Kata Kolos 3:4 - Jola-Kasa

⁴ Kilisita ammuu buloŋabu booluul. Muñeˈe nan ammuu li álaŋul, no unnu bukuluul foof fan jílaŋoolul li akila li máyiineniyamu.

Kata Kolos 3:4 Referencias Cruzadas

Máciya 13:43

No unnu bukanabuku kátuulumuu Ateemit, fan kuleñ loon banakabu li Jáyiiyaju jata Atuubayiil. An áakimaa sijan, li ajanten jak min ajam.

Hulimahu Hásuumaahu loon Lík akiic homuu 17:30

Muñaˈa foof emmuu bil nokoo li hunakahu nan Añool-An ammuu álaŋul.

Hulimahu Hásuumaahu loon Saŋ akiic homuu 11:25

Yéesu li aanool: — Injé iyitenumulemuu kaketumuu li eketayi, ínje isenemuu buloŋabu. An áyinenumuu lí ínje, fan aloŋ maayeet min akete.

Hulimahu Hásuumaahu loon Saŋ akiic homuu 14:3

Nan emmuu ijow ikaan kulako boot li bukuluul iban, fan ílaañul iŋaluul íjowetum, bájum bukuluul humumuul foof li jilako tan ínje emmuu li ilako.

Hulimahu Hásuumaahu loon Saŋ akiic homuu 14:6

Yéesu li aanool: — Injé emmuu bútinabu, li mal̥egenamu, li buloŋabu. An ayilaat ajow bata Atuubaawu, okila bájowumut lí ínje.

Hulimahu Hásuumaahu loon Saŋ akiic homuu 17:24

«Faafa, awu usenomiil, ban lifañe tan emmuu li ibil ilako, li kulako to foof lí ínje, bájum li kujuk máyiineniyamu múmbaam. Máyiineniyamu man usenommuu, mata lufañonfañ tówum adunaayi ejuul̥i.

Hulimahu Hásuumaahu loon Saŋ akiic homuu 20:31

Bale wahawu wakiicimuu li éliibalayi inye, ukiicikiic mantee li jíyinen kaanaku Yéesu ammuu Kilisita, okila ammuu Añiilawu ata Ateemit. Ban jíyinenumuu li akila, fan jíbajum buloŋabu li kajawaku koola.

Bakaanelabu 3:15

Muñowu jimukumuu anawu akilumuu buloŋabu. Bale Ateemit li ayitenumulool li eketayi, ban alolaal feh lumaataale.

Kata Lom 8:18

Lenseen sílaamasu soololaal sata muñeˈe sitookut min sikittenooli li máyiineniyamu mata Ateemit, man ammuu li abil áhiisolaal.

Kata Lom 8:19

Li mal̥egenamu, búwuwenumabu foof bo feh bumbu li kakob li esommen ló taŋayi nan Ateemit ammuu li áhiis máyiineniyamu mata bañoolool.

1 Kata Koolent 1:7

Mó mújimuu bajut káji kakee kata Ateemit kasaŋowuul, bukuluul jammuu li banaak nan Amaaŋenawu oololaal Yéesu Kilisita ammuu li álaŋul.

1 Kata Koolent 15:43

Eniilayi yahokimuu li etaam égootogooto, ebajut sembe. Eniilayi yayitowumulomuu li eketayi éyiineniyiineni ban li ebaj sembe.

2 Kata Koolent 4:17

Li mal̥egenamu, sílaamasu soololaal sata muñeˈe siyiiliyiili ban sifiyowut, bale so sommuu li síjiwolaal li ubil ubajaal máyiineni maluuke maluuk jow hah. Máyiineniyamu ummu mata boot nanoonan, ban muhaŋe ŋáa’ sílaamasu unsu.

Kata Galasi 2:20

Min lako muñeˈe inti ínje humumom éemi li buloŋ, bale Kilisita áami li buloŋ lí ínje. Mata buloŋom bata ál̥ahukowan bata muñeˈe, lilolloŋ bo li káyinenaku kan ibajumuu li Añiilawu ata Ateemit, ábooliwommuu ban li asen buloŋool boot lí ínje.

Kata Fílib 3:21

Nan ammuu li áliiŋul, fan akaan eniilayi yoololaal yágootomuu ébuti, min akaan yo enokoo li eniilayi yoola yáyiineniyaayi, li búkaanum bata sembaasu sájiwoolumuu li ajok wahawu feh aaken li kayilaaku koola.

1 Kata Tesalonik 4:17

Muñeˈe fúlum tómuu, bukanabuku kammuu kulako no li buloŋ, fan kuŋalooli li mano li buko min kújowum li ufaalawu min kujow kufam li Amaaŋenawu haatiya. Muñowu lóotumaalumuu ulakowaal li Amaaŋenawu boot nanoonan.

1 Tímote 6:14

ukaan jak loon kulimaku kan uyabumuu kulobumuu. Jakum util li ko tanootan ban jakum foof an ayili alob majakut aya li awu boot yok nan Amaaŋenawu oololaal Yéesu Kilisita ammuu li álaŋul.

2 Tímote 1:1

Injé Fool ammuu afootal ata Yéesu Kilisita li húnongum hata Ateemit áboñulommuu boot kayiiŋen buloŋabu ban alobumuu kasen, ban úbajumaalumuu li hujokoolahu hoololaal li Yéesu Kilisita,

2 Tímote 4:8

Muñeˈe bacaamabu bata kaheekaku bumbu li kakobom: bo bommuu éjambiyayi yata bukanabuku kan Ateemit ajokumuu bukan kacole, yan Amaaŋenawu áamimuu atiiba acole, ammuu li asenom li hunakahu hata Batiibabu. Ban let ínje balewom láami li asen yo, bale fan asen yo foof bukanabuku feh kammuu li banaak li húbooli ló taŋayi nan ammuu li álaŋul.

Eleetalayi yan Fool akiicumuu Tit 2:13

Muñowu lóotumaalumuu ukobaal hunakahu hásuumaahu han úkangumaamuu li ho. Hunakahu nan máyiineniyamu mata Ateemitawu oololaal áamakawu ammuu Yéesu Kilisita Afakenaawu oololaal, mommuu li múlaŋul.

Eébulo 9:28

mo foof Kilisita asenoolomuu ñano bale, alako esalah boot káfulen uhoofoolawu wata bukan kameeŋe ŋáa’. Fan abil álaŋul búl̥ubut, ban inti boot káfulen uhoofoolawu, bale boot kafaken bukanabuku kammuu li kakob élaañulayi yoola.

1 Fiyeel 1:13

Wahawu unwu újimuu joote jikaan to uyinumuul, ban li jíkaanum. Jiŋa’ kákangumaku kooluul feh jikaan li kájiyaku kan jommuu li jiyab nan Yéesu Kilisita ammuu li álaŋul.

1 Fiyeel 5:4

Muñeˈe nan Anahaanawu ata kumataaku ammuu li álaŋul, bukuluul fan jiyab éjambi yáyiineniye, yan kaleñaku kata yo kootut kútiiŋo.

1 Saŋ 2:28

Kuñoolom, muñeˈe jítuk hujamoolahu hooluul li Kilisita lit, bilum eeno nan ammuu li abil li ubajaal kákangum, ban let ubajaal ñisuu hákilool li hunakahu nan ammuu li álaañul.

1 Saŋ 3:2

Kutuyom kan iboolaat, muñeˈe alolaal bañiil bata Ateemit loomaal; bale wahawu wan oomaalumuu li ubil ulakowaal, uhaasolutaal wo jak. Bale luhaasaale oonaal nan Kilisita ammuu li abil, fan unokoolaal loon akila, mata fan ujukaalool loon aanomuu.

1 Saŋ 5:12

An ayabumuu Añiilawu, buloŋabu layabe. An ayabutumuu Añiilawu, buloŋabu layabut.

Eleetalayi yan Súd akiicumuu 1:24

Kasalaku kujow kulako kata Ateemit ayilimuu afooyuul jakum jibil jilo li kahoofoo, ban li ájowetumuul maakut butila banooban li ésuumansuum ló, boot to li máyiineniyamu moola.

Búhiisenumabu 2:7

«An áakimuu sijan, li ajanten wahawu wan Buyinumabu bulobumuu Sijanguwasu. Anawu ammuu li aheek, fan isenool mutiñaayamu mata bunuunukabu bata buloŋabu bammuu li etoolayi yata Ateemit, atiñ.»

Búhiisenumabu 22:1

Fúlum tó, amalakaawu li áhiisom foof katunkaku kata malamu mata buloŋabu. Malamu ummu mugiwulogiwulo loon eweel, ban li munaak múfulumul li efenjeŋayi yata Ateemit li yata Agálalaanawu.

Búhiisenumabu 22:14

«Awólo bukanabuku kafosumuu wañawu wooliil, min kuyili kutiñ mutiñaayamu mata bunuunukenabu bata buloŋabu, ban li kújowum li wámbiilawu kunoken li ésukayi.