Bakaanelabu 9:16 - Jola-Kasa

¹⁶ Injé humumom fan íhiisool sílaamasu feh san áatimuu álaam boot mata ínje.

Bakaanelabu 9:16 Referencias Cruzadas

Máciya 24:9

«Muñeˈe no unnu, bukan fan kujokuul kubet li kuŋen bukan, min kúlaamenuul ban fan kumukuul. Bukanabuku feh fan kulatuul mata ínje íji.

Máciya 5:11

Awólowuul, bukanabuku bageleluul, li kúlaatenuul, ban li kulob kulim kanookan kajakut kalet mal̥egen kuya li bukuluul, mata ínje íji.

Hulimahu Hásuumaahu loon Saŋ akiic homuu 15:20

Jiwayil̥o hulimahu han ilobuulumuu eenuul: «Aloka ahaŋut anahaanawu oola.» Kucoocommuu, fan kucoocuul foof. Kuŋa’muu hulimahu húmbaam kukaan li uyinumiil min kuloŋ loon hulobumuu, fan kuŋa’ hooluul foof kukaan li uyinumiil min kuloŋ loon hulobumuu.

Bakaanelabu 14:22

Li kuwankulen kúgoomaku, ban li kooniil kútuk lit káyinenaku kooliil. Li kunaak foof kooniil: — Lootaale úlaamaal ŋáa’ tówum unokenaal li Jáyiiyaju jata Ateemit.

Bakaanelabu 21:11

Muñeˈe li abil átookuloli tó, min aŋa’ kanaalaku kata Fool, min akok kootaku li kuŋenaku koola aban li aan: — Wahawu unwe Buyinumabu Banabaabu bulobe: «Anáyinaawu akilumuu kanaalaku unke, Kusuwifaku fan kujenkool Yeelusalem loon muñeˈe, ban li kubetool li kuŋen kata bukanabuku kákaanumutumuu li Ateemit balewool.»

Bakaanelabu 21:13

Bale Fool li aan: — Wáa újiye li joono li jíl̥ok min jóomi li huŋes kakaanom íyeko? Injé lísingene inti mata min ijenki bale, bale foof min iket Yeelusalem humum hata kajawaku kata Amaaŋenawu Yéesu.

Bakaanelabu 21:4

Nan jíliiŋumuu li ésukayi inyu yata Tiil, li jitook to bukan káyinene li Yéesu, min jilako li buko kunak hutok li kúl̥uba. Buyinumabu Banabaabu li bulobiil, min koon Fool jakum ajow boot Yeelusalem.

Bakaanelabu 9:14

Ban kunahaanaku kata élambaayi kusenoosen sembe min abil boot baabe, abil ajok bukanabuku feh kál̥awumemuu li kajawaku kooli.

Bakaanelabu 9:6

Bale uyito unoken li ésukayi. Fan kulobi wahawu wan óotimuu ukaan.

2 Kata Koolent 6:4

Bale, li wahawu feh wan áloli jikaanemuu, jíhihhiis kaanaku áloli húmumoli kuloka joom kata Ateemit, jówum li húmuñ háamak hata sílaam, hata buyok, li hata buyina.

1 Kata Tesalonik 3:3

jakum bil sílaamasu san jommuu li so síji an li bukuluul li áyeko. Bukuluul humumuul, jihaase kaanaku sílaamasu unsu lóomumaal tomuu.

2 Tímote 1:12

Wahawu unwu újimuu li eeno li sílaamasu unsu. Bale isuuwut, mata lihaase li ayi líkangummuu, ban líwooluwe kaanaku Ateemit layilo afooy wahawu wan asenommuu eeken boot yok hunakahu hata Batiibabu.

2 Tímote 3:11

li jálaatenaju jan kúlaatenommuu, li sílaamasu súmbaam. Luhaase wahawu feh wabajommuu li ésukayi yata Antiyok, li yata Ikóniyom li yata Lisit, li buu kúlaamenom bomuu eeno. Bale Amaaŋenawu lafakenonfaken li wahawu unwu feh.

1 Fiyeel 4:14

Awólo, bukanabuku bageleluul mata kúgoom joom kata Kilisita, mata Buyinumabu báyiineniyaabu, Buyinumabu bata Ateemit bumbu li bukuluul.

Búhiisenumabu 1:9

Laale ínje Saŋ, ammuu atuyuul. Injé li bukuluul an ano loomaal li Yéesu Kilisita. Mó mújimuu ínje li éemi afaaluul li sílaamasu san oomaalumuu li so. Li éemi foof an ata Jáyiiyaju jata Ateemit loon bukuluul, li kahankenaku kan oomaalumuu li ko. Injé kujokonjok kújowetum kujow kukaan li étebelemukayi yan koonemuu Fatumoos, mata liwaalewaale Hulimahu hata Ateemit, ban li ilob mal̥egenamu man Yéesu áhiisumuu.