1 Tímote 3:16 - Jola-Kasa

¹⁶ Mal̥egen, ban an ayilaat aceeŋ, Mahaasutimuu mata káyinenaku koololaal mululluuk! Kilisita láfuluufulul ajuki loon an, Buyinumabu Banabaabu búhihhiis kaanaku lacoccol, ban Kumalakaaku kujukoojuk. Li kulob foof moola bata kaletumuu kusuwif, li kúyinen li akila li adunaayi feh, ban li ájowetumi boot li emitayi li máyiineni ló.

1 Tímote 3:16 Referencias Cruzadas

Máciya 1:23

«Asúngutaawu ahaasutumuu ánayine, fan ahalet ban fan abaj añiil áyine. Fan kuhooñool Emanuweel.» (Yo yommuu «Ateemit ummu li ololaal.»)

Máciya 13:11

Yéesu li aaniil: — Mata bukuluul, Ateemit lakaanuukaan min jihaas wahawu wahaasutimuu wata Jáyiiyaju jata haatiya. Bale umbuku áhiisutiil wo.

Máciya 28:2

Muñeˈe etaamayi li eyaan egoloo ŋáa’. Amalaka ata Amaaŋenawu li áwalowumul li emitayi áŋejul, li abakken hugisaahu akaan li kakaŋ ban li abah li ho.

Máciya 3:16

Yéesu li ayaan áfulul li malamu nan Saŋ ábatiisewoolumuu aban. Muñeˈe emitayi li ébabulo. Yéesu li ajuk Buyinumabu bata Ateemit li búwalowul li kambu kata éleebaan bubil bulako li akila.

Máciya 4:11

Muñeˈe Sayitaane li akat Yéesu. Kumalaka li kubil boot tan Yéesu alakomuu min kulambenool.

Maak 1:13

Yéesu li alako bata kayiinaayaku kunak koono kúyii kúl̥uba. Sayitaane li abuntoolool ló. Yéesu li alako ló li sínuukuleŋasu sata li bujal, min kumalakaaku kucookoolool ló.

Maak 16:19

Nan Amaaŋenawu Yéesu alobiilumuu kulimaku unku aban, Ateemit li aŋalool ájowetum boot li emitayi, ajow akaanool abah kaŋenool kúli.

Maak 16:5

Muñeˈe kanaalaabuku li kunoken li huyaakahu kúliiŋ, li kujuk ló áfu’ mabahe kaŋen kúli, ban li akaano húsabadoo hahiite. Li kúkoli ŋáa’.

Hulimahu Hásuumaahu loon Lík akiic homuu 2:32

ammuu mawuŋaamu mammuu li múji bukanabuku kákaanumutumuu li Ateemit balewool li kuhaasi, min alako máyiineniyamu mata Isilayeel, ésukayi yooli.

Hulimahu Hásuumaahu loon Lík akiic homuu 20:44

Kama Dayit ahooñoolumuu Amaaŋen, buu Afakenaawu ayilo alako foof Añool Dayit?

Hulimahu Hásuumaahu loon Lík akiic homuu 22:43

Muñeˈe amalaka abilumulo li emitayi li áfu’ Yéesu min alitenool.

Hulimahu Hásuumaahu loon Lík akiic homuu 24:4

Bajukelabu ban kujukumuu li bújiyiil li kuliiwo kulako to. Kánayine kúl̥uba, kakaanowe wañ waleñe li kúfululiil.

Hulimahu Hásuumaahu loon Lík akiic homuu 24:51

Nan Yéesu alakomuu kásooniyenaku kooliil, li akatiil to min Ateemit aŋalool ájowetum boot li emitayi.

Hulimahu Hásuumaahu loon Saŋ akiic homuu 1:14

Hulimahu li hubil hukaan an, min akin li ololaal. Li akaan an abaje káji káamak, ban li alako an ata mal̥egen. Lujukaale buu láyiinenimuu eeno. Máyiineniyamu man abajumuu mata min ammuu Añiil ano sih ata Atuubaawu.

Hulimahu Hásuumaahu loon Saŋ akiic homuu 13:3

Yéesu humumool lahaase aan Ateemit lakaakat wahawu feh li kuŋenool, ban li Ateemit labilumulo, ban foof fan alaañ boot bata Ateemit.

Hulimahu Hásuumaahu loon Saŋ akiic homuu 15:26

«Anattenaawu fan abil. Okila ammuu Buyinumabu báhiisemuu bukanabuku mal̥egenamu, babilummuu li Atuubaawu. Fan íboñumuluul ó’ bata Atuubaawu, ban okila humumool fan alob bukanabuku múmbaam.

Hulimahu Hásuumaahu loon Saŋ akiic homuu 16:28

Li Atuubaawu lífulumulo min ibil boot li adunaayi. Muñeˈe boot min ífu’ li adunaayi, min ilaañ boot bata Atuubaawu.

Hulimahu Hásuumaahu loon Saŋ akiic homuu 17:5

Faafa, muñeˈe ukaan min ibaj máyiineni hákili, máyiineniyamu man ibajeenumuu hákili, tówum adunaayi ebaj.

Hulimahu Hásuumaahu loon Saŋ akiic homuu 20:12

Li ajuk kumalaka kúl̥uba kakaanowe wañ wahiite, mabahe tan ehuluŋayi yata Yéesu ehinteneenimuu, akee li buko bata húkowahu, aahu bata kootaku.

Hulimahu Hásuumaahu loon Saŋ akiic homuu 6:62

Kama muñowu buu eete nokoo bukuluul bajuke Añool-An li alaañ boot haatiya ban alakoweenumuu naanaŋ?

Bakaanelabu 1:19

Bukanabuku feh kakinumuu Yeelusalem li kujam wahawu wabajumuu Sudaas. Mó lí múji li kukaan eŋamayi inyu kajaw li elobayi yooliil. Kajawaku kata yo kooneyi «Hakeludama». Yo yommuu «eŋam yata húsim».)

Bakaanelabu 10:34

Muñeˈe Fiyeel li aŋa’ hulimahu, li aan: — Muñeˈe lihaase kaanaku Ateemit ajokut bukan kukee kuhaŋ kaabuku.

Bakaanelabu 14:27

Nan kúliiŋumuu Antiyok, Fool buko li Balunabaas li kuwoogen ejanguwayi, min kukitteniil wahawu feh wan Ateemit ákaanummuu li buko, li buu lasenumuu bútin kákaanumutumuu li okila balewool min buko foof kúyinen.

Bakaanelabu 20:28

Jijuke to li bukuluul humumuul, li bumatabu feh ban Buyinumabu Banabaabu busenuulumuu jooken. Jicookoo Ejanguwayi yan Ateemit ábajummuu, li eketayi yata Añiilawu oola humumool.

Kata Lom 10:12

Mó mújimuu asuwif ábutoolut li an alet asuwif. Buko foofiil kúl̥uba Amaaŋenawu anolawu kubaje, asenemuu wah wajake bukanabuku feh kákangummuu li akila.

Kata Lom 10:18

Kama boot min igel̥l̥en een: Kama kusuwifaku kujamut hulimahu unhu? Kujanjam ho feh! Bakiicelabu bonsoon: «Hulimahu hooliil hujamijam li etaamayi feh, balobelabu booliil li bujow boot yok tan etaamayi ekibumuu.»

Kata Lom 16:25

Usalaal Ateemit! Layilo alitenum káyinenaku kooluul li Hulimahu Hásuumaahu han iyiiŋenemuu. Ho hommuu hulimahu han iwaaleyemuu mata Yéesu Kilisita. Fan aliten káyinenaku kooluul naboo foof li kahaasaku kata mal̥egenamu mahaaseenutimuu, mayolimuu naanaŋ fiyo ŋáa’.

Kata Lom 16:26

Bale muñeˈe mal̥egenamu ummu múhiisihiis li síliibalasu sata kufulofetaku. Wahawu unwu Ateemit aano tomuu boot nanoonan, alobe min ubaj mantee bukanabuku feh li kuhaas mal̥egenamu ummu, min kúyinen li Yéesu ban li kútuulool.

Kata Lom 3:4

Maayeet! Anoowan laate ahaas jak kaanaku Ateemit lakankaan Ateemit ata mal̥egenamu, ban ál̥ahukowan anoowan lakankaan ámalamiñ. Li mal̥egenamu, bakiicelabu bonsoon: «Loote újokumi an acole li balobelabu booli; ban li ubaj bakooŋ awu batiibeli.»

Kata Lom 8:3

Wahawu wan eluwaayi yata Móyiis eyilaatumuu ekaan, mata búgootowabu bata ál̥ahukowan búhihhi yo ébajum sembe, Ateemit lakankaan wo: láboñuuboñul Añoolool min aŋa’ bóono banokoole li bata ál̥ahukowan ammuu ahoofoola, ban li akaanool aket boot káfulen kahoofoolaku, min ájowum tó atek kahoofoolaku kammuu li bóonowabu bata ál̥ahukowan.

Kata Lom 9:5

ban li kubaj situubayiil sihaan. Li buko kusuwifaku Kilisita abukumimuu loon ál̥ahukowan, akila ammuu Ateemit ahaŋumuu wahoowah feh. Kásooniyenaku kujow kulako li akila boot nanoonan. Aameen!

1 Kata Koolent 15:47

Anawu átinaalawu li ekafayi yata etaamayi Ateemit ajuul̥umool, ál̥ubutawu akila li emitayi labilumulo.

1 Kata Koolent 2:7

Alóli bújallowabu ban jiliikenemuu ésukayi, bo bommuu bújallowabu bata Ateemit ban bukanabuku kuliitikenutumuu, bayolimuu bukanabuku. Ateemit lafalefale bújallowabu umbu akat to boot li máyiineniyamu moololaal, tówum adunaayi ejuul̥i.

2 Kata Koolent 1:19

Li mal̥egenamu, Yéesu Kilisita ammuu Añiilawu ata Ateemit, an Silaas lí ínje humumom jiwaalemuu booluul, alet «éehe’» li «a’aa’». Li okila «éehe’» bale ebaje.

Kata Galasi 2:8

Mata loon Ateemit akaanumuu Fiyeel alako afootal ata kusuwifaku, mo foof lakaanommuu ilako afootal ata bukanabuku kaletumuu kusuwif.

Kata Galasi 4:4

Bale nan taŋayi yan Ateemit asenumuu éliiŋumuu, li áboñul Añoolool. Anaale abukool, ban li alako li kuŋen kata Eluwaayi yata Móyiis.

Kata Efées 1:9

Lakaanolaakaan min uhaasaal wahawu wan afañumuu min akaan, wan uhaaseenutaalumuu. Lajoojok kaanaku fan ákaanum wo li Kilisita loon súumoolumuu.

Kata Efées 6:19

Jil̥aw foof boot lí ínje bájum Ateemit li asenom kulim kacole nan emmuu li ilako elob, mantee jakum ibaj kákolí ínje li kakitten bukanabuku mal̥egenamu mahaasutimuu mata Hulimahu Hásuumaahu.

Kata Kolos 1:23

Bale yo yommuu bukuluul bátuke lit ban li jijooŋoo to li káyinenaku, ban jakum jikat bo kákangumaku kan jibajumuu li Hulimahu Hásuumaahu han jijamumuu. Hulimahu unhu Hásuumaahu ho huwaaleyimuu bukanabuku feh kammuu li etaamayi, ban ínje Fool aloka ata ho leem.

Kata Kolos 1:27

Ateemit lakankaan mo, mata lafanfañ min áhiis bukanabuku koola, majakamu mata wahawu woola wahaasutimuu, li máyiineniyamu mata wo boot li bukanabuku feh. Wahawu unwu wahaasutimuu wo wommuu: Kilisita ummu li anoowan li bukuluul, ban li akaanuul jíkangum kaanaku, fan jilako li máyiineniyamu mata Ateemit.

Kata Kolos 1:6

Hulimahu unhu Hásuumaahu hunhu min huyiisoolemuu, ban li húŋalul kásooniyen li adunaayi feh, loon foof hukaanumuu li bukuluul yaan li hunakahu hútinaalahu, nan jijamumuu li kulobuul mata kájiyaku kata Ateemit li mal̥egenamu mata ko feh ban li jiliitiken ko jak.

Kata Kolos 2:2

Wahawu wan ifañumuu, wo wommuu min bukuluul jibaj kawankulen li uyinumuul, ban li jijokoo lit loon an ano li húbooliwoo ló, imban li jibaj butuuko báamak. Muñowu jommuu jikaan, li jiyili jihaas mahaaseenutimuu mata Ateemit, mammuu Kilisita.

2 Kata Tesalonik 1:10

Li hunakahu unhu nan ammuu li abil, bukanabuku koola fan kúbinkenool, ban káyinenumuu li akila feh li kúgaalenool. Bukuluul humumuul fan jilako li bukanabuku umbu, mata jíyinenyinen li hulimahu han áloli jiwaalewuulumuu.

2 Kata Tesalonik 2:7

Mata sembaasu sata anawu ummu átuulutumuu Ateemit sítoŋe kakaan bulok ban an ayilaat ajuk jak. Bale anawu ummu átuulutumuu Ateemit let áfulul boot yok nan anawu ajokoolumuu ammuu li ayinneni li bútinabu.

1 Tímote 3:9

Koote kujok jak mal̥egenamu man Ateemit áhiisumuu ban li úyinenaal li mó li buyinum bajake.

Eébulo 1:3

Kaleñaku kata máyiineniyamu mata Ateemit li Añiilawu ummu koom. Li akila bóonowabu bata Ateemit bujukimuu. Hulimahu hoola habajaahu sembe laŋale min afeb adunaayi. Nan ágiilenumuu bukanabuku li uhoofoolawu wooliil aban, li ajow abah haatiya tiya emitayi kaŋen kúli Ateemit abajaawu sembe.

Eébulo 12:2

Uŋalaal sítiijolaal feh ukaanaal li Yéesu, ájimuu li ubajaal káyinen ban li ajow li ko boot to. Lakaakat bo ésuumansuumayi yan áatimuu abaj, min aan éehe’ min aket li ekuluwaayi bajukelut li ñisuuwañu ñáamimuu li eket loon inyu. Muñeˈe okila ummu min abahe kaŋen kúli efenjeŋayi yata jáyiiyaju jata Ateemit.

Eébulo 7:7

Ban luhaasaale li mal̥egen kaanaku anawu áamakawu okila ásooniyenemuu atitawu.

Eébulo 8:1

Hulimahu hahaŋumuu kaaku feh kalobimuu, ho hommuu unhe: lubajaale álamba áamak loon ummu. Lababbah li emitayi kaŋen káli efenjeŋayi yata jáyiiyaju jata Ateemit.

1 Fiyeel 1:12

Ateemit li áhiis kufulofetaku kaanaku hulimahu han aseniilumuu, inti boot li buko humumiil, bale boot li bukuluul. Hulimahu unhu ho bukanabuku kawaaleyemuu Hulimahu Hásuumaahu kulobewuulumuu muñeˈe. Kulobewuulob ho li búkaanum bata sembaasu sata Buyinumabu Banabaabu babilummuu li emitayi. Kumalakaabuku humumiil kufañeene min kuhaas hulimahu unhu.

1 Fiyeel 1:20

Ateemit lafinfin min al̥use Kilisita akat to boot li wahawu unwu, tówum adunaayi ejuul̥i, ban li áhiisenool muñeˈe li taŋaye ébanumaye, boot li majakaamu mooluul.

1 Fiyeel 1:21

Li Kilisita bukuluul jíjowummuu jíyinen li Ateemit ayitenumuloomuu li eketayi, ban li asenool máyiineni. Wahawu unwu újimuu, li jiŋa’ káyinenaku kooluul li kákangumaku kooluul jikaan li Ateemit.

1 Fiyeel 3:18

mata Kilisita humumool lálallaam ñano ban kale, boot li uhoofoolawu wata bukanabuku. Okila jacolumuu, li aket boot li bukanabuku kacolutumuu, bájum li ájowetumuul boot bata Ateemit. Bukanabuku kumuumuk eniilayi yoola yata ál̥ahukowan, bale Buyinumabu bata Ateemit li bukaanool álaañul li buloŋ.

1 Fiyeel 3:22

Kilisita lajowujow boot li emitayi ajow aano kaŋen kúli kata Ateemit, min áaki li kuŋenool kumalakaaku, kuhaanaaku li sembe sanoosan feh.

1 Saŋ 1:2

Anawu ummu ammuu buloŋabu láfuluufulul, ban lujukaaloojuk. Wahawu unwu újimuu li joonowuul li elob moola, ban li jilobuul mata buloŋabu bábaneliitumuu balakomuu li Atuubaawu, báfululumuu ujukaal.

1 Saŋ 3:5

Imban jihaase joon Yéesu labiibil boot káfulen uhoofoolawu, ban akila humumool abajut kahoofoo.

1 Saŋ 3:8

An aloŋumuu li akaan kahoofoo, anawu ummu an ata Sayitaane. Mata Sayitaane yaan no li húkitumahu lahoofoole. Añiilawu ata Ateemit li abil boot kakajen bulokabu bata Sayitaane.

Búhiisenumabu 17:5

Li bájontumabu boola li baj kajaw kakiici to kan an ayilaat ahaas waa kufañe kulob: «Babiloon yáamakayi, jaaw ata sicagaasu, li ata wahawu wajakutumuu bajuk wammuu li etaamayi.»

Búhiisenumabu 17:7

Muñeˈe amalakaawu li aanom: — Wáa újiye li usego? Fan ihebi mahaasutimuu mata anaalaawu li mata énuukuleŋayi yateboolumuu, yabajumuu kúkow koono hutok li kúl̥uba li usiin kuŋen.

Búhiisenumabu 7:9

Fúlum tó, li ijuke li ijuk búsuk báamak bata bukan ban an ayilaat acob. Kukankaan bukan kata sihetasu feh, kata utoŋawu feh, kata etaam yanooyan, li kata silobasu feh. Li kuyito hákil efenjeŋayi yata jáyiiyaju li hákil Agálalaanawu. Ujúfo wahiite kukaanowe, ban li kooken úkunt li kuŋeniil.