Hulimahu Hásuumaahu loon Saŋ akiic homuu 11:25 - Jola-Kasa

²⁵ Yéesu li aanool: — Injé iyitenumulemuu kaketumuu li eketayi, ínje isenemuu buloŋabu. An áyinenumuu lí ínje, fan aloŋ maayeet min akete.

Hulimahu Hásuumaahu loon Saŋ akiic homuu 11:25 Referencias Cruzadas

Hulimahu Hásuumaahu loon Lík akiic homuu 23:43

Yéesu li aanool: — Li mal̥egenamu fan ilobi, síyaataye fan ulako lí ínje alijana.

Hulimahu Hásuumaahu loon Saŋ akiic homuu 1:4

Li Hulimahu buloŋabu bulakowe. Ban buloŋabu bulakomuu mawuŋaamu mata bukanabuku.

Hulimahu Hásuumaahu loon Saŋ akiic homuu 14:19

Let fiyo, min bukanabuku kata adunaayi kújukaatiwom. Bale bukuluul fan jijukom, mata ínje ummu li buloŋ, ban bukuluul foof fan jiloŋ.

Hulimahu Hásuumaahu loon Saŋ akiic homuu 14:6

Yéesu li aanool: — Injé emmuu bútinabu, li mal̥egenamu, li buloŋabu. An ayilaat ajow bata Atuubaawu, okila bájowumut lí ínje.

Hulimahu Hásuumaahu loon Saŋ akiic homuu 3:16

Mata Ateemit lafanfañ bukanabuku kammuu li adunaayi bil gay, li ásenul Añoolool anolawu sih, bájum an áyinenumuu li akila let aket, bale li abaj buloŋabu bábaneliitumuu.

Hulimahu Hásuumaahu loon Saŋ akiic homuu 3:36

An áyinenumuu li Añiilawu, li abaj buloŋ babaneliit. Bale an ahoyumuu min áyinen li Añiilawu, let abaj buloŋabu umbu, bale fan alo li katekaku kata Ateemit.

Hulimahu Hásuumaahu loon Saŋ akiic homuu 5:21

Mata loon Atuubaawu ayitenemuu kaketumuu min alaañen akaaniil kuloŋ, mo foof Añiilawu ammuu li asen buloŋ bukanabuku kan afañumuu min asen bo.

Hulimahu Hásuumaahu loon Saŋ akiic homuu 5:26

Mata, loon Atuubaawu aakumuu buloŋabu li akila humumool, mo foof lakaanumuu Añiilawu min áaki buloŋabu li akila humumool.

Hulimahu Hásuumaahu loon Saŋ akiic homuu 6:35

Yéesu li aaniil: — Injé emmuu húmbuuluwahu hasenemuu buloŋabu. An abilumuu búmbaam, let abil acaalet. An áyinenumuu li ínje, bahob let bubil bujokool.

Hulimahu Hásuumaahu loon Saŋ akiic homuu 6:44

An ayilaat abil boot búmbaam, Atuubaawu áboñulommuu okila báŋalulootool, ban ínje fan iyitenumulool li eketayi li hunakahu húbanumahu.

Bakaanelabu 3:15

Muñowu jimukumuu anawu akilumuu buloŋabu. Bale Ateemit li ayitenumulool li eketayi, ban alolaal feh lumaataale.

Kata Lom 4:17

loon Ateemit aloboolumuu li Bakiicelabu kaanaku: «Likaanikaan ulako atuuba ahaan ata sihet sameeŋe.» Abulaham laanosaano atuubawolaal hákil Ateemit an áyinenumuu li akila. Ateemit okila asenemuu buloŋ kaketumuu ban li akaan wah wabajut min ubaj.

Kata Lom 8:2

Li mal̥egenamu, eluwaayi yata Buyinumabu Banabaabu yasenemuu buloŋ babilumulo li hujokoolahu hoololaal li Yéesu Kilisita, efakenolaafaken li kuŋen kata eluwaayi yata kahoofoolaku, li eketayi.

1 Kata Koolent 15:18

Yo yommuu foof kama káyinenumuu li Kilisita ban li kuket, kújinjim bándoo.

1 Kata Koolent 15:29

Fan jiyinoo bukanabuku kábatiiseyeyimuu boot li kaketumuu: wáa újiye li kukaan mo? Nokoomuu loon mal̥egen kaketumuu let kuyitowumul li eketayi, wáa lí úji li kunaak kúbatiiseyi boot li kaketumuu?

2 Kata Koolent 4:14

mata áloli jihaase joon Ateemit layitenuuyitenul Amaaŋenawu Yéesu li eketayi, ban fan áyitenumuloli foof li eketayi li Yéesu ló, min ákaanoli jilako tin tano li akila li bukuluul ló.

Kata Fílib 1:23

Wah úl̥uba uñakoole lí ínje: lifañe min ífu’ li buloŋabu umbe min ijow inaben Kilisita, ban foof fan súumom ŋáa’,

Kata Fílib 3:10

Wahawu wan ifañumuu bale, wo wommuu min ihaas Kilisita li sembaasu sayitenumuloomuu li eketayi, min ibaj foof júmbaam li sílaamasu soola, ban li inokoo loon okila li eketayi yoola.

1 Kata Tesalonik 4:14

Li mal̥egen, emmuu lúyinenaayinen kaanaku Yéesu lakeeket ban li ayitowumul li eketayi, lootaale foof úyinenaal kaanaku bukanabuku káyinenumuu li akila ban li kuket, Ateemit fan ayitenumuliil li eketayi li Yéesu ló.

Búhiisenumabu 1:18

Injé emmuu anawu ammuu li buloŋ. Liketeenenket, bale muñeˈe ínje ummu li buloŋ boot nanoonan. Libaje kayile li eketayi, li tan bukanabuku kaketumuu kommuu.

Búhiisenumabu 20:5

Bukanabuku umbuku buko kommuu kútinaalabuku kan Ateemit ayitenumulomuu li eketayi. Bukan kaabuku kaketumuu, let kuyitowumul li eketayi tówum simit énjunne siban.

Búhiisenumabu 21:4

Fan átil̥ muhuuwamu mooliil feh li kúkiliil. Eket let elaañen ebaj, ñíkul foof let ñibaj. An let al̥okoo, an let abaj foof sílaam. Mata, wahawu feh uhaanawu fan újim.»

Búhiisenumabu 22:1

Fúlum tó, amalakaawu li áhiisom foof katunkaku kata malamu mata buloŋabu. Malamu ummu mugiwulogiwulo loon eweel, ban li munaak múfulumul li efenjeŋayi yata Ateemit li yata Agálalaanawu.

Búhiisenumabu 22:17

Buyinumabu li Abúwaawu li koon: «Ubil!» An ajamumuu wahawu unwu li aan foof: «Ubil!» An bahob bujokoolumuu li abil. An afañumuu malamu mata buloŋabu, li abil aŋa’ mo ban let acaam.