LUKA 4:18 - BUKUIT NE TILIIL Sireet ne Dutero Kanon

¹⁸ Mi Kabuusetap Kiptaiyat kobooto, Ami ki ila si kobiit aamji kibananook logoiywek che myach: Ki iyookwo si kobiit aamji luulenik katyaget, Asi kobiit kogeerto kipkoratinik, Ak atyach che ki kiguoten.

Bukuit Ne Tilil

¹⁸ Mi Kabuusetap Kiptaiyat kobooto, Ami ki ila si kobiit aamji kibananook logoiywek che myach: Ki iyookwo si kobiit aamji luulenik katyaget, Asi kobiit kogeerto kipkoratinik, Ak atyach che ki kiguoten.

BUKUIT NE TILIL

¹⁸ Mi Tamirmirietab Kiptaiyat kobota, Ami kiila si kobiit aamji kibananok logoiywek che miach: Kiiyokwa si kobiit aamji luulenik katiaget, Asi kobiit kogeerto kipkoratinik, Ak atiach che kigiguoten.

LUKA 4:18 Referencias Cruzadas

TAUNET 3:15

Andoi punyondiit kwenung'wong' inyee ndareet ak kwondo ak kwenutap iyoteng'ung' ak iyotennyi. Tuei ineendet meting'ung' ak isuse aginye kwaryandennyi”

2 ATEPTAP PEETUUSYEK 34:27

amu kitangus muguleldang'ung', ak ki iming'ingei eng' taitap Kamuktaindet, ye kegas ng'aleekyik che nereekyin yuto, ak piik che menyei olito, ak iming'inigei eng' tainnyu, ak igereer ngoroiguk, ak iriir eng' tainnyu; ko kaagasun agane, mwaei Kamuktaindet ne Toroor.

TIENWOGIKAL 102:20

si kogas tigenetap kimonjororyot; si kotyach icheek che kigechopchi meet;

TIENWOGIKAL 147:3

Inyai che ilyotiin mugulelwekwak, ak koratei mookwak.

TIENWOGIKAL 2:2

Tetegei laitorinigap ng'wony, ak irwoochi pounik che kagotuiyo, agobo Kamuktaindet ne Toroor ak nenyi ne iilaat.

TIENWOGIKAL 2:6

“Kande laitoryandennyu `Zion tulweennyu ne tiliil.”

TIENWOGIKAL 34:18

Neegitee Kamuktaindet ne Toroor icheeget che ilyotiin mugulelwekwak, ak kosaru icheek che ki konyeratitu mugulelwekwak.

TIENWOGIKAL 45:7

Ichame imanda ak iweche tengekto. Eng' nooto anyun, ki koiilin Kamuktaindet, Kamuktaindeng'ung' eng' mwaita ne po poiboiyet kosiir siritoiguk.

TIENWOGIKAL 51:17

Korosegap Kamuktaindet ko Kabuuset ne kigoil; ee Kamuktaindet, mesase muguleldo ne kigoil ak kotinyei siguunet.

ISAIAH 32:3

Ama kigerei konyegap icheeget che keertoi, ak kogasta itigap icheeget che kastoi.

ISAIAH 35:5

Ak koit koyatagis anyun konyegap che koryotiin, ak koyatagis itiik che timotin.

ISAIAH 42:7

iyat koonyek che koryotiin, imoong'u kimonjororinik eng' korgoreet, imoong'u che tebee mesundeito.

ISAIAH 45:13

Ki ang'eet ineendet eng' imanda, ak alititi ortinwekyik tugul: ineendet ne teechei nganasennyu, ak kotyach piikyuk che ki kimut, ma eng' alet anan melekto, mwaei Kamuktaindet ne Toroor ne po lugoosyek.

ISAIAH 49:9

koleenjin icheek che ratotiin, Omande; ak koleenjin che mi mesundeito, Obartegei. Amisyoti eng' ortinwek, ak egu komoswek che torooreen ole churat, ole ki agete.

ISAIAH 50:4

Ki koono Kiptaiyat Kamuktaindet ne Toroor ng'elyepta ne po icheeget che ki kineet, si kobiit anai ole agimiititoi eng' ng'aleek ineendet ne ng'etat: ing'eetisyei karonet age tugul, ing'eeta si kobiit agas ko uu che ki kineet.

ISAIAH 57:15

Amu mwaei ko uu ni ineendet ne mi parak ak ko toroor ne menyei koigeny, ne Tiliil kainennyi kole, amenye ole toroor ak ko tiliil, kobooto ineendet agine ne kigonyeratkei eng' muguleldo, ak koming'ingei, si kobiit kisoop muguleldap ne iming'inegei, ak kisoop mugulelwegap che inyeratigei.

ISAIAH 59:21

Ni anyun kayomisennyu ne kiyomisyinige ak icheek, mwaei Kamuktaindet ne Toroor: ma istoegei kuting'ung' Kabuusennyu ne miten ak ng'aleeguk che kiande kuting'ung', anan eng' kutitap iyoteng'ung', anan eng' kutusweegap mochogoroniguk, mwaei Kamuktaindet ne Toroor, kobooch nguno agoi koigeny.

ISAIAH 61:1

Mi kobooto Kabuuset ne Tiliil ne po Kiptaiyat Kamuktaindet ne Toroor; amu ki ila Kamuktaindet ne Toroor si kobiit aamji logoiywek che myach che nyerootiin; ki koyookta anyaa che ilyotiin mugulelwek, si kobiit aamji luulenik katyaget, ak kityaach che ratotiin.

ISAIAH 66:2

Amu kiyaei eunnyu tuguuchuuto tugul, ak ki piit anyun tuguuchuuto tugul, mwaei Kamuktaindet ne Toroor; ago ageni ineendet ne panan ak konyerategei eng' muguleldo, ne potani amu ng'olyoondennyu.

EZEKIEL 9:4

Ak ki leenji `Kamuktaindet ne Toroor ineendet, Ui pun kwenutap nganaseet, kwenutap Jerusalem, ak ing'ooch turyosyegap togoochigap piik che tigendos ak koriirtos agobo tuguuk tugul che kiwechei che ki yai eng' kwenunnyi.

SEPANIA 3:12

Ago abagachi eng' kwenung'ung' piik che kinyaliili ak ko kibananook, ak komong' icheek kainetap Kamuktaindet ne Toroor.

SEKARIA 11:11

Ak kibutok eng' peetuunooto: ak ki nai anyun che nyerootiin che po akweetap keechiirek, che ki epcha iit, kole ki ng'olyootap Kamuktaindet ne Toroor nooto.

MALAKI 4:2

Ago okweek che oiywei kainennyu kochorchinok asiista ne po imanda ne ting'ee kanyaiset kebebaikyik; ak omande, ourerenote ko uu moek che kagiyaat.

MATAYO 11:5

keertoi che koryotiin, ak kobendoti che salamonik, kitiliili che tinyei mogondosaik, ak kastoi che ming'otin, ak king'eeti che ki kobek, ak keamjin kibananook logoiywek che myach.

MATAYO 12:18

“Ogeero, otwogindennyu ne ki alewen; Chamanennyu ne paibai saboondanyu eng' ineendet: Andoi ineendet Kabuusennyu ne Tiliil, si komwachi pororyosyek kirwooget.

MATAYO 12:20

Ma iriei tegat ne chisot, ama imisi ineendet kitambit ne iyeni, kot koyookto kirwooget ne iterteerisyei.

MATAYO 4:16

Piik che ki tebee mesundeito ko ki kogeer lapkeiyet ne oo, ak icheek che ki tebee koreet ne po urwetap meet, ko ki kochoorchigei lapkeiyet.”

MATAYO 5:3

Poiboen che ponoon eng' muguleldo, amu nenywa pounatetap kipsengwet.

LUKA 4:17

Ak ki kigoochi ineendet bukuit ne mamanat ne po maotyot Isaiah. Ak ki ng'aany bukuit, konyoor ole ki kisir keele,

LUKA 6:20

Ak kigeerot kasubikyik, ak kole, “Oboiboi okweek che oo ponoon, amu neng'wong' laitornatetap Kamuktaindet.

LUKA 7:22

Kowolji koleenji, “Oba omwachi Johana tuguuk che kaogeer ak che kaogas; kigoochin kipkoratinik kogeerto, ak pendoti che koing'waldos, kitiliili che tinyei mogondosaik, ak kastoi che ming'otin, king'eeti che ki kobek, ki amjin kibananook logoiywek che myach.

JOHANA 1:41

Ki sip konyoor Simion ne tupcho, ak koleenji, “Kagenyooru Mesia” (ye kiweech, ko Kristo).

JOHANA 12:46

Ki anyoo aegu lapkeiyet eng' ng'wony, si ma kotebyei eng' mesundeito chii age tugul ne iyana.

JOHANA 3:34

Amu ng'alaali ng'aleegap Kamuktaindet ineendet ne ki iyoogu Kamuktaindet; amu ma koonu ineendet Kabuuset ne Tiliil eng' karagendoet.

POISYONIGAP CHE KIYOKTOI 10:38

ongen ole ki iil `Kamuktaindet Jeso ne po Nazareth eng' Kabuuset ne Tiliil ak eng' kamuktaet; kiwendot ineendet ak koyaei ne myee, ak kosoobi tugul che ki inyaliili chesawilyet, amu ki mi Kamuktaindet kobooto ineendet.

POISYONIGAP CHE KIYOKTOI 26:18

si kobiit ing'aany konyekwak, ak koweek eng' mesundeito kobwonji lapkeiyet, ak eng' kimnateetap Setani kobwonji Kamuktaindet, si konyoor icheek nyoetap kaat ne po tengekwogik ak poroteet eng' icheek che ki kitiliil amu kayaneet ne mi eng' anee.

POISYONIGAP CHE KIYOKTOI 4:26

Kitetegei laitorinigap ng'wony, ak koyumgei pounik, agobo Kiptaiyat, ak Kristo nenyi.’

POISYONIGAP CHE KIYOKTOI 4:27

Amu iman kituitos eng' nganasani Herod ak Pontio Pilato agine kobooto Pororyosyek ak piigap Israel, kole kogirinda Kiboityondeng'ung' ne Tiliil Jeso, ne ki iil,

KOLOSAIK 1:13

ne kisarwech kemang'une kimnateetap mesundeito, ak kouutech keebe laitornatetap Weeriit ne po chamyennyi;

JAKOBO 2:5

Ogaso, tupchosyekyuk ak ko chamanikyuk; tos ki ma lewen Kamuktaindet che ponondos eng' ng'wony koek mogoreek eng' kayaneet, ak koek che nyooru laitornatet ne ki koarorchi icheek che chamei ineendet?

1 PETERO 2:9

Ago okweek ko oo pororyet ne kigelewen, oo che poisyei eng' tiseinateet ne po kaplaitoryat, pororyet ne tiliil, piik che punjin Kamuktaindet, si kobiit obarte telunatosyek che po ineendet ne kiguurok omang'une mesundeito omong'ji lapkeiyennyi ne kikweng'e.