1 Tímote 3:15 - Jola-Kasa

¹⁵ Bale nokoomuu loon íbilaaliwut, kulimaku unke fan kújiyi li uhaas buu lommuu uloŋ eeno li butoŋabu bata Ateemit, bammuu Ejanguwayi yata Ateemit aloŋumuu, yammuu yiilayi li ekuŋayi yakegumuu mal̥egenamu.

1 Tímote 3:15 Referencias Cruzadas

Máciya 16:16

Simoŋ Fiyeel li aanool: — Awu ommuu Kilisita, Añiilawu ata Ateemit aloŋumuu.

Máciya 18:18

«Li mal̥egenamu fan ilobuul, wahoowah wan jíñeyiyene li etaamayi, fan úñeyiyeni li emitayi. Wahoowah foof wan jíñeyiyenut li etaamayi, let úñeyiyeni li emitayi.

Hulimahu Hásuumaahu loon Saŋ akiic homuu 1:17

mata Ateemit li Móyiis lásenumolaal eluwaayi.

Hulimahu Hásuumaahu loon Saŋ akiic homuu 14:6

Yéesu li aanool: — Injé emmuu bútinabu, li mal̥egenamu, li buloŋabu. An ayilaat ajow bata Atuubaawu, okila bájowumut lí ínje.

Hulimahu Hásuumaahu loon Saŋ akiic homuu 18:37

Muñeˈe Filat li aanool: — Kama áyii loom? Yéesu li aanool: — Lulobulo mo awu humumi, ínje áyii. Libukibuk ban li ibil li adunaayi boot elob bukanabuku mata mal̥egenamu. An áamimuu ata mal̥egenamu fan ajanten hulimahu húmbaam.

Hulimahu Hásuumaahu loon Saŋ akiic homuu 6:69

Ban óloli, jíyinene ban jihaase joon awu ommuu anawu anabaawu ata Ateemit.

Bakaanelabu 1:2

boot yok hunakahu nan Ateemit akaanoolumuu ajow boot li emitayi. Yéesu lal̥ul̥l̥us bukan kulako kufootal átowum ajow boot li emitayi. Ban lalobiilob no wahawu feh wan kommuu li kukaan akila bajeˈe. Wahawu wan Yéesu aaniilumuu kukaan, li sembe sata Buyinumabu Banabaabu lálobum wó.

Bakaanelabu 14:15

— Kúfaaloli, wáa újiye li jóomi li jikaan loon muñaˈa? Olóli foof bukan joom loon bukuluul. Jiŋaluluuŋa’ Hulimahu Hásuumaahu mantee kay li jikat bo kuteemitaku umbuku kaletumuu kuteemit kata mal̥egen, min jítiiwo jinab li Ateemit aloŋumuu, áwuwenumuu emitayi, li etaamayi, li halahu, li wahawu feh wáami dómuu.

Kata Lom 3:2

Li wahawu feh, jáliŋayi yata katey búkut elulluuk. Kusuwifaku Ateemit ajandumuu akat Hulimahu hoola.

Kata Lom 9:26

Ban tan kooneeniilumuu: “Jilet bukan kúmbaam”, fan kuhooñiil to bañiil bata Ateemitawu aloŋumuu.»

1 Kata Koolent 10:32

Baloŋelabu booluul jakum búji bukan li kulo li kahoofoo, lako kusuwif, mantee bukan kalet kusuwif, mantee foof bukanabuku kata ejanguwayi yata Ateemit.

1 Kata Koolent 3:16

Kama jihaasut joon bukuluul jommuu eluufayi yata Ateemit, imban Buyinumabu bata Ateemit li bukuluul bukine?

2 Kata Koolent 3:3

Hihhiit kaanaku bukuluul eleetal joom yan Kilisita akiice aban, li ásenoli yo jiboñ. Let li elankal ekiicumi, bale li Buyinumabu bata Ateemit aloŋumuu ekiicumi. Ekiicuti li kúlankiin kayiji, bale ekiicikiic li uyinum wata bukan.

2 Kata Koolent 6:16

Hujamoo buu huyilo hubaj li tutoo eluufayi yata Ateemit li úciinawu? Li mal̥egenamu, alolaal oomaalumuu eluufayi yata Ateemit aloŋumuu; mata loon Ateemit humumool alobumuu: «Fan ikin, ban li iloŋ li tutiil. Fan ilako Ateemit ooliil, ban buko fan kulako bukanabuku kúmbaam.»

2 Kata Koolent 6:7

Jilollob bukanabuku hulimahu hata mal̥egenamu, ban li sembaasu sata Ateemit. Butiikumaabu bóololi bata katek li bata kafangen, bo bommuu wahawu wacolumuu hákil Ateemit.

Kata Galasi 2:9

Muñeˈe Saak buko li Fiyeel li Saŋ, kajokimuu loon buko kommuu siyiilasu sata Ejanguwaayi, kuhahhaas koon Ateemit lasenonsen káji min ikaan bulokabu umbu. Mó mújimuu, li kúyaboli kuŋen ínje li Balunabaas, min kúhiis kaanaku dín dáno joom li buko, min lako áloli jijow jilok li bukanabuku kaletumuu kusuwif, buko li kujow kulok li kusuwifaku.

Kata Galasi 3:1

Bukuluul jata Galasi, mo jikite jíbaamo! Kama ayi aguhuul? Imban líhiisuuhiis jak buu Yéesu Kilisita aketumuu eeno li ekuluwaayi.

Kata Efées 4:21

Manooman jijanjam li kulob moola, li hujokoolahu hooluul li akila, ban kuliikenuuliiken moola naboo li mal̥egenamu mammuu li akila.

Kata Kolos 1:5

Jibabbaj káyinen li húbooli mata min jiyaakaalumuu li wahawu wan Ateemit akatumuu li emitayi boot li bukuluul. Yaakaalayi inyu, nan hulim hata mal̥egenamu hammuu Hulimahu Hásuumaahu hubilumuu booluul kátinaalaku min jijam ho, no jibaj yomuu.

1 Kata Tesalonik 1:9

Bukanabuku feh kulakomuu elob móololi, li kulob foof buu jíyabolimuu eeno nan jibilumuu booluul, li buu bukuluul jikat bomuu úciinawu min jítiiwo jinab li Ateemit, min jilok boot li akila ammuu Ateemit aloŋe ata mal̥egen.

1 Tímote 3:14

Tímote, likiiculikiic kulimaku unke li kákangum ló kaanaku fan ibil ínabenuli, ban let fiyo.

1 Tímote 3:16

Mal̥egen, ban an ayilaat aceeŋ, Mahaasutimuu mata káyinenaku koololaal mululluuk! Kilisita láfuluufulul ajuki loon an, Buyinumabu Banabaabu búhihhiis kaanaku lacoccol, ban Kumalakaaku kujukoojuk. Li kulob foof moola bata kaletumuu kusuwif, li kúyinen li akila li adunaayi feh, ban li ájowetumi boot li emitayi li máyiineni ló.

1 Tímote 3:2

Anahaan ata Ejangu laate alako an, an an aatut ajuk majakut manooman li akila. Laate abaj anaale ano. Aatut awuuhen li wahoowah. Laate alako an abaje buyinum, ban li abaj buloŋ bajake. Laate foof alako an ayabe boola bukan jak ban li ayili awaale hulimahu hata Ateemit.

1 Tímote 3:5

Li mal̥egenamu, nokoomuu loon an ayilaat aaken butoŋool, buu laate ayili ajok jak Ejanguwayi yata Ateemit?

1 Tímote 4:10

Li mal̥egenamu, loonowaasoono li bulok súf li bútaj, mata lúkangumaakangum li Ateemit aloŋumuu, ammuu afakenaawu ata bukanabuku feh, háŋum káyinenumuu li akila.

1 Tímote 6:16

Akila bale ayilaatumuu aket, akinumuu li mawuŋe dán an ayilaat ajow. Bajut an abile ajukool, ban an ayilaatool ajuk. Kábinkenaku li sembaasu sijow silako soola boot nanoonan! Aameen.

2 Tímote 2:19

Bale kúlankiinaku kal̥aal̥aaku kan Ateemit awalenumuu teetaam tówum eluufayi eteefi, kuyilaat kugoloo. Kulimaku unke kúkiici lómuu: «Amaaŋenawu lahaase bukanabuku kammuu koola.» Li foof: «An aanumuu okila Amaaŋenawu akilool, anawu ummu laate áloyi majakut.»

2 Tímote 2:20

Li eluuf yáamak, inti wañawu feh waŋaleyimuu min goloo úkaanumi éwulus, baje wákaanumi ehaaliis, baje foof wayiji li wateefi. Wátinaalawu ukaanikaan to boot li ugaanoo, waawu wo uŋaleyimuu min goloo hunakoohunak.

Eébulo 10:21

Lubajaale álamba áamak akaani anahaanawu ata eluufayi yata Ateemit.

Eébulo 12:22

Bale bukuluul jijowujow jikooj huyuuyahu hata Siyoŋ, li ésukayi yata Ateemit aloŋumuu. Yo yommuu Yeelusalem yammuu li emitayi, dán kumalaka kameeŋe mameeŋ kubaje huwoog hata kagaan.

Eébulo 3:12

Kutuyom, jijuke to jakum bil an li bukuluul abaj buyinum baŋooto, báyinenut, baate bukaanool min abet búsol Ateemit aloŋumuu.

Eébulo 9:14

Fan wahawu unwu usetene bukan kahoofoole kama háŋum húsimahu hata Kilisita! Li mal̥egenamu, Kilisita lájowunjowum li Buyinumabu baano tomuu boot nanoonan, min asenoolo okila humumool batilut tanootan loon esalah Ateemit. Húsimahu hoola li huseten uyinumawu woololaal li makaane manooman majakut, min uyiliyaal ulokaal boot li Ateemit aloŋumuu.

1 Fiyeel 2:5

Bukuluul humumuul jijokoolo loon kuyitik kaloŋe, ban li jikat Ateemit min aŋaluul min ateef eluuf dán Buyinumabu Banabaabu bukine, min jilako huwoog hata bukan káami élamba yakaani li kakaŋ boot li Ateemit, boot kakaanool kasila kabilumulo li Buyinumabu Banabaabu ban li kúsuumool humum hata Yéesu Kilisita.

1 Fiyeel 4:17

Taŋayi éliiŋe nan batiibabu bata Ateemit bommuu li bútoŋ, ban bukanabuku kata Ateemit kommuu li kujand kutiibi. Ban nokoomuu loon li Batiibabu bata Ateemit li alolaal búkitume, buu bukanabuku kahoyumuu báyinen Hulimahu Hásuumaahu hata Ateemit kóomi li kúbanum eeno?

Búhiisenumabu 7:2

Muñeˈe li ijuk amalaka akee li abilumul Akiw. Li átuk húlangumaasowumahu hata Ateemit aloŋumuu. Li alob butiya kumalakaabuku kubakiilaku kan Ateemit asenumuu sembe min kukajen etaamayi li halahu.