JOSHUA 22:18 - ASII LAKDAP Bible (BSI)

¹⁸ Riita ümchaü min, namshiq ka apaiq wokhong wa pong na dongho she shea? Namshiq raq ümchaü Tatiwe kiq khii han jiila, anap ranaiq apaiq ka Israilnok kunli ma atsankhiq miraq.

Hawa Naga Bible 2001

¹⁸ Majuiuc muinz vpiq kuex tvlvlc yek shuinx haz? Nuimshiq rueq majuiuc raungnuiyq dvyx Yehowa muex khawx ruiux yuq, invp raungnuiyq Israel miqsaz pumz tek muex vpiq thuinkhaq tuex.

JOSHUA 22:18 Referencias Cruzadas

2 SAMUEL 24:1

Tatiwe ka thongshi ri hali Israil mungti ma atsankhiq riito. Kra ningkhan apaiq raq Dawit tsantsii tiipherak raüta Israil mung khuthaq na chamchao tiisaüto. Tatiwe raq apaiq ka thaüto, “Kilaq. Laüta Israil mungti nai Juda mungti maiq ümchuwa kra wealaq.”

1 HOKHVMX 9:6

Shatmaq ümniiraq riimakla ümsaütiim raq ijai phan wan mak she miimbaiq raüla, kiimaq ümniiraq ngi raq akuqha itri raütu thun nai aming thun kra langmaü she jinwan haü jiila, laüta laihin sumla phra thun kriishe shomnoq wan haü jiila,

2 HOKHVMX 17:21

Tatiwe raq Israil mungtan ka Juda mungtan wa pong niishe tiikhobaiq jai, Israil mungti raq Nebat se Jeroboam ka tsangshiq hokham ma shongto. Jeroboam raq tsangshiq ma Tatiwe ka tiimiim baiqto. Raüta tsangshiq ka abi pinthum ngarai lamphan niishe sheahoto.

1 KAÜWA WERAÜ 21:1

Thawe raq Israil mung khuthaq na chamchao tiisaü ritto. Krai mren, Dawit tsantsii na maiq ka awea chang nguta aming tiikuqto.

1 KAÜWA WERAÜ 21:14

Krai mren, Tatiwe raq thadong kra Israil mung khuthaq tiisaüto. Kiimaq tsangshiq phong wa maiq ka hingroq miishi jiimto.

2 KAÜWA WERAÜ 25:27

Apaiq ka Tatiwe wokhong wa dongholi miiphat, apaiq tseabaiq miitu Jerusalem na mat-sü tsasü ka siruq riito. Atiisup niishe apaiq ka Lakhish chela na tiipaü juto. Shatmaq ajaqtinok raq apaiq jai ka kiijaq jowan raüta tsatbaiqto.

2 KAÜWA WERAÜ 34:33

Hokhamwe Josia raq maiqphai asi sumla phong Israil mung na sitlaq maiqhiq shong thun wiita tiithen baiqto. Kiimaq apaiq ka atra sishat wiiwii apaiq raq mungmaiqse ka Tatiwe tsangtitiim Shiikeawe kriili shiikum pan raa nguta peng wanto.

LEWI 10:6

Kiijiishe Mosheq raq Aron nai asenai Eleajar nai Ithamar ma nguto, “Maaho maajü tiichhi nguta namshiq khu ka thai hü maq naq thü rongkiq. Riimakla namdü wa khea kra chailanta maajo kheasam ikha naqchai rongkiq. Namshiq raq kiikha riihanla atsai mirhan. Kiimaq Tatiwe ka Israilnok tlotli ma tsankhiq miraq. Shatmaq namshiq Israilnok mungmaiqse riiwe kla ara Tatiwe raq wa tiisat raüta tiikhiim baiqtaq ara miitu maajo jümii shiri mimai.

WEAWEA 16:22

Shatmaq Mosheq nai Aron ka hiq na bum rang bum kito. Raüta akha nguto, “O, Shiikeawe lei, ümniika tlotli ma rilung tsitsü raü chong. Ngarai ka maiq weshi riili tangto. Riita ümniiraq mungmaiqse tlotli miisha mikhiq haü?”

WEAWEA 32:15

Riita ümchaü namshiq Reuben phan nai Gad phan raq apaiq jai ka phan man she dongho han jiila, apaiq raq ara mungmaiqse kong arka jangshi ri hali ara kumtsaiphii bintang jüngi mung arjaq mimiim baiqthü nong. Raüla mungmaiqse then wan tlaq mra ka namshiq riishe miho han.”

TRI CHONGKE 7:4

Kra nguraüla tsangshiq raq namsetiim ka Tatiwe wokhong wa sheaho raüta laihin phra thun kra shomnoq kai she misheaho. Kriishe nguraüla, Tatiwe ka namshiq ma tsankhiq she miraq. Raüta apaiq raq namshiq ka tlothit li she mitiijiimbaiq.

JOSHUA 22:15

Raüta tsangshiq ka Gilead wang na, Reuben phan, Gad phan kiimaq Shedong nü na siti Manase phan phana riihum wato.

JOSHUA 22:16

Raüta Tatiwe sengi mungmaiqse tlotli miitu bom ka akha nguto, “Namshiq raq ara abi pinthum jaqsham ara jam nguto Israilnok Shiikeawe man na klo lan? Namshiq raq namshiq miitu ara berong-wacha hai lanta Tatiwe aming jin lan! Namshiq ka Tatiwe wokhong wa dongholan she!

JOSHUA 22:20

Jera se Akan raq tiimiqchup shiithenbaiq chang nguta aming akuq hupsam kra tiithenbaiq mak tri jin raüta, mra pintaq ira tsan na tiitsang ronglaq. Kra ngarai tang kha na, Israilnok mungmaiqse kunli raq mohoto. Apaiq ngarai khana, Akan apaiqli ka tsaimak.”

JOSHUA 7:1

Shamtaq Tatiwe raq Israilnok ma, Jeriko chela wa phanrap hupsam ka wiita ashthen baiq chang phanshi ra min jaqkaiq maq shamkai maimak nguta aming akuq ka langmak dea riito. Maiq weshi amang Achan ngutlaq kriiraq, kra aming ka lang mak jinto. Kra ningkhan Tatiwe ka Israilnok ma atsan khiqhea walü wa ikha riito. Achan ka Karmi se. Apaiq ma ati ka Jabdi. Kiimaq tsangta mang ka Jera ta. Kiimaq tsangshiq weraü ka Juda phan wa.

JOSHUA 7:11

Israilnok raq ngarai tangto! Ngi raq tsangshiq ma tongshong jaqkhaq raü atiipa kuqha kra samhea thü ronglaq nguta aming akuqha kra panbaiqto. Tsangshiq raq atiithen baiqchang hupsam wiijam ka lamhoto. Tsangshiq raq hukhoto. Raüta kra miitu arot riito. Raüta tsangshiq hupsam rai she thühoto.

JOSHUA 7:21

Sepat lopi hupsam lapkai phong kiijaq, ngi raq Bebilon mung wa khea samtongjong kaü ashi, toknai tin kampho ngam, kiimaq chaq ngam pan ka tokthiq kra chhikang. Isiikha tsi ninlot mang kha maq, arthun ara lam wan kang. Namshiq raq kriithun ka Ijam tombutiip na, kampho ka atakiq na lapthü kang kra mihum han.”

1 SAMUEL 12:14

Namshiq raq, namshiq Tatiwe, namshiq Shiikeawe ka shreng lanta, shiili hanjiila, apaiq bom taihan jiila, kiimaq apaiq aming thun kra lang han la, kiimaq namshiq nai nam hokhamwe raq apaiq wokhong na shongnga han jiila, namshiq ka ahea hansang maq misihan.

1 SAMUEL 12:20

Kiijiishe, “Naqhai rongkiq,” nguta Samuel raq treto. “Namshiq raq ara ngarai jonghea li tang lan jiimin, Tatiwe wokhong wiika ahin na naq juho rongkiq. Shatmaq tsan nai mongjii wiita kiinong kuq lanta, apaiq kli shomnoq rong laq.