindet ne Toroor.

ISAIAH 60:14

Ak kobwonjin weeriigap icheeget che ki inyaliilin kong'uruugonu; ak kogutung'so eng' keldebesaigap keelyeguk icheek tugul che kisasin; ak koguurenen, Nganaseetap Kamuktaindet ne Toroor, Zion ne po Ineendet ne Tiliil ne po Israel.

ISAIAH 63:1

Ng'oo ne punu Edom, ne tinyei ngoroik che ki kisal kobiriritu, eng' Bosra: ne tinyei ngoroik che po toroornatet, kowendi eng' ooindap kimnateennyi? Aneendet ne ang'alaali eng' imanda, ne atinye kamuget asar.

ISAIAH 9:12

Ing'eeti piigap Syria eng' tai, ak Philistiik eng' let; ak koam Israel eng' kutit ne iseng'eng'at. Nganda uu nooto, koma istogei nereegekyik, ago ta ko chuulaat eunnyi kora.

JEREMIA 40:11

Ko uu nooto, kingo kas Yahudik tugul che ki mi Moab, ak che ki mi ak lagogap Ammon, ak che ki mi Edom, kobooto che ki mi emotinwek tugul, kole, ki kobagaach laitoryatap Babilon piik che ki ng'et eng' Judah, ak kole, ki konde Gedalia weeriitap Aikam weeriitap Sapan koboi icheek;

JEREMIA 48:40

Amu mwaei Kamuktaindet ne Toroor kole, ogeero, tirireni ko uu kipsiichit, ak kouito kebebaikyik kotokyi Moab.

JEREMIA 49:2

Ogeer anyuno, pwoonei peetuusyek, mwaei Kamuktaindet ne Toroor, ne aibu waagaatap lugeet kegas agobo Rabbah ne po lagogap Ammon; ak koek karaatya ne irurugot, ak kebeel tiibiikyik: konam anyun Israel kobunji, icheek che kiga konam ineendet, mwaei Kamuktaindet ne Toroor.

JEREMIA 49:22

Ogeero, togosu ineendet ak kotirireni ko uu kipsiichit, ak kouito kebebaikyik kotokyi Bosra: ak koigei eng' peetuunooto mugulelwegap piik che nyigoonen che po Edom, muguleldap kwondo ne tinyei ng'wanindo ye machei kosigiis.

JEREMIA 49:28

Ng'aleegap Kedar ak che po pounatosyegap Hasor, che ki par Nebukadresar laitoryatap Babilon. Mwaei Kamuktaindet ne Toroor kole: Ong'eetyee, otogoste Kedar, ak oluul lagogap kong'asiis.

EZEKIEL 25:14

Ak ayaakyi mugetuut Edom eng' eutap piik che miitei Israel, ak koyai eng' Edom ko uu nereegekyuk, ak eng' nereegekyuk che ng'woneen, si konai icheek yaaktaennyu ne po mugetuut, mwaei Kiptaiyat Kamuktaindet ne Toroor.

JOEL 3:19

Kuberi Misiri, ak koek Edom surkwen ne kigoguber, amu koroomnateet ne ki kiyachi lagogap Judah, amu ki kotumda korotiik che ma tinyei tengek eng' emennywa.

AMOS 9:12

Si kobiit konam `icheek piik che ki ng'et che po Edom, kobooto pororyosyek tugul che kimwaitoe kainennyu, mwaei Kamuktaindet ne Toroor ne yaei ng'olyoondoniito.

HABAKUK 1:8

Chepcheben kogeny paraisisyekwak kosiir keteet, ak ko koroomen kosiir suik che po koskoleny; ak koboortogei piikwak che ketei paraisisyek: ee, punu pichooto ole loo; tirirendos ko uu kipsiichit ne choktoi kowendi koamisyei.

SEPANIA 2:5

Pwo! Piik che menyei ngeguut, pororyetap Keretik! Poryenen ng'olyootap Kamuktaindet ne Toroor, ee Kanaan, emetap Philistiik; ang'emin kot koma komi chii ne meng'iisyei.

SEPANIA 2:7

Ak kobunji ngeguut piik che ki ng'et che po kootap Judah; iyage akwotisyekwak olooto: eng' kooriigap Askelon koskoleny; amu rutochin Kamuktaindet ne Toroor Kamuktaindennywa, ak komut icheek kogeny eng' ole kiga kiluulji.

SEPANIA 2:9

Mwaei anyun Kamuktaindet ne Toroor ne po lugoosyek, Kiptaiyat Kamuktaindetap Israel kole ko uu ye asabe, koigeitu Moab Sodom, ak koigei lagogap Ammon Gomorah, punjin siwek, ak keriingonigap muunyuk, ak koguber agoi: luulei piikyuk che ng'etu icheek, ak konam pororyennyu ne ki ng'et icheek koek porotennywa.

KAITOSYEK 24:17

Ageere ineendet, ago ma nguno; ageere, ago ma neegit. Tuun mang'une taboiyat Jakobo, ak ng'eetei kirokto ne po pounateet eng' Israel. Ak kokwer luukwegap Moab kogees, ak kotui weeriik tugul che po icheeget che wasegei.

MATAYO 8:11

Amwaiwok ale tuun pwoonei che chaang' kobun kong'asiis ak cherongo, kobwa kotebi ak Abraham ak Isak ak Jakobo eng' pounatetap kipsengwet,

KIRUOGIK 6:3

Ye kingo kagogolso Israel, kotogos anyun Midianik, ak Amelegik ak piigap kong'asiis, kobwa kobargei ak icheek.