Esúkayi yammuu li élimayi, fan ejuk mawuŋe máamak. Ban bukanabuku kammuu li etaam yata élim yata eket, mawuŋe fan muhiiteniil.»
Hulimahu Hásuumaahu loon Saŋ akiic homuu 1:4 - Jola-Kasa Li Hulimahu buloŋabu bulakowe. Ban buloŋabu bulakomuu mawuŋaamu mata bukanabuku. |
Esúkayi yammuu li élimayi, fan ejuk mawuŋe máamak. Ban bukanabuku kammuu li etaam yata élim yata eket, mawuŋe fan muhiiteniil.»
ammuu mawuŋaamu mammuu li múji bukanabuku kákaanumutumuu li Ateemit balewool li kuhaasi, min alako máyiineniyamu mata Isilayeel, ésukayi yooli.
Yéesu li aanool: — Injé iyitenumulemuu kaketumuu li eketayi, ínje isenemuu buloŋabu. An áyinenumuu lí ínje, fan aloŋ maayeet min akete.
Yéesu li aaniil: — Mawuŋaamu muloŋe li moono li bukuluul. Bale let mulako li bukuluul fiyo. Jinab li bútinabu booluul muñeˈe nan jiloŋumuu li jibaj mawuŋaamu, jakum bil élimayi egoobuul. Mata an ájowume li élim, ahaasut bay lajeˈe boot.
Injé ammuu mawuŋaamu libiibil li adunaayi, bájum an áyinenumuu lí ínje, let alako li élim.
Yéesu li aanool: — Injé emmuu bútinabu, li mal̥egenamu, li buloŋabu. An ayilaat ajow bata Atuubaawu, okila bájowumut lí ínje.
Batiibabu bo bommuu umbe: mawuŋaamu mubiibil li adunaayi, bale bukanabuku li kuhaŋ mafañ élimayi, mata makaanelamu mooliil mujakut.
Mata loon Atuubaawu ayitenemuu kaketumuu min alaañen akaaniil kuloŋ, mo foof Añiilawu ammuu li asen buloŋ bukanabuku kan afañumuu min asen bo.
Mata, loon Atuubaawu aakumuu buloŋabu li akila humumool, mo foof lakaanumuu Añiilawu min áaki buloŋabu li akila humumool.
Yéesu li alaañen alob li búsukabu aaniil: — Injé emmuu mawuŋaamu mata adunaayi. An anabumuu lí ínje fan abaj mawuŋaamu mata buloŋabu, ban let ájowum li élim maayeet.
Konsoon Kilisita fan álaam, ban okila ammuu ajand ayitowumul li eketayi, ban fan áhiis mawuŋaamu mata kafakaku bukanolaal li foof kákaanumutumuu li Ateemit balewool.
Li mal̥egenamu, Bakiicelabu bonsoon: «Anawu átinaalawu ammuu Adam, labiibil akaan búwuwenum baloŋe», bale Adam ásolaawu okila ammuu Buyinumabu basenemuu buloŋabu.
Li mal̥egenamu, wahoowah feh wakaani li mawuŋe, wo humum wo fan ulako mawuŋe. Wahawu unwu újimuu li koon: «Ulíwo, awu jámoolimuu, uyitowumul li kaketumuu, min mawuŋamu mata Kilisita muhiiteni.»
Kilisita ammuu buloŋabu booluul. Muñeˈe nan ammuu li álaŋul, no unnu bukuluul foof fan jílaŋoolul li akila li máyiineniyamu.
Jikiiculuukiic boot min jilobuul mata anawu ammuu Hulimahu hata buloŋabu. Hulimahu unhu hubabbaj yaan no li húkitumahu. Lujamaajam Hulimahu, ban li ujukaal ho li kúkilolaal. Li ulasowaal ho, ban li ugolaal ho li kuŋenolaal.
Anawu ummu ammuu buloŋabu láfuluufulul, ban lujukaaloojuk. Wahawu unwu újimuu li joonowuul li elob moola, ban li jilobuul mata buloŋabu bábaneliitumuu balakomuu li Atuubaawu, báfululumuu ujukaal.
Kulimaku unku ko kommuu unke: Ateemit lasenolaasen buloŋabu bábaneliitumuu, ban buloŋabu umbu bumbu li Añoolool.
Fúlum tó, amalakaawu li áhiisom foof katunkaku kata malamu mata buloŋabu. Malamu ummu mugiwulogiwulo loon eweel, ban li munaak múfulumul li efenjeŋayi yata Ateemit li yata Agálalaanawu.
«Injé Yéesu, líboñuuboñul amalakaawu úmbaam abil alobuul wahawu feh li sijanguwasu. Injé emmuu bubukoolumabu bata butoŋabu bata Dayit. Injé emmuu elabenayi.»