Bakaanelabu 14:9 - Jola-Kasa

Anáyinaawu li alako bajanten kulimaku kan Fool alakomuu elobayi. Muñeˈe Fool li ajukelool súy, li ahaas aan ánayinaawu labaje káyinen kayilo kújiwool li afak.

Bakaanelabu 14:9 Referencias Cruzadas

Máciya 13:58

Muñeˈe Yéesu akaanut to wah wájaahaleniye wameeŋe, mata ésukayi éyinenut li akila.

Máciya 15:28

Muñeˈe Yéesu li aan anaalaawu: — Anaale, mo káyineni kukite kuluuk! Jow kaani loon ufañumuu. Asúngutaawu ata anaalaawu li ayaan afak.

Máciya 8:10

Nan Yéesu ajamumuu kulimaku unku, li asego ŋáa’. Li aan kanabumuu li akila: — Li mal̥egenamu, boot min ilobuul, ijukolut híndo Isilayeel an abaje káyinen lí ínje loon ánayinaawu ummu.

Máciya 9:22

Muñeˈe Yéesu li ágegul li ajukool. Li aan anaalaawu: — Añoolom, sákoli, káyinenaku kooli kufakeni. Anaalaawu li ayaan afak.

Maak 10:52

Yéesu li aanool: — Ujow. Káyinenaku kooli kufakeni. Anáyinaawu li ayaan ajuk, ban li ajow anab li Yéesu.

Maak 2:5

Nan Yéesu ajukumuu káyinenaku kooliil, li aan anawu abobomuu: — Añoolom, uhoofoolawu wooli ubonketibonket.

Maak 8:25

Yéesu li alaañen aŋa’ kuŋenool ago’ ánayinaawu áfuumumuu li kúkil, li akit ajuke jak. Mal̥egen li afak, min ajuk wahoowah feh jak.

Bakaanelabu 10:4

Kooluney li ajuke amalakaawu li ekole ló ban li aanool: — Waa ubaje, Amaaŋen? Amalakaawu li aanool: — Ateemit layayyab ul̥awawu wooli, ban súumoosuum li kalambenaku kan ulambenemuu kusukateenabuku. Amojenuti.

Bakaanelabu 3:4

Fiyeel buko li Saŋ li kujukelool ban Fiyeel li aanool: — Ujúkeloli.