Bakaanelabu 8:13 - Jola-Kasa

¹³ Simoŋ humumool foof li áyinen, li kúbatiisewool. Nan kúbatiisewoolumuu kuban, akatut kanaboo li Fílib. Búhiisenumabu bájaahalenimuu li bakaanelabu bájaahalenimuu ŋáa’ ban Fílib anaake akaanumuu hákilool, li bukaanool asego ŋáa’.

Bakaanelabu 8:13 Referencias Cruzadas

Máciya 3:6

Nan kuŋejumuu, li kuheb uhoofoolawu wooliil hákil ésukayi feh, min Saŋ ábatiiseyiil li katunkaku kaaneyimuu Suuludeŋ.

Maak 16:17

Bújaahalenumabu umbe káyinenumuu lí ínje kommuu li kukaan: — Fan kukesoo uyinumawu wajakutumuu li kajawaku kúmbaam. Fan kulob silob sábuto li sooliil.

Hulimahu Hásuumaahu loon Lík akiic homuu 8:13

Etaamayi yata bagisaabu, yo yommuu bukanabuku kajamumuu Hulimahu hata Ateemit ban, li kuyab ho li ésuumansuum. Bale huyawut kuhaa’ li buko, min kúyinen maa jatit, li kukat bo káyinenaku kooliil nan sílaamasu sibilumuu.

Hulimahu Hásuumaahu loon Saŋ akiic homuu 5:20

Mata Atuubaawu lafanfañ Añiilawu ban li áhiisool wahawu feh wan akila humumool akaanemuu. Fan áhiisool foof bulok ban áami li akaan bahaŋe maluuk umbe, ban fan jisego.

Hulimahu Hásuumaahu loon Saŋ akiic homuu 7:21

Yéesu li aaniil: — Wah wano bale likaanumuu, bukuluul feh li jiyaan jisego.

Bakaanelabu 13:44

Li líiŋ li húyiiyaayahu hata Kusuwifaku hanaboo tomuu, ebat bukanabuku feh kakinumuu li ésukayi, li kuwonnoo boot bajam Hulimahu hata Amaaŋenawu.

Bakaanelabu 19:11

Ateemit li anaak ákaanum wah wájaahaleniye ŋáa’ li kuŋen kata Fool.

Bakaanelabu 3:10

Nan ésukayi ejukumuu ánayinaawu, li ehaas yoon akila ammuu ánayinaawu abobomuu, anaake abahumuu tin kámbiilaku kata Eluufayi yata Ateemit kaaneyimuu «Kámbii Kajake» min anaak al̥aw wah. Muñeˈe ekole yáamak li ejokiil, li kasego káamak mata wahawu wabajoolumuu úji.

Bakaanelabu 8:21

Ulet ló li bulokabu bóololi, ban ubajut to kakaañen kanookan, mata buyinumabu booli bucolut hákil Ateemit.