JOSHUA 22:18 - Hawa Naga Bible 2001

¹⁸ Majuiuc muinz vpiq kuex tvlvlc yek shuinx haz? Nuimshiq rueq majuiuc raungnuiyq dvyx Yehowa muex khawx ruiux yuq, invp raungnuiyq Israel miqsaz pumz tek muex vpiq thuinkhaq tuex.

ASII LAKDAP Bible (BSI)

¹⁸ Riita ümchaü min, namshiq ka apaiq wokhong wa pong na dongho she shea? Namshiq raq ümchaü Tatiwe kiq khii han jiila, anap ranaiq apaiq ka Israilnok kunli ma atsankhiq miraq.

JOSHUA 22:18 Referencias Cruzadas

2 SAMUEL 24:1

Yehowa kuex Israel muex laukshiz hulawx khaq yek vtueq, tsuingshiq muex tvkuilc daz tvkoc Yehowa rueq Dawid muex ngoc, “Israel nuiyc Yuda miqsaz htenc kuex wvl kaz kuiuz,” ngoz tueq jungx tueq.

1 HOKHVMX 9:6

Yuq muinz mkhoc shoc maq mnoz muinz, msuiuz msaz htenc muinz ngvy yix phvnx muit maq, ngaz rueq mnoz muex kuq phaungx tvrac htenc nuiyc vnvrc bomc htenc kuex phvnx muit maq, vganc tishox htenc kuex nawk palx ruiux yuq,

2 HOKHVMX 17:21

Yehowa rueq Israel kuex Yuda kox wawc tvrv-phvlc gay tueq yix maq, Israel miqsaz rueq Nebat saz Jeroboam kuex tsuingshiq hokhvmx muex tvyaungc tueq. Jeroboam rueq tsuingshiq kuex Yehowa muex tvtuip gay ruiux vkvhiz juing mvrax lvmx nuex lvmx shvlc tvyaq kuq tueq.

1 KAÜWA WERAÜ 21:1

Satan rueq Israel miqsaz muex kuilc daz tvrvhumc roc vtueq, Dawid muex muingc wvlc lvmc tvkoc tvhtvp htaz kuq tueq.

1 KAÜWA WERAÜ 21:14

Kvkhoc rvtueq Yehowa rueq Israel miqsaz htenc htauk nuex vmac vtsac thuimkux tvkaz koq tueq, miq 70,000 thueyc tueq.

2 KAÜWA WERAÜ 25:27

Piq rueq Yehowa muex khawx lvlx wvnc tueq maq raz tueq, Yerusalem nuex piq khawc lvlc muex dvnc koq tueq tvsuip nuex piq kuex Lakhish ghaq nuex yuz wvnc tueq, yuq muinz piq ralx hez rueq kvyuq yurc wvnc vtueq kvyuq thvt gay tueq.

2 KAÜWA WERAÜ 34:33

Hokhvmx Josia rueq Israel miqsaz rueq guimz yaq ghaq vraungx nuex httax yaq miqsuirc vsac phvnx yac yuimx lotlaz kuex piq tvraungx wawwawx tvbac httak gay ruiux, Yehowa tsuingshiq jix vwaz tamx Tishox muex nawk palx tvkoc miq htenc muex jungphvnx kuq tueq.

LEWI 10:6

Kvruex yimaq Moshe rueq Arun nuiyc piq sanueyc Eleazar nuiyc Ethamar muex, “Nuimshiq vyonz vyec thuinbac rvhumc vtuinx kuex tvkhic tvkoc nuimshiq khux htiz guez maq nauk httax kaz, svmhung htenc muinz nauk juir kaz. Mkhoc shoc maq kvkhoc ruez ruiux yuq nuimshiq vthueyc rvhumc tuinx, Yehowa muinz miq phungc kvyuq thuinkhvy dung tuex. Yuq muinz nuimshiq phuz vnox Israel miqsaz htenc kuex Yehowa kox wawc wvr tvkaz vtueq, tvkhamc gay tueq jix laung nuex vyonz vyec thuinbac kuex tvkhic mvy yaq.

WEAWEA 16:22

Yuq muinz Moshe nuiyc Arun kuex ghaq nuex bumx vtueq, “O Tishox lex, mnoz kuex lotlaz thuiuzthuic pauk rvtoq. Miq washiz shiz mvrax ningkhvnc nuex wv-phvnx tuimx muex thuinz haz khaq vtuiux?” ngoz tueq tvtay jungx tueq.

WEAWEA 32:15

Ruben phvnx nuiyc Gad phvnx nuimshiq kuex Yehowa yix nuex majuiuc phvnx muit ngoz ruiux yuq, vpiq rueq vruex miq htenc lotlaz kuex yaruix tvnx nuex laukshiz hulawx tuip gay yek shuex, kvkaq bac wvnc tueq tsuingshiq tvkoc nuimshiq htauk nuex gurc kvdaungc wvnc tuex,” ngoz tueq tvralc tueq.

TRI CHONGKE 7:4

yvmx khoc lac ngoz ruiux lec kvkhoc ruez ruiux yuq, nuimshiq suiuz vsaz htenc rueq Yehowa kuex gay ruiux, vganc tishox htenc kuex nawk palx wvnc shuex. Kvkaq Yehowa thuinkhaq vtueq nuimshiq kuex lvmx lvy dvyx tvbac gay kv-phuinx.

JOSHUA 22:15

Ruben, Gad nuiyc Shaldungc Manase phvnx htenc httax yaq Gilead mungx nuex httuiuc kaz vtueq,

JOSHUA 22:16

Yehowa miqsaz daungx lotlaz laung tsuinghez rueq tsuingshiq muex jungx tueq kuex, “Nuimhez rueq yvmx ngoz tueq lac Israel Tishox muex vkhoc layx vbac yauk shuimc khawx lvlx vshuinx? Nuimhez tvkoc vruex shomrawx kuex tvhungx vtueq Yehowa muex khawx lvlx wuez vshuinx! Nuimhez rueq vpiq yix nuex raungluingx muinz phvnx muit nyix!

JOSHUA 22:20

Zera saz Akhan rueq muinz tvbac gay tvkoc vhtvp htaz wuez hup vsvmx kuex lvmc lvy ningkhvnc nuex Israel miqsaz wvkung tuimx muex murx tvgurc tueq kuex rvwvl wuez shuinz. Piq rueq shuimc tvyaq ningkhvnc nuex Akhan piq washiz dvyx thueyc tueq rvmuq,” ngoz tueq jungx tueq.

JOSHUA 7:1

Yehowa rueq Israel miqsaz muex Yerikho ghaq wawc taungx vwawx phvnx ruip saz kuex lvmz muq maq tvbac gay tvkoc nvr tueq rvhvt maq phvnx muq. Vmuingc Akhan ngoz yaq waz rueq kvruex kvjaz kuex phvnx muq ningkhvnc nuex Yehowa kuex Israel miqsaz muex pinhtumc khaq tueq. (Akhan kuex Yuda phvnx wawc taungkhoz taunghtaq rvtueq Zera taungx nuex seng yaq Zabdi suiuz, Karmi saz rvtueq.)

JOSHUA 7:11

Israel miqsaz rueq mvrax yaq gay tueq! Tsuingshiq rueq phvnc tvkoc ngaz rueq nvr tauk ngaz rulc vkhvmc taq kvjaz kuex tsuinghez rueq tvbac gay tueq. Vtvbac gay juing hup vsvmx wvyvmc kuex tsuinghez rueq lvmz laq tueq. Tsuingshiq rueq hup vsvmx muinz guiuq, vrot muinz rot kaq, miqmac hup vsvmx htenc rulc vdvmz nuex taq wuez yaq.

JOSHUA 7:21

Naunghez rueq lvp wvnc tiq hup vsvmx htenc wawc vsvp waq Babelon hungluz khvy, kuimphox kilogram 2 shenc rac kuimshawx pvl hakhvnx tanc kuex khiz vtueq vlvmc lvy roc hvlc rvtueq lvmz laq tauk. Ngvy tap mungx nuex kuimphox kuex tvsuip nuex taq vtueq luip taq gay tauk,” ngoz tueq tvralc tueq.

1 SAMUEL 12:14

Nuimshiq rueq muinz nuimshiq hokhvmx rueq muinz vpiq yix nuex phvnx vtueq, Yehowa nuimshiq Tishox muex tvtsanc nganc ruiux, vpiq muex shuimx kuq, vpiq kvjaz tay kuq, vpiq rueq nvr yaq kuex phvnx wuez shuinz.

1 SAMUEL 12:20

Samuel rueq, “Nauk hiz wuez kaz, nuimshiq rueq kvkhoc layx vbac kuex nuimshiq rueq shuimx gay tuit, yuq muinz Yehowa kox maq nauk kvroz wvnc wuez kaz, nuimshiq thuinz vmungx lotlaz maq vpiq muex shuimx kuq wuez shuinz.