Yaku sahez vganc jix kvraq muinz tsuingshvlx nyuiuz muingc jungc tvbac rvhumc tueq kuex murx tvyez tvkoc tsuinghez rueq thvt gay tueq hez kox kvyuq kaz vtueq, ghaqyungx kuex tvbac httak gay tueq.
JOSHUA 7:1 - Hawa Naga Bible 2001 Yehowa rueq Israel miqsaz muex Yerikho ghaq wawc taungx vwawx phvnx ruip saz kuex lvmz muq maq tvbac gay tvkoc nvr tueq rvhvt maq phvnx muq. Vmuingc Akhan ngoz yaq waz rueq kvruex kvjaz kuex phvnx muq ningkhvnc nuex Yehowa kuex Israel miqsaz muex pinhtumc khaq tueq. (Akhan kuex Yuda phvnx wawc taungkhoz taunghtaq rvtueq Zera taungx nuex seng yaq Zabdi suiuz, Karmi saz rvtueq.) ASII LAKDAP Bible (BSI) Shamtaq Tatiwe raq Israilnok ma, Jeriko chela wa phanrap hupsam ka wiita ashthen baiq chang phanshi ra min jaqkaiq maq shamkai maimak nguta aming akuq ka langmak dea riito. Maiq weshi amang Achan ngutlaq kriiraq, kra aming ka lang mak jinto. Kra ningkhan Tatiwe ka Israilnok ma atsan khiqhea walü wa ikha riito. Achan ka Karmi se. Apaiq ma ati ka Jabdi. Kiimaq tsangta mang ka Jera ta. Kiimaq tsangshiq weraü ka Juda phan wa. |
Yaku sahez vganc jix kvraq muinz tsuingshvlx nyuiuz muingc jungc tvbac rvhumc tueq kuex murx tvyez tvkoc tsuinghez rueq thvt gay tueq hez kox kvyuq kaz vtueq, ghaqyungx kuex tvbac httak gay tueq.
Yehowa kuex Israel muex laukshiz hulawx khaq yek vtueq, tsuingshiq muex tvkuilc daz tvkoc Yehowa rueq Dawid muex ngoc, “Israel nuiyc Yuda miqsaz htenc kuex wvl kaz kuiuz,” ngoz tueq jungx tueq.
Tsuinghez kuex Elisha httax yaq kanx nuex httuiuc waung vtueq, Gehazi rueq htungc vnueyc kuex lvmz vtueq yuimx mungx nuex pix wvnc tueq. Kvruex yimaq Naman nvrc wanueyc kuex tvyek gay tueq.
Kvkhoc shuimx lvmz tueq kuex Tishox rueq roc muq ningkhvnc nuex, Israel miqsaz muex murx tvgurc tueq.
Kvkhoc rvtueq miq htenc rueq Yehowa tsuingshiq jix vwaz tamx Tishox Shomc Yuimx mungx nuex nawk palx yaq kuex tvthauk gay ruiux, yac yuimx htenc nuiyc Ashera tishox nyuiuz yac htenc kuex nawk palx wvnc wuez tueq. Tsuingshiq yaq wvnc tueq mvrax htenc ningkhvnc nuex Yehowa thuinkhvy kuex Yuda mungx nuiyc Yerusalem ghaq htauk nuex httuiuc wvnc tueq.
Ngaz rueq, “O Tishox lex, ngaz kuex mhtumc nuex tuk tenz lot mauk tanc khvnc yvlc sac vtaungx. Nuiyshiq mvrax htenc kuex nuiyshiq khux luimz laz kv-phungc paung yaq; kvruex mvrax kuex raungmungx nuex httuiuc laz joz yaq.
Vganc jix kuex mnoz rueq mvrax shuimc ningkhvnc nuex kuilc daz rvhumc wuez yaq, mnoz rueq vhvlx shuimx shuiux yauk shuimc kuex tsuingshiq muex romc kuq yaq.
Taksux tharc kuex ralx waz koz vlaq htauk nuex muinz vhvlx pinhtumc rvtueq, yuq muinz mvrax kop yaq waz rueq vhvlx phvnx paunghvlc tvbac gay lot yaq.
Taungjix lex, mnoz rueq vlvmz yauk shuimc kuex mkaq muinz shuimx vshuiux, yuq muinz nuiyshiq rueq miqmac pumz kuex mkaq muinz tvyvlc sac vshix. Tsuingshiq kuex mnoz nuex tvmtuing vguez ningkhvnc nuex vnyek, vluz mungtan htenc nuex nyanc gay rvhumc yaq Yuda mungx nuiyc Yerusalem nuex httaz jix lotlaz nuiyc Israel miqsaz lotlaz htauk nuex vruex lvmz vsuing yaungx wvnc tueq.
Kvruex yimaq Moshe rueq Arun nuiyc piq sanueyc Eleazar nuiyc Ethamar muex, “Nuimshiq vyonz vyec thuinbac rvhumc vtuinx kuex tvkhic tvkoc nuimshiq khux htiz guez maq nauk httax kaz, svmhung htenc muinz nauk juir kaz. Mkhoc shoc maq kvkhoc ruez ruiux yuq nuimshiq vthueyc rvhumc tuinx, Yehowa muinz miq phungc kvyuq thuinkhvy dung tuex. Yuq muinz nuimshiq phuz vnox Israel miqsaz htenc kuex Yehowa kox wawc wvr tvkaz vtueq, tvkhamc gay tueq jix laung nuex vyonz vyec thuinbac kuex tvkhic mvy yaq.
Lix yauk shuimc jix hez kuex tsuingshiq vdvmz dvmz, “Naunghez vkhoc kuilc daz rvhumc vtix vruex kuex ukhaq mvrax ningkhvnc nuex lac tuiuz tvkoc hangchac maq thvl ix,” ngoz tueq rvjungc wuez tueq. Tsuinghez rueq kvkhoc thvl koq tueq Yona duix nuex aungx tueq.
Yehowa miqsaz daungx lotlaz laung tsuinghez rueq tsuingshiq muex jungx tueq kuex, “Nuimhez rueq yvmx ngoz tueq lac Israel Tishox muex vkhoc layx vbac yauk shuimc khawx lvlx vshuinx? Nuimhez tvkoc vruex shomrawx kuex tvhungx vtueq Yehowa muex khawx lvlx wuez vshuinx! Nuimhez rueq vpiq yix nuex raungluingx muinz phvnx muit nyix!
Majuiuc muinz vpiq kuex tvlvlc yek shuinx haz? Nuimshiq rueq majuiuc raungnuiyq dvyx Yehowa muex khawx ruiux yuq, invp raungnuiyq Israel miqsaz pumz tek muex vpiq thuinkhaq tuex.
Zera saz Akhan rueq muinz tvbac gay tvkoc vhtvp htaz wuez hup vsvmx kuex lvmc lvy ningkhvnc nuex Israel miqsaz wvkung tuimx muex murx tvgurc tueq kuex rvwvl wuez shuinz. Piq rueq shuimc tvyaq ningkhvnc nuex Akhan piq washiz dvyx thueyc tueq rvmuq,” ngoz tueq jungx tueq.