Biblia Todo Logo
La Biblia Online
- Anuncios -




DANIEL 9:7 - Hawa Naga Bible 2001

7 Taungjix lex, mnoz rueq vlvmz yauk shuimc kuex mkaq muinz shuimx vshuiux, yuq muinz nuiyshiq rueq miqmac pumz kuex mkaq muinz tvyvlc sac vshix. Tsuingshiq kuex mnoz nuex tvmtuing vguez ningkhvnc nuex vnyek, vluz mungtan htenc nuex nyanc gay rvhumc yaq Yuda mungx nuiyc Yerusalem nuex httaz jix lotlaz nuiyc Israel miqsaz lotlaz htauk nuex vruex lvmz vsuing yaungx wvnc tueq.

Ver Capítulo Copiar

ASII LAKDAP Bible (BSI)

7 Ümniika Tatiwe, ümniika phanrap tingting tri raükha tiipha shatti. Shatmaq naishiq riika maiqmii khu na, jeasi thoda hophaq wan laitli wranaiqshe siwankai. Arka tengto dea. Naishiq wiitarü raq hophaq tiikai. Juda mung na siti ngu i kiimaq Jerusalem na siti ngu i, kiimaq tlotli Israilnok mungmaiqse thun, ümniiraq pongmung na, aje na nai maiqmung thun luhea na, tiipin jobaiq laü. Jamkhano ngukla tsangshiq ka ümwokhong na simak riito.

Ver Capítulo Copiar




DANIEL 9:7
34 Referencias Cruzadas  

Nuiyshiq Tishox lex, nuiyshiq nuex yaungx wvnc dvnc yaq lvmz phvnx ruip saz wawc mvrax htenc nuiyc vshuimc tvyaq wvnc tiq yauk shuimc htenc tvkoc nuex murx tvgurc rvhumc ruiux doc muinz, mnoz rueq nuiyshiq rvhumc aungx yaq tanc khvnc murx tvgurc muq maq, rullungx tvraungx kuq phux.


Yehowa Israel Tishox lex, mnoz kuex tsuingrux waz rvtoq, yuq muinz nuiyshiq muex rullungx tvraungx kuq phux. Nuiyshiq kuex mhtumc nuex nuiyshiq mvrax kuex kvjungc vtix; nuiyshiq kuex mkhaungkac nuex httuiuc lot jix washiz muinz vguez.”


Mnoz rueq nuiyshiq muex murx tvgurc phux kuex vlvmx rvtueq; nuiyshiq rueq mvrax yaq wvnc tiq, mnoz kuex tvmtuing httax yaq!


Yehowa lex, mnoz kuex tsuingrux waz rvtoq, tvrac htenc muinz tvrac vlvmz rvtueq.


Ngaz kuex mkaq muinz yvlc svy rvhumc vtaungx;


O Tishox lex, ngvy rullungx kuex tvdung kuq vtueq ngaz kuex palc wvnc koq, ngaz rueq tsuingrux lvmx kuex ngaz rueq vkoz vkez maq jungx tvtay kuq shaungx.


Ngaz rueq mnoz muex mvrax yaq kuq gay phaungx, mnoz muex dvyx yaq gay phaungx, mnoz rueq tvmaung toq honc bac lvmx kuex ngaz rueq shuimx gay tauk. Kvkhoc rvtueq ngaz muex phox kuq vphux kuex tvrac vlvmz rvtueq; ngaz muex htvp htaz phox kuq vphux lvmx kuex tvrac rvkhauk laz rvtueq.


Kvruex raungnuiyq httuiuc tuex nuex, Taungjix rueq vpiq luimc vkawc kuex shuimx vtueq vpiq miqsaz kuex Asiria nuiyc Ejip wawc, Pathro, Ethiopi, Elam, Babelon nuiyc Hamat mungx htenc, svmuktvrax nuiyc julc lomx htenc nuex httaz jix htenc kuex gvl wvnc shuex.


Yac yuimx tvhungx guirc jix lotlaz yvlc svy rvhumc tuex; tsuingshiq lotlaz muingc bac wuez tuex.


“Yehowa lex, ngaz kuex mnoz rulc yauk shuimc rvdoc yanc ruiux yuq; mnoz vlvmz rvtoq kuex mnoz rueq hakhix tvkhic vshuiux. Yuq muinz ngaz rueq mnoz muex tvrac vlvmz nuex seng vtueq wiz phaungx. Honc bac miq htenc kuex yvmx ngoz tueq lac rungwanx yaq nguinx? Layx vbac jix miq htenc kuex yvmx ngoz tueq lac lvp luz yaq nguinx?


Piq hokhvmx yaungx yaq nuex Yuda miqsaz vhvlx kvguing httax wuez tuex, Israel miqsaz kuex nomic httax wuez tuex. Piq kuex ‘Naungshiq Palc daungc Yehowa’ ngoz tueq gvlc rvhumc tuex.


Ngaz rueq mungkawx wawc miqphvnx lotlaz kv-khuirc hiyaz laz juing bac hvlc thuimkux kuex tsuingshiq htauk nuex tv-httuiuc shaungx. Ngaz rueq tsuingshiq tvpenc gay tauk baung ruip saz wawc miqphvnx lotlaz rueq tsuingshiq muex nueykuic shuex, shummarc shuex, ngoz ngax jungx saq vtueq tsuingshiq muingc maq kvtuemc taungc bomc rvhumc tuex.


Naungshiq kuex yvlc svy thuiuz lez woalc vtueq muingc jungc bac rueq puingc wvnc vphuex. Naungshiq yalxrox pat maq majuiuc nuex httuiuc laz, naungshiq nuiyc naungshiq jix vwaz tamx rueq Yehowa naungshiq Tishox kuex mkaq muinz yaq vtueq khawx lvlx wvnc tiq; piq rueq nvrc bomc htenc muinz phvnx wuez miq,” ngoz tueq.


Yuda miqsaz nuiyc Yerusalem ghaq jix rueq layx bac phvnx lotlaz shuimx wvnc tueq ningkhvnc nuex, tsuingshiq rulc vdvmz tsuingshiq hokhvmx bix nuiyc walaungx bix, tsuingshiq shomc waz bix nuiyc shvmmax bix htenc kuex tvbac gay tvkoc htvp htaz gay tauk.


Yuda nuiyc Yerusalem wawc miq htenc kuex palc wvnc rvhumc vtueq kvkhup wungx httax wuez tuex. Ghaqyungx kvruex muinz ‘Nuiyshiq Palc Daungc Yehowa’ ngoz tueq muingc shuex.


tsuingshiq kuex nax bvmc jix waz hez ikhoc Yerusalem ghaq kuex tvroz tuimx wvnc shuex, yvmx khoc lac ngoz ruiux lec vpiq miq htenc rueq Yehowa muex khawc lvlc ningkhvnc nuex rvtueq. Yehowa rueq jungx yaq.


Yuq muinz vsuing thuinhvlx muq jix kuex ngaz haz rvtauk nguinx? Rvmuq, tsuingshiq dvyx miqmac thuinz piauc muq maq yvlc svy rvhumc wuez yaq.


Mnoz rueq shuimx wvnc toq vyaq mvrax lotlaz kuex ngaz rueq dawc kuq phaungx, yuq muinz mnoz rueq kvruex htenc kuex rvwvl lvp wvnc vtueq mnuix tvkac tvkoc doc muinz pinhtumc yvlc svy rvhumc tuiux.” Johvlc Yehowa rueq jungx tueq.


Nuimshiq kuex nuimshiq layx bac honc vyaungc nuiyc nuimshiq yaq wvnc tuit htenc kuex rvwvl vtueq, nuimshiq mvrax htenc nuiyc nuimshiq vshuy vshac yauk shuimc htenc ningkhvnc nuex, nuimshiq miqmac pumz kvdoc muinz vsuirc sac rvshuinx.


Kvruex ningkhvnc nuex, Yerusalem wawc vnyuiuz vwaz htenc rueq tsuingshiq sahez kuex phauk wuez shuex, vsahez rueq tsuingshiq nyuiuz vwaz htenc kuex phauk wuez shuex. Ngaz rueq mnoz muex murx tvgurc ruiux tvraungx kvjungx yaq hez kuex baung ruip nuex tvpanc gay phaungx.


Lvmx luz nuex httaz jix hez muinz vthuiuz vsac raz tueq thueyc wvnc wuez tuex; vnyek wawc hez kuex ralx rvlungc nuex thvy gay rvhumc tuex; kvjungx yaq hez kuex rvmc rueq thueyc tuex. Tsuingshiq lotlaz rueq ngvy thuinkhvy kuex mvrc laz rvhumc wuez tuex.


Mnoz, O Yehowa nuiyshiq Tishox lex, nuiyshiq rueq mkvjaz tay miq doc rvtiq, vlvmz yauk shuimc kuex mnoz rueq mkaq muinz shuimx vshuiux ningkhvnc nuex, nuiyshiq muex murx tvgurc tvkoc mnoz rueq tvyoalc taq toq rulc rv-ngvlc murx tvgurc vshuiux.


O Tishox lex, nuiyshiq muex tay kuq koq, nuiyshiq kuex lawc vtueq, nuiyshiq rvhumc vtix kuilc daz nuiyc mmuingc ruingc yaq ghaqyungx kuilc daz jamjaux yaq kuex khiz kuq koq. Nuiyshiq rueq vlvmz shuimx kaz vshix ningkhvnc nuex rvmuq, mnoz kuex menjenc kuy jix waz rvtoq ningkhvnc nuex nuiyshiq rueq vjux thoz vphix.


Nuiyshiq hokhvmx bix, mungx guimz lawc jix bix, nuiyshiq jix vwaz tamx rueq yvlc svy juing shuimx kaz vtueq Taungjix mnoz muex mvrax yaq gay wuez tueq.


“Ngaz rueq wungx kuex jalshix ikhoc Israel miqsaz kuex jalc gay tvkoc nvr shaungx. Ngaz rueq vjux vguez phvnx htenc lotlaz tvsawc gay tvkoc tsuingshiq kuex miqphvnx htenc hvlwvl nuex jal gay shaungx.


Majuiuc nuimshiq yvlc svy rvhumc vtuinx phvnx yauk shuimc htenc kuex mvnnuex nuimshiq rueq shuimx wvnc tuit nuex yvmx vjux lac dung tvnx? Kvruex wawc vlvp kuex vthueyc juing lvmx dvyx rvtueq!


Yehowa kuex hungc vlaungc maq mvrc yaq nuimshiq kvwungx juing rvtueq, Vpiq lvmx htenc lotlaz kuex hunghtaungx vtueq tsuingruik yaq; Nuimshiq Tishox kuex tvmtuing nuiyc tsuingrux rvtueq; Vpiq kuex vlvmx nuiyc tvrac vlvmz rvtueq.


Yehowa rueq nuimshiq kuex raungluingx saz dvyx shex tvjungx vtueq vganc phvnx htenc mungx nuex nyanc gay kv-phuinx.


Síguenos en:

Anuncios


Anuncios


¡Síguenos en WhatsApp! Síguenos