Bakaanelabu 8:12 - Jola-Kasa

¹² Bale nan kúyinenumuu li Hulimahu Hásuumaahu han Fílib awaaleyiilumuu mata Jáyiiyaju jata Ateemit, li kajawaku kata Yéesu Kilisita, kánayinaabuku li kanaalaabuku li kujow kúbatiiseyiil.

Bakaanelabu 8:12 Referencias Cruzadas

Máciya 28:19

Jijow boot bata bukanabuku feh kammuu tanootan li etaamayi, min jikaaniil kulako kúgoom kúmbaam. Ban li jíbatiiseyiil li kajawaku kata Atuubaawu, li kata Añiilawu, li kata Buyinumabu Banabaabu.

Hulimahu Hásuumaahu loon Lík akiic homuu 9:2

Fúlum tó, li aboñiil kujow kawaale Jáyiiyaju jata Ateemit, min kufaken kásomutumuu.

Hulimahu Hásuumaahu loon Lík akiic homuu 9:60

Yéesu li aanool: — Ukat bukanabuku kaketumuu min buko humumiil kuhok bukaniil kaketumuu, min awu ujow uyiiŋen hulimahu hata Jáyiiyaju jata Ateemit.

Bakaanelabu 1:3

Nan Yéesu aketumuu aban, li áfu’ Kufootalaku kunak koono kúyii kúl̥uba. Láfuliifu’ min áhiisiil ñameeŋe kaanaku li mal̥egenamu akila ummu li buloŋ, ban li alobiil mata Jáyiiyaju jata Ateemit.

Bakaanelabu 11:20

Bale kukee li bukanabuku káyinenumuu li Yéesu kata Ciif li kata Siilen, li kujow boot li ésukayi yata Antiyok, min kuwaale bo foof bukanabuku kalobemuu elobayi yata kata Gilees, Hulimahu Hásuumaahu hata Amaaŋenawu Yéesu.

Bakaanelabu 18:8

Kílisifis ammuu anahaanawu ata eluufayi yata kal̥awaku, li áyinen li Amaaŋenawu boot li butoŋabu boola feh ló. Bukan kameeŋe kata ésukayi yata Koolent, kajantenumuu Fool, li kúyinen foof min kúbatiiseyiil.

Bakaanelabu 19:5

Nan kujamumuu kulimaku unku, li kujow kúbatiiseyiil li kajawaku kata Amaaŋenawu Yéesu.

Bakaanelabu 2:38

Fiyeel li aaniil: — Jibet búsol buloŋabu booluul buhaanabu, min jítiiwo jiŋa’ buloŋ buwunkul. Banumuu, anoowan li bukuluul li ajow kúbatiisewool li kajaw kata Yéesu Kilisita, boot kabonket kata uhoofoolawu wooluul. Jikaan momuu, Ateemit fan asenuul kájiyaku kata Buyinumabu Banabaabu.

Bakaanelabu 2:41

Li kúbatiise bukanabuku káyinenumuu hulimahu hata Fiyeel. Hunakahu unhu, bukanabuku kubilumuu kufamen to huwoogahu hata bukanabuku káyinenumuu li Yéesu, kuyilo kúliiŋ sínjunne síhaaji.

Bakaanelabu 20:21

Lilollob li mal̥egen Kusuwifaku li kata Gilees min kútiiwowul kunab li Ateemit, ban li kúyinen li Amaaŋenawu oololaal Yéesu.

Bakaanelabu 20:25

«Libiibil boot booluul foofuul feh min iwaalewuul Jáyiiyaju jata Ateemit, bale muñeˈe, lihaase jak kaanaku, anoowan li bukuluul let alaañen ajukom buul.

Bakaanelabu 28:31

Fool li anaak awaale bukanabuku mata Jáyiiyaju jata Ateemit, ban li anaak aliiken bukanabuku mata Amaaŋenawu li mal̥egenool, ban bajut an áhilool ákaanum mo.

Bakaanelabu 5:14

Búsuk báamak bata kánayine li kanaale, banaake buhaŋ mameeŋ buyinno bo, li búyinen li Amaaŋenawu min bubil bufamen huwoogahu hata káyinenumuu.

Bakaanelabu 8:4

Muñeˈe bukanabuku káyinenumuu kan kuyiisumuu, li kunaak kujow li sísukasu feh min kuwaale Hulimahu Hásuumaahu.

Kata Lom 10:10

Li mal̥egenamu, an áyinenumuu li buyinumool feh, Ateemit fan akaanool alako an acole hákilool, an li álobul li butumool hákil ésukayi feh aan láyinenyinen li Yéesu, Ateemit fan afakenool.

1 Kata Koolent 11:11

Li buloŋabu boololaal li Amaaŋenawu, loon ánayine abajumuu jáliŋ li anaale, mo foof anaale abajumuu jáliŋ li ánayine.

Kata Galasi 3:28

Kama muñeˈe bajut akee asuwif laam, akee alet asuwif, bajut akee amiikeel laam, akee alet amiikeel, bajut akee ánayine laam, akee anaale, mata bukuluul foofuul feh an ano joom li Yéesu Kilisita.

1 Fiyeel 3:21

Laalu búhiisenum bata kábatiisaaku kafakenuulumuu muñeˈe. Kábatiisaaku unku kulet kata kúfulen ñikonañu ñata eniilayi, bale kata kasenoolo boot li Ateemit li buyinum bajake. Li kufakenuul humum hata kayitowulaku kata Yéesu Kilisita li eketayi.