JOSHUA 22:20 - ASII LAKDAP Bible (BSI)

²⁰ Jera se Akan raq tiimiqchup shiithenbaiq chang nguta aming akuq hupsam kra tiithenbaiq mak tri jin raüta, mra pintaq ira tsan na tiitsang ronglaq. Kra ngarai tang kha na, Israilnok mungmaiqse kunli raq mohoto. Apaiq ngarai khana, Akan apaiqli ka tsaimak.”

Hawa Naga Bible 2001

²⁰ Zera saz Akhan rueq muinz tvbac gay tvkoc vhtvp htaz wuez hup vsvmx kuex lvmc lvy ningkhvnc nuex Israel miqsaz wvkung tuimx muex murx tvgurc tueq kuex rvwvl wuez shuinz. Piq rueq shuimc tvyaq ningkhvnc nuex Akhan piq washiz dvyx thueyc tueq rvmuq,” ngoz tueq jungx tueq.

JOSHUA 22:20 Referencias Cruzadas

2 KAÜWA WERAÜ 24:18

Kra ningkhan na, mungmaiqse raq tsangtitiim Tatiwe, Shiikeawe ka Shomjam na shomnoq wa mak she tsaq kito. Raüta sumla phra phong nai jechak nyung Ashera sumla phong kriishe shomnoq hoto. Tsangshiq raq arthun ngarai klo wan kha na Tatiwe tsankhiq walütu ka Juda mung nai Jerusalem khuthaq niishe saüwato.

YOBA 35:8

Ümngarai riika ümkongtiwe kli tiichamchaotlo, kiimaq ümniiraq athuk atsom jaqsham tlaü kriiraq apaiq khrumtlo.

LEWI 10:6

Kiijiishe Mosheq raq Aron nai asenai Eleajar nai Ithamar ma nguto, “Maaho maajü tiichhi nguta namshiq khu ka thai hü maq naq thü rongkiq. Riimakla namdü wa khea kra chailanta maajo kheasam ikha naqchai rongkiq. Namshiq raq kiikha riihanla atsai mirhan. Kiimaq Tatiwe ka Israilnok tlotli ma tsankhiq miraq. Shatmaq namshiq Israilnok mungmaiqse riiwe kla ara Tatiwe raq wa tiisat raüta tiikhiim baiqtaq ara miitu maajo jümii shiri mimai.

1 Corinthians 10:6

Riita arthun manphan arka nashiq ma hon atsii lam miitu sitlo. Arka nashiq raq tsangshiq raq abi ati sükha tsii rüm wantaq kiikha, nashiq riimin rüm wan mai chang miitu she chongkuqtlo.

JOSHUA 22:21

Kiijiishe Reuben phan, Gad phan, kiimaq Shedong nü na siti Manase phan raq Shenyap nü na siti maiqphan weraü welabi kriimaq akhiishe treto,

JOSHUA 7:1

Shamtaq Tatiwe raq Israilnok ma, Jeriko chela wa phanrap hupsam ka wiita ashthen baiq chang phanshi ra min jaqkaiq maq shamkai maimak nguta aming akuq ka langmak dea riito. Maiq weshi amang Achan ngutlaq kriiraq, kra aming ka lang mak jinto. Kra ningkhan Tatiwe ka Israilnok ma atsan khiqhea walü wa ikha riito. Achan ka Karmi se. Apaiq ma ati ka Jabdi. Kiimaq tsangta mang ka Jera ta. Kiimaq tsangshiq weraü ka Juda phan wa.

JOSHUA 7:18

Kra raütiishe apaiq raq Jabdi tahii jamti ka weshi shi maq tsea raüta tiichapto. Raüta kra phong wa Karmi se Achan, Jabdi ma asaü kra lang raq thaüto. Krai mren Achan ka khaki na tsea raüta tiichapto.

JOSHUA 7:24

Raütiishe, Joshua nai Israilnok mungmaiqse wiita raq, Achan ka kampho, samtongjong kaü, kiimaq chaq ngam pan, kiimaq Achhan setiim maiqwesere, kiimaq asetiim jechaksere, apaiq minsaü kong, kumtoq kong, kiimaq skukong, kiimaq apaiq tombutiip kra, kiimaq apaiq jaq na hupsam ümchuwa rümtlaq kra thun krai nong nong maq laphoto; raüta tsangshiq raq tsangshiq ka Chamchao Hiqwii kiiniishe sheahoto.

JOSHUA 7:5

Ai chelati raq Israilnok ka, chela kilamchong maq joho raüta, long piikii chang binjü kiina saüli johoto. Raüta kra lamhong binjü kiiwiili Ai chelati raq, Israilnok ka maiq roqtsamri wetrok tin tsatbaiqto. Kra ningkhan Israilnok ka tsaiji ajom she riito kiimaq ahai she riito.

2 Peter 2:6

Nashiq raq asap i, Shiikeawe raq Sodom nai Gommora chelati kha ka phokuqto. Raüta tsangshiq chela anaiti ka wa maq tiibunlak chaq baiqto. Shiikeawe raq ara chongtiikai manphan armaq nashiq ma tsii chhi wan lam tiichhi chongkuqtlo, rawiichii niimin Shiikeawe lamphan sap mak maq ngarai lam phanti ka akhiisii Shiikeawe raq mishthen baiq.