JEREMIA 9:26 - BUKUIT NE TILIIL Sireet ne Dutero Kanon

²⁶ Misiri, Judah, Edom, ak lagogap Ammon, kobooto Moab ak tugul che piori metowekwak, che menyei surkwen. Amu ma imuratanotiin pororyosyek tugul ama imuratanotiin mugulelwegap koot tugul ne po Israel.”

Bukuit Ne Tilil

²⁶ Misiri, Judah, Edom, ak lagogap Ammon, kobooto Moab ak tugul che piori metowekwak, che menyei surkwen. Amu ma imuratanotiin pororyosyek tugul ama imuratanotiin mugulelwegap koot tugul ne po Israel.”

BUKUIT NE TILIL

²⁶ Misri, Juda, Edom, ak lagokab Amon, koboto Moab, ak tugul che biori metowekwak, che menyei ong’atet: amu ma imuratanotin bororiosiek tugul, ama imuratanotin mugulelwekab got tugul ne bo Israel.

JEREMIA 9:26 Referencias Cruzadas

JEREMIA 10:1

Ogas ng'olyoot ne mwaiwok Kamuktaindet ne Toroor, ee kootap Israel.

JEREMIA 4:4

Omuratange obunji Kamuktaindet ne Toroor, omuratan mugulelwekwok, okweek piigap Judah ak che omenye Jerusalem, si ma mong' nereegekyuk che koroomen ko uu maat, ak kolalyo kot koma imuuchi chii komis, amu yaityetap poisyonikwok.

JEREMIA 40:11

Ko uu nooto, kingo kas Yahudik tugul che ki mi Moab, ak che ki mi ak lagogap Ammon, ak che ki mi Edom, kobooto che ki mi emotinwek tugul, kole, ki kobagaach laitoryatap Babilon piik che ki ng'et eng' Judah, ak kole, ki konde Gedalia weeriitap Aikam weeriitap Sapan koboi icheek;

JEREMIA 49:32

Ak keluul tambeesikwak, ak koek parunenik tuukwak che chaang': ak aiyeste koba komoswek tugul icheeget che piori metowekwak; ak aibu nyalildanywa eng' komoswekwak, mwaei Kamuktaindet ne Toroor.

JEREMIA 6:10

Ang'alaaljini ng'oo, ak abaoryanji, si kobiit kogasa? Ma kimuratan itiikwak, ara amaimuuchi koep iit. Kaek ng'olyootap Kamuktaindet ne Toroor teweernateet eng' icheek, ak ma poiboitune.

EZEKIEL 31:18

Ogerge ak ng'oo anyun eng' toroornatet ak etunateet eng' kwenutap keetiigap Eden? Nganda uu nooto kechoortoin kobooto keetiigap Eden iwe ng'wony oriit: irue kwenutap che ma kimuratan, kobooto icheeget che ki kibare rotwetap chok. Niito ko Pharaoh ak piikyik che chaang', mwaei Kiptaiyat Kamuktaindet ne Toroor.

EZEKIEL 32:19

Isiire ng'oo eng' korooronindo? Chortegei, ui iru kobooto che ma kimuratan.

EZEKIEL 44:7

amu ki omutu kipsagarek, che ma kimuratan mugulelwek, ama kimuratan tuguuk tugul che saptos, kotebee oldanyu ole-tiliil, si komurwon, nooto koonnyu, ye kogoitoi amitwogikyuk, mwanik ak korotiik, ak ki kobut kayomisennyu, si kotesyi tuguukwok tugul che kiwechei.

EZEKIEL 44:9

Mwaei Kiptaiyat Kamuktaindet ne Toroor kole ma wendi oldanyu ne tiliil toondet age tugul ne Pororyosyek che ma kimuratan muguleldo ak poorto, agot toondet age tugul ne mi kwenutap piigap Israel.

ATEPTAP LAWIK 26:41

ak ki atil let agane icheek, ak amutu icheek kobwa emetap puunikwak. Ngo ming'ingei anyun mugulelwekwak che ma imuratanotiin ak kotaach piretap tengekwogikwak,

POISYONIGAP CHE KIYOKTOI 7:51

“Okweek che uui kaat che ma kimuratan mugulelwek ak iitiik, ogirindoi Kabuuset ne Tiliil kotugul, oyae ak okweek ko uu ye kiyaei kwanisyekwok.

NG'ATUTIK 30:6

Imuratani `Kamuktaindet ne Toroor Kamuktaindeng'ung' muguleldang'ung' ak mugulelwegap iyoteng'ung', si icham Kamuktaindet ne Toroor Kamuktaindeng'ung' eng' muguleldang'ung' komugul ak eng' saboondang'ung' komugul si isap.

1 SAMUEL 14:6

Ki leenji `Jonathan murenooto ki ipchin kariikyik che po lugeet, “Nyoo kelande keebe ole mi lugeetap chu ma kimuratan, abeere imuuchi kotoretech Kamuktaindet ne Toroor amu ma mi kiy ne etee Kamuktaindet ne Toroor kosar eng' che chaang' anan ko eng' che ng'ering'.”

1 SAMUEL 17:26

Ki ng'alaalji `Daudi piik che kitonondos eng' ye mi ineendet koleenji, “Kiyachin nee chiito ne parei Philistindoni ak koisto teweernatani eng' Israel? Amu ng'oo Philistindoni ma kimuratan kot koreeny lugosyegap Kamuktaindet ne sabei?”