Ki nam Abraham kweenik che po kagoochinet ne kibeelei ak koganapchi Isak weeriinnyi. Ki ip ineendet eng' eunnyi maat ak rotweet ak koba tuwai.
1 PETERO 2:24 - BUKUIT NE TILIIL Sireet ne Dutero Kanon ineendet ne ki ip tengekwogikyok eng' poortanyi eng' keetit parak, si kesapchee eng' imanda; acheek che kiga kebekyi tengekwogik; ki kisaabenok pirutikyik. Bukuit Ne Tilil ineendet ne ki ip tengekwogikyok eng' poortanyi eng' keetit parak, si kesapchee eng' imanda; acheek che kiga kebekyi tengekwogik; ki kisaabenok pirutikyik. BUKUIT NE TILIL inendet ne kiib tengekwogikyok eng’ bortanyi eng’ ketit barak, si kesopche eng’ imanda; achek che kiga kebekyi tengekwogik; kigisoobenok birutikyik. |
Ki nam Abraham kweenik che po kagoochinet ne kibeelei ak koganapchi Isak weeriinnyi. Ki ip ineendet eng' eunnyi maat ak rotweet ak koba tuwai.
Tebee togeetap Aron ak koibot Aron tengektap tuguuk che tiliileen, che itabaani piigap Israel eng' kagoochinoikwak tugul che tiliileen. Ak kotebee nooto togeetap Aron kotugul si kobiit kochamogis eng' taitap Kamuktaindet ne Toroor.
Tuun keerei che pitunee ng'wanindap saboondanyi, ak koyam; tuun iityin otwogindennyu ne po iman, imanda, piik che chaang', eng' naennyi: ak tuun ibei tengekwogikwak.
ak kogesen anyun kweata tengekwogikwak tugul koba emet ole ma menyei chii, ak kounda artet kwo eng' olooto po surkwen.
Riibei anyun katigonutikyuk, si ma nam icheek tengektap tuguuchooto, ak kobekyi tuguuchooto ngo reeny. Anee Kamuktaindet ne Toroor ne atabaani icheek.
Ago okweek che oiywei kainennyu kochorchinok asiista ne po imanda ne ting'ee kanyaiset kebebaikyik; ak omande, ourerenote ko uu moek che kagiyaat.
Kobooch nguno ko mariikyin piigap Israel emait ne kituiyechin, si ma nyoor tengekto, ak kobek.
kirgit agenge ne neran, mengit agenge, mengit age ne ma siirei kenyiit agenge, kobunji kagoochinet ne kibeelei;
Amu amwaiwok ale, ngot koma siir imandang'wong' imanda ne po siriik ak Pharisaik, ko moite pounatetap kipsengwet ne matiny.
si kobiit kosulda ne ki kamwa maotyot Isaiah, kole, “Ki nam ineendet nyalulnatennyo ak koip myanwekyok.”
Ak kimach Pilato kobaibai tuiyet, kotyakyi anyun Barabbas, ak kogoito Jeso, ko kagobire kipchoritiit, si kobiit kigartaat.
Mi Kabuusetap Kiptaiyat kobooto, Ami ki ila si kobiit aamji kibananook logoiywek che myach: Ki iyookwo si kobiit aamji luulenik katyaget, Asi kobiit kogeerto kipkoratinik, Ak atyach che ki kiguoten.
Eng' peetuut ne po aeng' kogeer `Johana Jeso konyonjin, ak kole, “Ogeero, Aarwet ne po Kamuktaindet, ne ibei tengektap ng'wony!
ago taachaksei eng' ineendet chiito ne iywei ineendet ak koyaei iman eng' pororyet age tugul.
Ki paorinik acheek che po tuguuk tugul che ki yai eng' emetap Yahudik ak eng' Jerusalem. Ki par `icheek ineendet kogartaat eng' keetit;
Ye kingo kagogees tuguuk tugul che kiga kisir agobo ineendet, kochoor ineendet eng' keetit ak konde kererit.
Ki ing'eet `Kamuktaindet ne po kwanisyekyok Jeso, ineendet ne ki obar ogartaat eng' keetit.
Ko uu nooto oiityige ak okweek ole ki obekyi tengek, ago osaptosi eng' Kamuktaindet eng' Kristo Jeso.
anan ogoochi tengek kebeberwegap poorwekwok koek kariik che ma po iman; ago ogoochigei Kamuktaindet, ko uu che saptos che kamang'une che ki pek, ak ogoochi Kamuktaindet kebeberwegap poorwekwok koek kariigap imanda.
Mongen ole, ineendet ne ogoochinigei oegu otwogik agoi kasetap iit, ko oo otwogigap ineendet ne ogase iit; ngo po tengekto agoi meet, anan ngo po kasetap iit agoi imanda?
Ago nguno ko kagityaachak eng' tengekto, ak kaoegu otwogigap Kamuktaindet, otinye logoekwok agoi tiliilindo, ak kagesunet ko saboondap koigeny.
Ago nguno, ko ki kityaachech eng' Ng'atuutyet, ko kagebekyi nooto ne kiga ratech; si kobiit keotisye eng' leelindap Kabuuset ne Tiliil, ma eng' osindap ng'atuutik che siraatiin.
Amu ki agoonok eng' tai nooto ki ataach agane, ale kime Kristo agobo tengekwogikyok, ko uu ye mwaei siruutik,
Nooto anyun omong'u eng' kwenunnywa, Ak otabaange, mwaei Kiptaiyat, Amotwaa kiy ne po simdo; Si ataachak,
Ki ityaachech Kristo eng' chubisyetap Ng'atuutyet ye ki ek ineendet chubeet agobo acheek: amu ki kisir keele, Chuboot chii age tugul ne kisonginini eng' keetit:
ko oo nyiitootiin eng' logoegap imanda, che punu Jeso Kristo, agoi toroornatet ak kalasunetap Kamuktaindet.
ko kagobuch sireet ne po arorutik ne kiga kogikyech, ne kiraanyech: ak kigoisto, kobirchi kimurtoiyot;
Ko uu ye ki obegu kobooto Kristo omang'une kaneetisyosyek che po tai che po ng'wony, amu nee anyun si ogas iit arorutik, ko uu ye osaptosi eng' ng'wony,
Ki kitiliilech anyun eng' ma ko nooto eng' kagoitoetap poortap Jeso Kristo konyil agenge ak koyam.
Eng' nooto anyun ye kingo nyo Kristo ng'wony, konyo komwa kole, Ki ma imach tiseiywek ak kagoochinoik, Ago ki ichobwa poorto;
ak oyachi keelyekwok ortinwek che lititen, si ma kimaas che king'waldos, ago si kisoop.
Amu nyoljinech tisiindet ne oo ne uu ni, ne tiliil, ne ma tinyei keniisyet, ama tinyei murwoonindo, ne itabaanat eng' kiptengegiinik, ak ki kitoroor kosiir kipsengwet;
ko uu nooto Kristo agine, kingo kagigoito konyil agenge si koip tengekwogigap che chaang', ko tuun taagu ne po aeng', ma agobo tengek, ago agobo icheek che igeni ineendet agoi yetunet.
Ong'aang'jige anyun kachiliilutikwok okweegei, ak osachinigei okweegei, si kobiit kisaabok. Toretisyei miising' saaetap chiito ne po imanda ngo saa eng' kagiiletapkei.
Ngot ongen ole po imanda ineendet, ongen ole age tugul ne yaei imanda kogigesich agine eng' ineendet.
Lagochu mengech, among' kobeetook chii: ineendet ne yaei imanda ko po imanda ko uu ye po imanda ineendet:
eng' kwenutap oriitinnyi. Ak ki mi keetitap saboon ainonooto, komosi ak komosi, ne yiei logoek taman ak aeng' che teerchiin, ak koyiei logoekyik eng' arawet age tugul: ak kisoobi pororyosyek eng' sogegap keetoto.