Máciya 6:16 - Jola-Kasa

¹⁶ — Jilakomuu kamommo boot kal̥aw, jakum jíyiyenoo loon káhoolomuu kukaanemuu, kañootenemuu wuuliil bájum ésukayi li ehaas yoon kamommo kóomi lí kó. Li mal̥egenamu fan ilobuul, bacaamabu booliil kuyab bo kuban.

Máciya 6:16 Referencias Cruzadas

Máciya 6:1

— Jíkaanum, jakum jikaan wahawu wan Ateemit afañumuu hákil ésukayi feh, mantee bukanabuku li kujukuul. Mata jikaan momuu, Atuubawuul ata haatiya let acaamuul.

Máciya 6:2

«Mó mújimuu, usenumuu asukateen wah, jakum ul̥ok kasiin. Mata muñaˈa káhoolomuu kukaanemuu li siluufasu sata kal̥awaku, li útinawu, bájum ésukayi li esaliil. Li mal̥egenamu fan ilobuul, bacaamabu booliil kuyab bo kuban.

Máciya 6:5

— Jilakomuu kal̥aw, jakum jiliikoo li káhoolomuu, kafañemuu kuyito min kul̥aw li siluufasu sata kal̥awaku, li tan útinawu úlandoomuu, bájum ésukayi li ejukiil. Li mal̥egenamu fan ilobuul, bacaamabu booliil kuyab bo kuban.

Maak 2:18

Muñeˈe li líiŋ hunak hukee, kúgoomaku li kulako kamommo. Bukan kukee li kubil kugel̥l̥en Yéesu koonool: — Kama wáa újiye kúgoomaku kata Saŋ Batiis li kúgoomaku kata Kufaaliisiyeŋaku li kunaak kumommo, ban kooli buko kúmommoweliit?

Hulimahu Hásuumaahu loon Lík akiic homuu 18:12

Limommowemommo kunak kúl̥uba li esimenayi ban li iseni bújufabu bata wahawu wan ibajumuu feh.»

Hulimahu Hásuumaahu loon Lík akiic homuu 2:37

Fúlum tó, Aana li ahok áyinool ban li alako to boot yok nan abajumuu simit kúyii kubakii li sibakii. Anaakut áfu’ li Eluufayi yata Ateemit, min inaak alok boot li Ateemit etihunaka aban ehuka, li kamommo li kal̥aw ló.

Bakaanelabu 10:30

Kooluney li aanool: — Baje muñeˈe kunak kúhaaji, tinak bakel̥e, li ewaatuwayi inye yanolayi, li ilako kal̥aw Ateemit búmbaam. Nan ilakomuu kal̥awaku, ánayine akaanowe wañ waleñe li ayaan abil ayito hákilom.

Bakaanelabu 14:23

Li kul̥us li ejangu yanooyan bukan kulako kunahaan, ban nan kumommomuu min kul̥aw kuban, li kuŋaliil kukat li kuŋen kata Amaaŋenawu an kúyinenumuu li akila.

1 Kata Koolent 7:5

Jakum an li buko kúl̥uba ahoy min kuhinto li afaalool, mantee yo yommuu buko bajamoole min kukokkoben jakee min kunaak kul̥aw Ateemit. Bale fúlum tómuu, li kulaañen kuloŋ buloŋiil bata búyabo, jakum bil kúyiliyaati kujokoo min kusen Sayitaane bútin min abuutiil.

2 Kata Koolent 11:27

Liloolok ŋáa’ ban li ílaam foof ŋáa’. Ñameeŋe inaakut iyili ímooli. Li inaak icaalet ban inaakut ibaj ihob, ban ñameeŋe inaakut ibaj itiñ. Kutont kunaanaak kujokom ban inaakut ibaj wañ ikoko.

2 Kata Koolent 6:5

Kútekolitek ban li kúŋaloli kujow kukul̥. Li kuyitenul ésukayi boot li áloli, ban li kúmukoli li bulok. Li kúhiloli jímooliwum, ban li kúhiloli foof jitiñum.