Maak 8:25 - Jola-Kasa

²⁵ Yéesu li alaañen aŋa’ kuŋenool ago’ ánayinaawu áfuumumuu li kúkil, li akit ajuke jak. Mal̥egen li afak, min ajuk wahoowah feh jak.

Maak 8:25 Referencias Cruzadas

Máciya 13:12

Mata an abajumuu, Ateemit fan afamenool. Bale an abajutumuu wahoowah, maayeet jatitaju jan abajumuu, Ateemit fan ayab jo.

Maak 8:24

Anáyinaawu áfuumumuu li aluujul aban li aan: — Lijuke bukan, bale kunokoolonnokoo loon unuunuken, ban ejow kóomi li yo.

Maak 8:26

Muñeˈe Yéesu li alaañenool ábalo, ban li aanool: — Jakum unoken li ésukayi.

Bakaanelabu 1:10

Nan Kufootalaku kulakomuu kajukelaku li emitayi ban Yéesu alakomuu ejowayi, kánayine kúl̥uba kakaanowe wañ wahiite li kuyaan kúfululiil tó.

Bakaanelabu 14:9

Anáyinaawu li alako bajanten kulimaku kan Fool alakomuu elobayi. Muñeˈe Fool li ajukelool súy, li ahaas aan ánayinaawu labaje káyinen kayilo kújiwool li afak.

Kata Fílib 1:6

Líyinene li mal̥egenom kaanaku Ateemit, átoŋumuu kakaan li bukuluul bulokabu umbu bajak muñowu, fan akaan bo boot yok nan ammuu li ahabel bo li hunakahu nan Yéesu Kilisita ammuu li álaañul.

1 Fiyeel 2:9

Bale bukuluul, bukuluul jommuu bukanabuku kal̥usimuu, kúlambaaku kata Ayíiyawu, ésukayi yanabaayi, bukanabuku kata Ateemit. Lí élimayi láhooñumuluul jibil jilako li mawuŋaamu moola máyiineniyaamu, boot kayiiŋen wahawu wan akaanumuu wajakumuu majak.

2 Fiyeel 3:18

Jihaŋ naak mank jiyinno bo li kájiyaku li kahaasaku kan jihaasumuu Amaaŋenawu, Afakenaawu oololaal Yéesu Kilisita. Máyiineniyamu mujow mulako moola muñeˈe ban boot nanoonan! Aameen.