Bakaanelabu 26:23 - Jola-Kasa

²³ Konsoon Kilisita fan álaam, ban okila ammuu ajand ayitowumul li eketayi, ban fan áhiis mawuŋaamu mata kafakaku bukanolaal li foof kákaanumutumuu li Ateemit balewool.

Bakaanelabu 26:23 Referencias Cruzadas

Máciya 26:24

Añool-An fan aket loon Bakiicelabu bulobumuu buya li akila. Bale katek kujow kulako li anawu ammuu li abetool li kuŋen bukan. Haŋeene majak jakum anawu ummu abuki.

Máciya 27:53

Nan kúfululumuu li kuyaakaku, Yéesu bayitowulo aban li kaketumuu, li kujow boot Yeelusalem, ésukayi yata Ateemit. Bukan kameeŋe li kujukiil.

Hulimahu Hásuumaahu loon Lík akiic homuu 2:32

ammuu mawuŋaamu mammuu li múji bukanabuku kákaanumutumuu li Ateemit balewool li kuhaasi, min alako máyiineniyamu mata Isilayeel, ésukayi yooli.

Hulimahu Hásuumaahu loon Lík akiic homuu 24:26

Kama Afakenaawu aateenut álaam loon muñowu átowum alako li máyiineniyamu moola?

Hulimahu Hásuumaahu loon Lík akiic homuu 24:46

Ban li aaniil: — Muñeˈe bakiicelabu bulobe: Afakenaawu laate álaam ban fan ayitowul li eketayi li hunakahu húhaajutahu.

Hulimahu Hásuumaahu loon Saŋ akiic homuu 10:18

Anoowan ayilaat ájimen buloŋabu búmbaam, bale ínje humumom éemi li inong min isen bo. Liyilo isen buloŋabu búmbaam, ban liyilo ilaañen iŋa’ bo. Wahawu unwu Atuubawom alobumuu min ikaan.»

Hulimahu Hásuumaahu loon Saŋ akiic homuu 11:25

Yéesu li aanool: — Injé iyitenumulemuu kaketumuu li eketayi, ínje isenemuu buloŋabu. An áyinenumuu lí ínje, fan aloŋ maayeet min akete.

Bakaanelabu 13:34

«Ateemit lalollob kaanaku fan ayitenumul Yéesu li eketayi jakum bil eniilool elaañ ekajen li huyaak. Muñeˈe lalobumuu eeno: “Fan isenuul kásooniyenaku kanabaaku, ban kata mal̥egen kan ilobumuu kasen Dayit.”

Bakaanelabu 26:18

Boot min iboñi ujow úbabul kúkilaku kooliil, li úfulenuliil li élimayi kubil kulako li mawuŋe, li úfulenuliil foof li kaŋenaku kata Sayitaane kubil kulako bata Ateemit; bájum kúyinenumuu lí ínje, li kubaj kabonket kata uhoofoolawu wooliil, min kubaj bútowowiil li bukanabuku kan Ateemit akilumuu.

Bakaanelabu 26:8

Wáa újiye bukuluul Kusuwifake li jiyin li joon Ateemit ayilaat akaan bukanabuku kaketumuu kuyitowumul li eketayi?

Bakaanelabu 3:18

Bale Ateemit lalollob ákibben li utum wata kufulofetaku fan álaam. Wahawu unwu lakaanumuu min ubaj.

Bakaanelabu 3:24

«Ban foof kunakaku unke kan oomaamee li ko, kufulofetaku feh, kulollob mata ko kusemmenoo, kítum li Samiyeel boot yok kabilumuu búsolool.

1 Kata Koolent 15:3

Li mal̥egenamu, bukuluul lijandumuu iliiken wahawu wan ínje humumom iyabumuu, wammuu: Kilisita lakeeket mata uhoofoolawu woololaal úji, loon Bakiicelabu bulobumuu.

2 Kata Koolent 4:4

Bukanabuku umbuku kammuu li kájimaku kúyinenut, mata ateemitawu ata adunaayi inye, ammuu Sayitaane, lámimmib uyinumawu wooliil jakum bil kujuk kaleñaku kata Hulimahu Hásuumaahu hata máyiineniyamu mata Kilisita, ammuu kambuwaku kata Ateemit.

Kata Kolos 1:18

Okila ammuu húkowahu hata eniilayi yáamimuu Ejanguwayi; okila ammuu húkitumahu, okila ajandumuu ayitowumul li eketayi, bájum li ahaŋ wahoowah feh.

Eébulo 2:10

Li mal̥egenamu, Ateemit akila áwuwene wahawu feh wabajumuu, ban wahawu feh ubabbaj boot li akila. Min ban, lakankaan min kameeŋe li bañoolool kulako li máyiineniyamu moola. Emmuu Yéesu akila afakeneyiilumuu, mó mújimuu Ateemit li áati akaanool ájowum li sílaam mantee li áliiŋ jak.

Búhiisenumabu 1:5

Yéesu Kilisita, alobemuu Hulimahu Hásuumaahu li mal̥egen, asenuul foof káji li kásuumaay. Akila áamimuu átinaa li kayitowulumuu li eketayi, ban li áami áyiiyawu ata kúyiiyaku kata etaamayi. Yéesu Kilisita lafañolaafañ, ban li húsimahu hoola láfakenumolaalumuu li uhoofoolawu woololaal.