JOSHUA 7:2 - Hawa Naga Bible 2001 Yoshua rueq Bethel ghaq maq shaldungc kox Bethawen ghaq hep wawc Ai ghaqyungx nuex miq wvyvmc tvkaz vtueq ghaq vraungx kuex helc kay nvr tueq. Kvkaq tsuinghez rueq helc roalc kaz lot vtueq, ASII LAKDAP Bible (BSI) Joshua raq maiq wiijam ka Jeriko chela maq Ai chela na tiiwato. Ai chela ka Bethel chela maq shedong nü na. Kiimaq Bethawen chela tho na riito. Joshua raq sreabi ma, kra binjü ka samheawiq sisin wa rongkiq nguta tiiwato. Tsangshiq ka waraüta sisin wato. |
Kvruex maq ghaqyaz kox nuex kaz wvnc vtueq Bethel maq shaldungc kox kuz nuex kvhttot vtueq, piq jerak kuex Bethel maq shalx nyuip kox nuiyc Ai ghaq maq shaldungc kox hvlwvl nuex guirx tueq. Kvruex yuq muinz piq rueq shomrawx tvhungx vtueq Yehowa muex nawk palx tueq.
Kvruex baung kuex Bethel ngoz tueq muingc tueq. (Mvnnuex kvruex ghaq kv-ngoc Luza ngoz tueq.)
Piq rueq kuimshawx manx pung yac vshiz kuex Bethel nuex, vganc vshiz kuex Dan ghaq nuex taq tueq.
Benjamin phvnx kuex Geba, Mikamasha, Ai, Bethel nuiyc kvruex hep wawc kez htenc nuex muinz,
Vhvlx tharc jungc kvjaz kuex lvmz shuiuz ngoz ruiux mnoz rueq lotlaungc wvnc shuiux; tvyoalc tvy lvmx vguez maq ralx nauk khvt, nauk naq kaz.
Jungx ix ngoz ruiux, mnoz ralx khvt kay max kaz nuex mnoz rueq dvnc vshuiux htenc kuex rvkhauk laz tvhungx rax yaq, honc jungc kuy jix paung ruiux yuq jix vtaungx juing lvmx httax tuex.
Ralx daungx kuex Ai ghaqyungx nuex httuiuc wvnc tueq! Tsuingshiq rueq Migron ghaq kuex yanz wvnc tueq! Tsuingshiq lvmx svy kuex Mikmash nuex taq shex tueq!
Heshbon miqsaz lex, ramc wuez shuinz! Ai ghaq kuex bac tueq! Rabba yalxjuik rulx lex, yonzyex wuez kuinz! Ruiyhec khvy svmx vtueq yonzyex wuez kuinz! Rvthuip rvkhvt yuz kuinz. Nuimshiq Molek tishox kuex piq shomc waz bix nuiyc hokhvmx saz miqwaz sahez rulc vdvmz thuq lvp wvnc rvhumc tuex.
“Nuimshiq Israel miqsaz kuex ngaz nuex tvmtuing httax muit yuq muinz, Yuda mungx jix rueq kvkhoc phvnx mvrax kuex shuimx muq mruez shueq. Gilgal ghaqyungx, rvmuq ngoz ruiux Bethawen ghaqyungx nuex nauk nawk palx kaz, vtvraungx httax yaq Yehowa muingc maq bomkhvmc nauk taq kaz.
“Tay shuinz! Khelbuenx kuex shoalx phungc nuex tvkaz gay shix ikhoc ngaz rueq nuimhez kuex tvkaz vphaungx. Kvkhoc rvtueq nuimhez kuex puiuc ikhoc tharc httax vtueq, hituiuc ikhoc thuinz tv-nyenz shuinz.
Kvkhoc rvtueq nuimshiq yvmx khoc lac thuiuzthuic tvraungx httax vtuinx kuex vhvlx waq lawc shuinz. Tharc guez vngauk vngaz jix ikhoc rvmuit maq, wvtharc jix ikhoc khuemx wuez kuinz.
Israel miqsaz rueq kaq kox wawc ghaqyungx htenc kuex guimz lawc jix hokhvmx bix htenc khvt taungx gay tueq: Yerikho, (Bethel hep wawc) Ai,
Ghaqkhux kox tsuingshiq ghaqruiy kuex Yodan ruilx maq phaungc vtueq, Yerikho htauk kox maq yanz wvnc vtueq shalx nyuip kox kuz hong maq raz tueq Bethawen yaruix tvnx nuex httuiuc laz rvtueq.
Kvruex yimaq Yoshua rueq Akasia jerak maq sisunx jix miq wanueyc kuex Kanaan mungx Yerikho ghaqyungx kuex tvhelc kay muex nvr tueq. Tsuingnueyc kvruex ghaq kvyuq httuiuc kaz tueq nuex vmuingc Rahab ngoz yaq mephex nyuiuz yuimx nuex wvrx shiz yuip tueq.
Yoshua kox nuex yek waung vtueq, “Ai ghaq kuex naunghez lotlaz kaz vtueq khvt kay rac muq. Miq hingc nueyc hingc thuimx tanc tvwaung ruiux hungx tuex, nolaungx daungx lotlaz kay rac muq; miqghaq yunghvlc rvmuq,” ngoz tueq jungx wvnc tueq.
Philistin miqsaz htenc rueq muinz Israel miqsaz khvt tvkoc rvtuimx wuez tueq; tsuingshiq nuex nolaungx renc 30,000, mvre nuex ngaungc jix shvrvyx 6,000 nuiyc svmuktvrax kumtsvy ikhoc paung yaq nolaungx bix htenc httax yaq. Tsuinghez kuex Bethawen ghaq maq shaldungc kox Mikmash nuex kaz wvnc vtueq kvyuq jerak tec tueq.
Bethawen ghaq tvlvy laz yurc khvt kaz tueq. Kvruex raungnuiyq Yehowa rueq Israel miqsaz kuex palc wvnc tueq.
Piq rueq kvruex yauk noalc htenc kuex Bethel miqsaz muex muinz, Yuda mungx ghaqyaz kox nuex httaz jix Rama ghaq wuinz muex muinz, Jattir,