Hanua Sodoma nawabu hiweaburã, hunibu txakabu atimapahairakĩ Senhor Deus danaĩ txakakubainibukiaki.
Juízes 2:11 - Kaxinawá Bíblia (BR) Senhor Deusũ hatu uĩbia haska shinãma Israelĩ enabũ txakabuwakĩ yushibubu habũ kena tibi Baal ui itsa inũ, bari itsa inũ, mai pepa itsarã, duawakĩ hatubetã kẽwãkĩ taewai |
Hanua Sodoma nawabu hiweaburã, hunibu txakabu atimapahairakĩ Senhor Deus danaĩ txakakubainibukiaki.
Erĩ Deusũ yunua txibãma hamebi hawẽ shinanẽ hiwe txakaiwẽ taea Senhor Deusũ betxipaiama tenãkẽ
Eliasĩ kemakĩ yuikĩ: —Haskamaki. Israelĩ enabu eã ẽ hatũ shinã itimaska waismaki. Hakia Senhor Deusũ yunuti hãtxa danãkĩ henenishũ mia inũ minabũ yushibu Baal dami betsa betsapa duawakĩ mã kẽwãkubaĩmiswẽ taeshũ Senhor Deusũ matu kupikubainikiki, ui matu inãmarã.
Israelĩ enabũ mekenika Senhor Deus hawẽ epã sinatamapauni keska wakĩ hawẽ bakẽri hatu txibãkĩ yushibu Baal dami betsa betsapa duawakĩ kẽwãriakubainikiaki.
“Bari itxapa hiwekubirãkĩ ẽ hãtxa nĩkakatsi ikama mã ea danãkubiraniki. Hanushũ matũ ea yuikĩ: ‘Senhor Deus ẽ duawakatsi ikamaki’, ibiatã mati keyatapa tibi inũ, hi ewapa tupãyã namã tibi anu yushibu dami bebũ dãti iki beti ishũ mã txutamakĩ akawakubaĩmiski.
matu iki: “ ‘Nukurã, nũ hawa meshu detsismaki. Yushibubu txani nũ kẽwaĩsmaki’, ikĩ mã yuibiairã, pashku napaku anushũ hune txakabu hawara mã akubainima shinãkãwẽ. Txakabu dasibi mã akubaĩmis uĩkĩ shinãkubaĩkãwẽ. Camela yushã depesekeuma hamebi nia ishtxuakeakemis keskakĩ txakabu mã txibãmiski.
Mai pepa anu hikinishũ bake pawai inũ baba pawai ha mai anua anibui hakimakubaĩkĩ ha kẽwãti dami betsa betsapa shinãkĩ mã ashanimẽkaĩ. Haska wakĩ matũ mekenika Senhor Deus bebũshũ txakabu tibi wakubaĩkĩ mã sinatamatirubuki.
Senhor Deusũ hatu uĩbia haska shinãma Israelĩ enabũ txakabuwaibuwẽ taeshũ 40 ano kaya Israelĩ enabu hau habũ hatu itxakawakubaĩshanũbũ Filisteu nawabu Senhor Deusũ hatu yunutã ana hatu nemashunamakẽ
Senhor Deusũ unãti wanika kushipa betsa Eúde ma mawakẽ hanua Israelĩ enabu ana txakabui txĩtũtã hatũ hiwea peama txakabuwaibũ Senhor Deus hatuki sinataiwẽ
Ha 40 ano keyukainaya haska Senhor Deusũ hatu nemani keska hiwekĩ akama hatu uiãmaya keska Israelĩ enabũ ana txakabukubainaibuwẽ taeshũ Midiã nawabũ 7 ano Israelĩ enabu hau hatu itxakawakubaĩshanũbũ Senhor Deusũ hatu yunukĩ heneimakẽ
Txipu habias meshu merã Senhor Deusũ Gideão ana yuikĩ: —Mĩ epã ina awa mapua anua hawẽ ina awa bene ha katxu kaini 7 ano haya katutãwẽ. Haska watã Baal kẽwãti txi tapu mĩ epa haya tekekĩ di atãwẽ. Ha dikabi Baal txi tapu dapi hi dami kẽwãmisburi nia derakĩ di ariatãwẽ.
Gideão ma mawaimakẽ Israelĩ enabũ Deusũ hãtxa nĩkakĩ ana betxipaiama txĩtũtã yushibu Baal dami betsa betsapa kẽwanũ ishũ hatũ mekenika wakĩ Baal-Berite Israelĩ enabũ katunibukiaki.
hakia txipu huĩti nishmashũ haska ma kaneshina Senhor Deus yuikĩ: “Mia danãkĩ mia henebaĩ yushibu Baal inũ Astarote kẽwãkubirani nũ txakabuhairaimaki. Nukuki sinataibu nuku nemashũwẽ, hau nuku ana yunuyamanũbunã. Mĩ nuku haska washuna mia besti duawakatsis ikĩ nũ mia yubaii”, akabu
hatu hẽ akamawẽ taeshũ Samuelĩ hawenabu hatu yunukĩ yuikĩ: “Matũ huĩti hirabiwẽ inũ matũ shinã hirabiwẽ Senhor Deus anu ana txĩtũtã mã txibãkatsis ikairã, ea nĩkakãwẽ. Nawabu matu dapi hiwebaunabũ yushibu dami kẽwãti betsa betsapa mã haya ana kẽwãma henekĩ putakãwẽ. Ha inũ, yushĩ Astarote dami putakĩ keyutã matũ hiwea hirabiwẽ Senhor Deus besti duawakĩ nĩkakĩ kẽwãkubaĩshãkãwẽ. Mã haska wakubainaya Filisteu nawabũ matu atxinishũ matu yunumisbu matu ana yunumama Senhor Deusũ Filisteu nawabu babu watã matu mebikinãshanikiki”, hatu wa
Samuelĩ hãtxa ikũwãkĩ nĩkatã hatũ yushibu Baal kẽwãti dami dasibi inũ yushibu betsa Astarote kẽwãti dami dasibi Israelĩ enabũ putakĩ keyutã hanushũ Senhor Deus besti kẽwãkĩ duawakubaĩkatsis ikĩ shinaĩbũ