Mata Añool-An ummu li abil li máyiineniyamu mata Atuubawool li emalakaayi yoola ló. Fan acaam anoowan nab li waa lakaanumuu li buloŋabu boola.
Máciya 6:1 - Jola-Kasa — Jíkaanum, jakum jikaan wahawu wan Ateemit afañumuu hákil ésukayi feh, mantee bukanabuku li kujukuul. Mata jikaan momuu, Atuubawuul ata haatiya let acaamuul. |
Mata Añool-An ummu li abil li máyiineniyamu mata Atuubawool li emalakaayi yoola ló. Fan acaam anoowan nab li waa lakaanumuu li buloŋabu boola.
— Katek kujow kulako li bukuluul jaliikenemuu ésukayi Eluwaayi yata Móyiis li bukuluul Kufaaliisiyeŋaku jáhoolo muñowu! Mata jibabebab kámbiilaku kata Jáyiiyaju jata Ateemit jilaañen bo bukanabuku. Bukuluul humumuul let jinoken dó. Ban let jikat kafañumuu kunoken dó, min kunoken.
Wahoowah feh wan kukaane, kukankaan wo boot ñajuko. Mó lí múji li kunaak kuŋa’ hulimahu hata Ateemit kukaan li kuhut káamak, kukok li síjontumasu sooliil, mantee foof li sibosokasu sooliil. Ubeyawu wata kújufaaku kooliil wáamak, ban li kunaak kugalo ul̥aac wabaake.
Ayíiyawu fan aaniil: «Li mal̥egenamu fan ilobuul, nanoonan feh nan jikaane wahawu unwu akee li umbuku kahaŋumuu matiti li kutuyom, ínje humumom jikaan wo.»
Muñaˈa foof jóotimuu jiwuŋen loon ehiitum hákil bukanabuku feh. Bájum li kujuk makaanelamu mooluul majakaamu, min kusal Atuubawuul ammuu haatiya.
Mata jifañumuu bukanabuku kafañuulumuu bale, bacaam buu joote jíbajum tó li Ateemit? Kama inti bukanabuku kajakutumuu foof mo kukaanemuu?
— Jilakomuu kamommo boot kal̥aw, jakum jíyiyenoo loon káhoolomuu kukaanemuu, kañootenemuu wuuliil bájum ésukayi li ehaas yoon kamommo kóomi lí kó. Li mal̥egenamu fan ilobuul, bacaamabu booliil kuyab bo kuban.
No unnu, bukan sínjunne li kuwoog, gay li kunaak kúkakuloo. Yéesu li ajand aan kúgoomaku koola: — Jíkaanum élebiilayi yata Kufaaliisiyeŋaku, yaanomuu búhoolowabu booliil.
Yéesu li afamen aaniil feh: — Jijuke to ban li jíkaanum efanhubaj, mata buloŋabu bata mal̥egen bata an, bulet li ebajayi yoola, maayeet min akite abaj ŋáa’.
Yéesu li aaniil: — Bukuluul jikankaan bukan kajokoolowe loon bukan kacole joom hákil ésukayi, bale Ateemit lahaase waa wóomi li uyinumuul. Mata wahawu wan bukanabuku kuluukenumuu, Ateemit afañut wo maayeet.
Kama buu emmuu nokoo li jiyili jíyinen, bukuluul jan emmuu búsaloo bale jifañe, ban let jiŋes kasal kabilumulo li Ateemit balewool?
Nan Fiyeel ajukumuu loon muñaˈa, li aan ésukayi: — Kutuyom kata Isilayeel, wáa újiye li jisego mata kafakaku kan ánayinaawu ummu afakumuu? Wáa újiye li jinaak jíjukeloli loon muñaˈa, loon eenimuu li sémbewoli jífakenume ánayinaawu ummu? Mantee foof loon eenimuu mata kátuulaku kan áloli jítuulumuu Ateemit, jíkaanume ánayinaawu ummu ajow?
Li ajok li buyinumool kaanaku, kubesoolumuu loon kubesumuu Kilisita, láalu hubaj hahaŋe maluuk hubajahu feh hata etaamayi yata Ejíf, mata laŋaŋŋa’ sítiijool feh akaan li busuuhenabu ban Ateemit ammuu li abil asenool.
Wahawu unwu újimuu lootaale kama uhaŋaal makaan to uyinumolaal jak li kulimaku kan ujamaalumuu, jakum bil ulowaal li hújim.
Li mal̥egenamu, Ateemit alet Ateemit acolut. Let amojen wahawu wan bukuluul jikaanumuu, let amojen foof húbooliyahu han jíhiisoolumuu li bulokabu ban jikaanumuu boot li bukanabuku koola, ban jiloŋumuu foof li jikaan boot muñeˈe.
Kama bukuluul humumuul joote jijuke to, jakum bil wahawu wan ulokaalumuu újim li bukuluul, bale min jiyab bacaam bálile.