JOSHUA 22:20 - Hawa Naga Bible 2001

²⁰ Zera saz Akhan rueq muinz tvbac gay tvkoc vhtvp htaz wuez hup vsvmx kuex lvmc lvy ningkhvnc nuex Israel miqsaz wvkung tuimx muex murx tvgurc tueq kuex rvwvl wuez shuinz. Piq rueq shuimc tvyaq ningkhvnc nuex Akhan piq washiz dvyx thueyc tueq rvmuq,” ngoz tueq jungx tueq.

ASII LAKDAP Bible (BSI)

²⁰ Jera se Akan raq tiimiqchup shiithenbaiq chang nguta aming akuq hupsam kra tiithenbaiq mak tri jin raüta, mra pintaq ira tsan na tiitsang ronglaq. Kra ngarai tang kha na, Israilnok mungmaiqse kunli raq mohoto. Apaiq ngarai khana, Akan apaiqli ka tsaimak.”

JOSHUA 22:20 Referencias Cruzadas

2 KAÜWA WERAÜ 24:18

Kvkhoc rvtueq miq htenc rueq Yehowa tsuingshiq jix vwaz tamx Tishox Shomc Yuimx mungx nuex nawk palx yaq kuex tvthauk gay ruiux, yac yuimx htenc nuiyc Ashera tishox nyuiuz yac htenc kuex nawk palx wvnc wuez tueq. Tsuingshiq yaq wvnc tueq mvrax htenc ningkhvnc nuex Yehowa thuinkhvy kuex Yuda mungx nuiyc Yerusalem ghaq htauk nuex httuiuc wvnc tueq.

YOBA 35:8

Vganc jix kuex mnoz rueq mvrax shuimc ningkhvnc nuex kuilc daz rvhumc wuez yaq, mnoz rueq vhvlx shuimx shuiux yauk shuimc kuex tsuingshiq muex romc kuq yaq.

LEWI 10:6

Kvruex yimaq Moshe rueq Arun nuiyc piq sanueyc Eleazar nuiyc Ethamar muex, “Nuimshiq vyonz vyec thuinbac rvhumc vtuinx kuex tvkhic tvkoc nuimshiq khux htiz guez maq nauk httax kaz, svmhung htenc muinz nauk juir kaz. Mkhoc shoc maq kvkhoc ruez ruiux yuq nuimshiq vthueyc rvhumc tuinx, Yehowa muinz miq phungc kvyuq thuinkhvy dung tuex. Yuq muinz nuimshiq phuz vnox Israel miqsaz htenc kuex Yehowa kox wawc wvr tvkaz vtueq, tvkhamc gay tueq jix laung nuex vyonz vyec thuinbac kuex tvkhic mvy yaq.

1 Corinthians 10:6

Majuiuc, vruex lvmz lotlaz kuex tsuingshiq rueq shuimx wvnc tueq honc vbac phvnx htenc muex thuinz rvnphvnx mvy muq lvmx nuiyc naungshiq kuex tsuingshiq wvyvmc rueq yac yuimx nawk wvnc tueq kvkhoc naungshiq rueq nawk miq tvkoc honc jungc kuy rvtueq.

JOSHUA 22:21

Ruben, Gad nuiyc Shaldungc Manase phvnx htenc wawc miq htenc rueq shalx nyuip kox phvnx wawc yuimx taungx walaungx bix muex ngoc:

JOSHUA 7:1

Yehowa rueq Israel miqsaz muex Yerikho ghaq wawc taungx vwawx phvnx ruip saz kuex lvmz muq maq tvbac gay tvkoc nvr tueq rvhvt maq phvnx muq. Vmuingc Akhan ngoz yaq waz rueq kvruex kvjaz kuex phvnx muq ningkhvnc nuex Yehowa kuex Israel miqsaz muex pinhtumc khaq tueq. (Akhan kuex Yuda phvnx wawc taungkhoz taunghtaq rvtueq Zera taungx nuex seng yaq Zabdi suiuz, Karmi saz rvtueq.)

JOSHUA 7:18

Zabdi yuimx wuinz wawc miq pumz tek vtueq max nuex dung kaz koq tueq, Akhan ngoz yaq waz nuex aungx tueq. Piq kuex Karmi saz, Zabdi suiuz rvtueq.

JOSHUA 7:24

Yoshua nuiyc Israel miqsaz htenc rueq Akhan maq raz tueq kuimphox, hungluz khvy nuiyc kuimshawx pvl muinz, piq suiuz vsaz hez htenc, khelbuenx, manx, loze, tap nuex piq rueq guimz yaq hup vsvmx httax yaq lotlaz muinz Kuilc daz Warc nuex shvlx laq tueq.

JOSHUA 7:5

Ai ghaq jix rueq tsuinghez kuex yurc vtueq ghaqyungx palx kaluix maq svt wvnc tueq kanx yaz lvmx wvlex miq waz 36 thvt gay tueq. Kvruex yimaq Israel miqsaz htenc thuinz htumx vtueq hiyaz wuez tueq.

2 Peter 2:6

Tishox rueq Sodom nuiyc Gomorra ghaqyungx kuex wvr maq tvbac gay ruiux, tvrac phvnx muq jix htenc nuex yvmx khoc lac yaungx wvnc yaq nguinx layx tvkhic juing tvhungx shec tueq.