Li Atuubaawu lífulumulo min ibil boot li adunaayi. Muñeˈe boot min ífu’ li adunaayi, min ilaañ boot bata Atuubaawu.
Hulimahu Hásuumaahu loon Saŋ akiic homuu 16:10 - Jola-Kasa Wahawu wan kujokumuu loon ucoccol, inti mo, mata boot min ijow boot bata Atuubawom, ban let jilaañen jijukom. |
Li Atuubaawu lífulumulo min ibil boot li adunaayi. Muñeˈe boot min ífu’ li adunaayi, min ilaañ boot bata Atuubaawu.
Bale muñeˈe boot min ijow boot bata anawu áboñulommuu, ban anoowan li bukuluul ahinut agel̥l̥enom aanom: «Kama bay lujowe boot?»
Loon Móyiis aŋa’muu enuukayilaayi yata fálamayi akaan li hunuk ateben li kayiinaayaku, mo foof Añool-An áatimuu atebeni,
Yéesu li aan: — Boot min ifan ilako li bukuluul jatit, li ilaañ boot bata anawu áboñulommuu.
Lajoojok hunak nan ammuu atiibum bukanabuku feh kata etaamayi col, li anawu an al̥usumuu. Láhihhiis wahawu unwu bukanabuku feh, nan ayitenumulomuu anawu ummu li eketayi!»
«Mo emmuu, Ateemit layitenuuyitenul li eketayi Yéesu an ilobemuu loo. Ban alolaal foofolaal feh lumaataale kayitowulaku koola li eketayi.
Li jihoy Yéesu ammuu an anabe li an acole, min jilob Filat min ákatenuluul an amuke bukan.
Ayi li kufulofetaku, situubawuul sihaan sílaatenut? Kumuumuk bukanabuku kalobumuu kúkibben mata ebilayi yata Anawu Acolaawu. Ban muñeˈe bukuluul li jibetool li kuŋen bukan min jimukool.
Li mal̥egenamu, Hulimahu Hásuumaahu húhihhiis buu Ateemit akaanemuu bukanabuku kulako bukan kacole hákilool: jówunjowum li káyinenaku ban li káyinenaku bale ko, loon Bakiicelabu bulobumuu: «An acole hákil Ateemit fan áloŋum li káyinenaku.»
Ateemit lakaanuukaan jibaj hujamoo li Yéesu Kilisita, ban li akaan Kilisita alako bújallowabu boololaal. Li Yéesu Kilisita lóomumaalumuu bukan kacole hákil Ateemit. Li Yéesu Kilisita lóonowumaalumuu bukan kanabe kata Ateemit, ban li ahal min úfulaal li kahoofoo.
Kilisita akaanutumuu kahoofoo, Ateemit li akaanool ateb kahoofoo humum hoololaal, bájum li újowumaal li akila min ulakowaal macolamu mata Ateemit.
Bale alolaal, kákangumaku koololaal ko kommuu min Ateemit akaanolaal ulakowaal bukan kacole hákilool humum hata káyinenaku koololaal. Wahawu unwu lukobaalemuu li wo, li búkaanum bata Buyinumabu Banabaabu.
Mal̥egen, ban an ayilaat aceeŋ, Mahaasutimuu mata káyinenaku koololaal mululluuk! Kilisita láfuluufulul ajuki loon an, Buyinumabu Banabaabu búhihhiis kaanaku lacoccol, ban Kumalakaaku kujukoojuk. Li kulob foof moola bata kaletumuu kusuwif, li kúyinen li akila li adunaayi feh, ban li ájowetumi boot li emitayi li máyiineni ló.
mata Kilisita humumool lálallaam ñano ban kale, boot li uhoofoolawu wata bukanabuku. Okila jacolumuu, li aket boot li bukanabuku kacolutumuu, bájum li ájowetumuul boot bata Ateemit. Bukanabuku kumuumuk eniilayi yoola yata ál̥ahukowan, bale Buyinumabu bata Ateemit li bukaanool álaañul li buloŋ.