Jijow boot bata bukanabuku feh kammuu tanootan li etaamayi, min jikaaniil kulako kúgoom kúmbaam. Ban li jíbatiiseyiil li kajawaku kata Atuubaawu, li kata Añiilawu, li kata Buyinumabu Banabaabu.
Bakaanelabu 18:8 - Jola-Kasa Kílisifis ammuu anahaanawu ata eluufayi yata kal̥awaku, li áyinen li Amaaŋenawu boot li butoŋabu boola feh ló. Bukan kameeŋe kata ésukayi yata Koolent, kajantenumuu Fool, li kúyinen foof min kúbatiiseyiil. |
Jijow boot bata bukanabuku feh kammuu tanootan li etaamayi, min jikaaniil kulako kúgoom kúmbaam. Ban li jíbatiiseyiil li kajawaku kata Atuubaawu, li kata Añiilawu, li kata Buyinumabu Banabaabu.
Anáyine akee li kunahaanaku kata eluufayi yata kal̥awaku, an koone Jáyilis li áliiŋul. Nan ajukumuu Yéesu, li ákuntuŋ hákilool,
Nan Yéesu alakomuu elobayi, kukee li kúfulumul bata Jáyilis kubil koon Jáyilis: — Jísungutaaju jooli jikete. Wáa újiye li umit oono li kayoken Anahaanawu?
Kooluney lakankaan an áyinene ban li ákoli Ateemit, okila li butoŋool. Lanaanaak alamben ŋáa’ kusukateenabuku kata kusuwifaku, ban li anaak al̥aw nanoonan Ateemit.
Muñeˈe nan kujangamuu síliibalasu sata Eluwaayi kuban, kunahaanaku kata eluufayi yata kal̥awaku li kuboñ kujow kooniil: — Kútuyoli, jibajumuu kulim kata kawankulen bukanabuku, li jilob ko.
Li aŋa’ Fool buko li Silaas ájowetum boola, ajow aseniil kutiñ. Afooyaawu humumool li butoŋabu boola, li kubaj ésuumahukow yáamak min kúyinenumuu li Ateemit.
Muñeˈe buko foofiil feh li kújokul anahaanawu ata eluufayi yata kal̥awaku an koonemuu Sosuten, kutek hákil hutiibahu. Bale Galiyoŋ abagut.
Nan Afolos alakomuu Koolent, Fool li ájowum li etaamayi ban kuyuuyaku kommuu, abil boot Efées. Alíiŋul li atook bó kúgoom kukee.
Bale nan kúyinenumuu li Hulimahu Hásuumaahu han Fílib awaaleyiilumuu mata Jáyiiyaju jata Ateemit, li kajawaku kata Yéesu Kilisita, kánayinaabuku li kanaalaabuku li kujow kúbatiiseyiil.
Jikiiculokiic yo boot li bukanabuku kata ejanguwayi yata Ateemit yammuu li ésukayi yata Koolent, kabile kulakomuu bukan kata Ateemit li hujamoolahu hooliil li Yéesu Kilisita, ban li kuhooñi boot kalako bukan kanabe, li mano li bukanabuku feh kamanenemuu banooban kajawaku kata Amaaŋenawu oololaal Yéesu Kilisita, ammuu Amaaŋenawu ooliil li oololaal.
Injé Fool ammuu afootal ata Yéesu Kilisita li húnongum hata Ateemit, ínje li atuyolaal Tímote jikiiculo eleetalayi inye boot li ejanguwayi yata Ateemit yammuu li ésukayi yata Koolent. Jikikkiic yo foof boot li bukanabuku feh kata Ateemit kammuu li etaamayi feh yata Akaay.
Ateemit lahaase aan ímalut. Imálumuu, kama li amukom. Min ibilutumuu boot Koolent, ifañut min ikaanul búteb.
Bukuluul jata Koolent, áloli jilobuulob li mál̥egenoli. Jilobuulob wahawu feh wammuu li úyinumoli.
Elaas li ésukayi yata Koolent lálakowulo. Tolofim li ésukayi yata Milet líkatulool másomute.