Kata Lom 1:17 - Jola-Kasa

¹⁷ Li mal̥egenamu, Hulimahu Hásuumaahu húhihhiis buu Ateemit akaanemuu bukanabuku kulako bukan kacole hákilool: jówunjowum li káyinenaku ban li káyinenaku bale ko, loon Bakiicelabu bulobumuu: «An acole hákil Ateemit fan áloŋum li káyinenaku.»

Kata Lom 1:17 Referencias Cruzadas

Hulimahu Hásuumaahu loon Saŋ akiic homuu 3:36

An áyinenumuu li Añiilawu, li abaj buloŋ babaneliit. Bale an ahoyumuu min áyinen li Añiilawu, let abaj buloŋabu umbu, bale fan alo li katekaku kata Ateemit.

Kata Lom 10:3

Li mal̥egenamu, Kusuwifaku kuhaasut buu Ateemit akaanemuu min bukanabuku kulako bukan kacole hákilool, min buko humumiil kuŋes min kulako bukan kacole. Wahawu unwu újimuu kukaanut wahawu wan Ateemit afañumuu min bukanabuku kukaan min kulako bukan kacole hákilool.

Kata Lom 3:21

Muñeˈe Ateemit láhiisolaahiis buu lakaanewolaamuu ulakowaal bukan kacole hákilool, ban inti li búkaanum bata eluwaayi bulollob mo foof.

Kata Lom 3:22

Ateemit lajoojok bukanabuku feh káyinenumuu li Yéesu Kilisita bukan kacole hákilool, humum hata káyinenaku kooliil. Lakankaan mo boot li bukanabuku feh káyinenumuu, mata kúbutoolut.

Kata Lom 3:3

Muñeˈe waa? Mantee min kukee li Kusuwifaku kul̥egenutumuu li káyinenaku kooliil, mo mommuu li múji Ateemit li ál̥egenaati li kulimaku kan alobumuu?

Kata Lom 9:30

Muñeˈe boot kama min oonaal buu? Boot min oonaal: bukan kalet kusuwif ban kalakowut huŋes min kulako bukan kacole hákil Ateemit, Ateemit lakaaniikaan kulako bukan kacole hákilool, humum hata káyinenaku kooliil.

2 Kata Koolent 3:9

Nokoomuu loon li mal̥egenamu bulokabu bata eluwaayi bafanemuu búji bukanabuku li kulo li batiibabu bata Ateemit, búyiineniyiineni ŋáa’, kama háŋum bulokabu bata Buyinumabu bájiyewolaamuu li ulakowaal bukan kacole?

2 Kata Koolent 5:21

Kilisita akaanutumuu kahoofoo, Ateemit li akaanool ateb kahoofoo humum hoololaal, bájum li újowumaal li akila min ulakowaal macolamu mata Ateemit.

Kata Galasi 3:11

Lollob jak kaanaku eluwaayi eyilaat éji an li aani lacoccol hákil Ateemit, mata Bakiicelabu bonsoon: «Anawu acolumuu hákil Ateemit, fan áloŋum li káyinenaku koola.»

Kata Fílib 3:9

min ibaj hujokoo li mal̥egen li akila. Muñeˈe ilaañut iyinoo li een likankaan an acole mata min ikaanemuu loon eluwaayi elobumuu. Li káyinenaku kúmbaam li Kilisita léemummuu an acole. Ateemit akaanemuu an acol, ban káyinenumuu lakaanemuu bukan kacole.

Eébulo 10:38

Ateemit li aan: «Anawu úmbaam acolumuu, fan áloŋum li káyinen, bale añakumuu alaañ búsol, let ibaj ésuumansuum li akila.»