Muñeˈe li kújowum Feelus, kuhaaŋ boot li ésukayi yata Antiyok yata Fisidi. Li líiŋ li hunakahu hata húyiiyaayahu hata Kusuwifaku, li kunoken li eluufayi yata kal̥awaku kujow kubah.
Bakaanelabu 14:19 - Jola-Kasa Kusuwif li kubilum Antiyok yata Fisidi, li Ikóniyom. Li kukaan búsukabu búyinen li buko, min kutek Fool kuyitik boot kumuk, ban li kúhuulool kúfuletum tíyaŋ ésukayi, mata kunaanaak kuyinoo li koon lakeeket. |
Muñeˈe li kújowum Feelus, kuhaaŋ boot li ésukayi yata Antiyok yata Fisidi. Li líiŋ li hunakahu hata húyiiyaayahu hata Kusuwifaku, li kunoken li eluufayi yata kal̥awaku kujow kubah.
Nan Kusuwifaku kujukumuu búsukabu, li kutahaay ŋáa’. Li kunaak kúhoogul kulimaku kata Fool, ban li kunaak kugelool.
Muñeˈe nan Fool buko li Balunabaas kúliiŋumuu Ikóniyom, li kunoken foof li eluufayi yata kal̥awaku, min kuwaale Hulimahu hata Ateemit yok Kusuwif li bukan kákaanumut li Ateemit balewool kameeŋe kúyinen.
Maayeet min kufootalaku kulobiilumuu loon muñaˈa, búsukabu li bufañeen min buceeŋ kuu min bukaaniil kasila.
Bale Kusuwifaku kafañutumuu kúyinen li Yéesu, li kutiken bukanabuku kákaanumutumuu li Ateemit balewool min kubaj kayinoo kajakut li káyinenumuu.
Fool buko li Balunabaas li kuwaale Hulimahu Hásuumaahu li ésukayi yata Delubi. Bukan kameeŋe li kulako kúgoom. Fúlum tó, li kulaañ boot Lisit, li Ikóniyom, li Antiyok yata Fisidi.
Li kújufowum tó Atali li ébato boot Antiyok, yammuu ésukayi tan kuŋaliilumuu kukat li kájiyaku kata Ateemit boot kakaan bulokabu ban kukaanumuu.
Muñeˈe bukanabuku kata ésukayi li kutiiloo: kukee li kulaañ bata Kusuwifaku, kaabuku bata Kufootalaku.
Kusuwifaku, li kákaanumutumuu li Ateemit balewool, li kunahaanaku kooliil li kulako kágoluloo bánum li kúcoocikoo Fool buko li Balunabaas, min kutekiil kuyitik kumuk.
Bale nan Kusuwifaku kata Tesalonik kujamumuu kaanaku Fool ummu li kawaale foof Hulimahu hata Ateemit li ésukayi yata Beele, li kubil kákiŋul li káguul̥ búsukabu.
Ban nan kumukumuu alokaawu ooli Ecen, to foof lilakowe. Alóli jijamoole li bukanabuku kalakowoolumuu jamukaju, mín ínje ítukiil wañawu wooliil.»
Li kuñak Ecen kúfuletum tíyaŋ ésukayi, min kuŋa’ kuyitik min kutekool kumuk. Kamaatumuu li kúfulen wañawu wooliil kuwalen li kootaku kata áfu’ akee an koone Sóol.
Kutuyom, hunakoohunak lilakowelako li iket. Wahawu wan ilobumuu ulakolako mal̥egen loon foof súumonsuum li bukuluul mata bulokabu ban Amaaŋenawu oololaal Yéesu Kilisita ammuu li kakaanaku.
Li koon buko kuloka koom kata Kilisita, boot min ilob loon an awele: ínje lihaŋiil malako aloka ata Kilisita. Lihaŋiil málaam. Lihaŋiil makul̥i meeŋ. Min kutekommuu, kutekutiil mo. Kulakolako li kumukom ñameeŋe.
Bukanabuku kata Lom li kutekom kukaluwaas ñoono ñáhaaji, ban li kutekom ñano kuyitik kucoken. Líyuwoye li busaana ñoono ñáhaaji. Ñakee, likaane etihunaka li ehuka li malamu mata halahu.
Liñaahoole ñameeŋe li koot, ban li ilako li iket ñameeŋe: li kañaahoo li utunkawu, li káfimboo li ékuu yamuke bukan, li kuŋen kata bukanom li kata bukanabuku kaletumuu Kusuwif, li sísukasu sílunlumaayasu, li uyiinaayawu, li kusamuwaku, li kuŋen kata bukanabuku kámalumuu koon kutuyolaal koom.
Kutuyom, li mal̥egenamu jikankaan loon bukanabuku káyinenumuu li Yéesu Kilisita kata Sijanguwasu sata Ateemit sammuu li etaamayi yata Súde. Sílaamasu san bukanuul kan jikinumuu li etaam yano kúlaamenuulumuu, so foof kusuwifaku kúlaamenumuu bukanabuku kata Sijanguwasu unsu sata Súde.
li jálaatenaju jan kúlaatenommuu, li sílaamasu súmbaam. Luhaase wahawu feh wabajommuu li ésukayi yata Antiyok, li yata Ikóniyom li yata Lisit, li buu kúlaamenom bomuu eeno. Bale Amaaŋenawu lafakenonfaken li wahawu unwu feh.