Máciya 6:9 - Jola-Kasa

⁹ — Muñeˈe jóotimuu jinaak jil̥aw eeno: «Atúubawoli ammuu haatiya, kajawi kúkaanumi.

Máciya 6:9 Referencias Cruzadas

Máciya 10:29

Inti édalam yano enoomemuu bánfahutuuŋ búl̥uba? Bale maayeet ano li bo let aket, ló balakowut húfañum hata Ateemit Atuubawuul.

Máciya 23:9

Ban jakum jihooñ an baabe li etaamaye, «Atúubawoli.» Mata atuuba ano bale jibaje ammuu li emitayi.

Máciya 26:29

Fan ilobuul, kale hunakahu hata síyaat lihobumee ébiiñayi inyu min ikat, boot yok nan emmuu ilaañen ihob ébiiñ yawunkul li bukuluul ló li Jáyiiyaju jata Atuubawom.

Máciya 26:42

Yéesu li alaañen búl̥ubut ayinno bo min al̥aw aan: — Faafa, kaanumuu loon ejunkayi inyu yata sílaamasu eyilaat éloyiyom ínje bahobut yo, jow kaan loon awu ufañumuu.

Máciya 5:16

Muñaˈa foof jóotimuu jiwuŋen loon ehiitum hákil bukanabuku feh. Bájum li kujuk makaanelamu mooluul majakaamu, min kusal Atuubawuul ammuu haatiya.

Máciya 5:48

Jilako bukan kabajut kahoofoo loon Atuubawuul ata haatiya abajutumuu kahoofoo.

Máciya 6:14

«Mata jibonketumuu kafetumuu li bukuluul, Atuubawuul ammuu haatiya fan abonket foof bafetabu booluul.

Máciya 6:6

Bale awu, ufañumuu kal̥aw, li ujow ubaboo li káfitaku kooli, min ul̥aw Atuubayi aano tomuu tan yolomuu. Atuubayi Ateemit, ajukemuu wah wakaani li huyoloo, fan alaañeni wo.

Máciya 7:11

Fan bukuluul jajakutumuu jihaase kasen wah wajake kuñooluul, kama háŋum Atuubawuul ammuu haatiya. Fan asen wah wajake bukanabuku kammuu kul̥awool wo!

Hulimahu Hásuumaahu loon Lík akiic homuu 15:18

Fan ilaañ boot bata atuubawom ijow eenool: «Faafa, lihoofoohoofoo Ateemit, li ihoofooli foof.

Hulimahu Hásuumaahu loon Lík akiic homuu 15:21

Añiilawu li aan atuubawool: “Faafa, lihoofoohoofoo Ateemit, li ihoofooli foof. Itookut muñeˈe min ujokom loon ínje añooli.”

Hulimahu Hásuumaahu loon Lík akiic homuu 2:14

«Máyiineniyamu mujow mulako mata Ateemit ata haatiya tiya emitayi, ban kásuumaay kujow kubaj li etaamayi li bukanabuku kan afañumuu!»

Hulimahu Hásuumaahu loon Saŋ akiic homuu 20:17

Yéesu li aanool: — Jakum útukom ukat taate, mata ijowolut boot bata Atuubaawu. Bale ujow oon kutuyom, boot min ijow boot bata Atuubawom ammuu foof Atuubawuul, boot bata Ateemitawu úmbaam ammuu foof Ateemitawu ooluul.

Kata Lom 1:7

Likiiculuukiic bukuluul foofuul feh jammuu Lom, bukuluul jan Ateemit afañumuu ban li ahooñuul min jilako bukan koola. Ateemit Atuubawolaal li Amaaŋenawu oololaal Yéesu Kilisita, kujow kusenuul káji li kásuumaay.

Kata Lom 8:15

Buyinumabu ban Ateemit asenuulumuu, bukaanutuul jilako emiikeel yaloŋe li ebaj ekole, bale bukaanuukaan jilako bañiil bata Ateemit, ban li bújiwolaal li uyiliyaal ulobaal butiya oonaal: «Abba, Faafa!»

Kata Galasi 1:1

Injé Fool áamimuu afootal ata Yéesu Kilisita ikiiculo eleetalayi inye, ban inti li búkaanum bata bukan, inti foof bata an léemum afootal, bale li búkaanum bata Yéesu Kilisita li bata Ateemit Atuubaawu ayitenumuloomuu li eketayi.

Kata Galasi 4:6

Mal̥egen bañiil bata Ateemit joom, mó mújimuu li áboñul Buyinumabu bata Añoolool bubil bulako li uyinumawu woololaal, Buyinumabu balobemuu butiya boon: «Abba! Faafa!»

1 Tímote 6:16

Akila bale ayilaatumuu aket, akinumuu li mawuŋe dán an ayilaat ajow. Bajut an abile ajukool, ban an ayilaatool ajuk. Kábinkenaku li sembaasu sijow silako soola boot nanoonan! Aameen.

1 Fiyeel 1:17

Emmuu jilakomuu kal̥aw li jihooñ Ateemit «Faafa», atiibemuu bukanabuku feh bajukelut li buul, naboo li wahawu wan anoowan akaanumuu, kama joote jiloŋ li ekole ló nan jommee baabe li etaam loon ejawoola.

Búhiisenumabu 4:11

«Awu Amaaŋen Ateemit óololi, awu utookumuu min uyab kasalaku, li kábinkenaku, li sembaasu. Mata awu úwuwenumuu wahawu feh, Lufanfañ min wahawu feh ubaj, mó lí múji li úwuweni.»

Búhiisenumabu 5:12

Li kulob butiya koon: «Agálalaanawu amukimuu, okila atookumuu min ayab sembaasu, li hubajahu, bújallowabu li sembe, kábinkenaku, máyiineniyamu li kasalaku.»