1 Samuel 7:3 - Kaxinawá Bíblia (BR)

³ hatu hẽ akamawẽ taeshũ Samuelĩ hawenabu hatu yunukĩ yuikĩ: “Matũ huĩti hirabiwẽ inũ matũ shinã hirabiwẽ Senhor Deus anu ana txĩtũtã mã txibãkatsis ikairã, ea nĩkakãwẽ. Nawabu matu dapi hiwebaunabũ yushibu dami kẽwãti betsa betsapa mã haya ana kẽwãma henekĩ putakãwẽ. Ha inũ, yushĩ Astarote dami putakĩ keyutã matũ hiwea hirabiwẽ Senhor Deus besti duawakĩ nĩkakĩ kẽwãkubaĩshãkãwẽ. Mã haska wakubainaya Filisteu nawabũ matu atxinishũ matu yunumisbu matu ana yunumama Senhor Deusũ Filisteu nawabu babu watã matu mebikinãshanikiki”, hatu wa

1 Samuel 7:3 Referencias Cruzadas

Gênesis 35:2

haska wa datekĩ hawenabu inũ hawẽ tsumabu Jacó yuikĩ: —Matu anua dami yushĩ tibi mã haya kaĩmakãwẽ. Hanua nashi txuki petã pepanũ, ika matũ tari betsa sawetã

1 Reis 11:33

Salomão inũ hawẽ huni bakebũ ẽ hãtxa nĩkama danãkĩ ea henetã Sidom nawabu mekenika yushibu Astarote inũ Moabe nawabu mekenika yushibu Quemos inũ Amom nawa mekenika yushibu Milcom duawakĩ hatu kẽwãmisbuki. Haskakubainaibu uĩkĩ: Txakabukubaĩkanikiki, iwanã, ẽ hatukiri shinãmiski. Ha dikabi haska Davĩ ẽ hãtxa txibani keska wama ẽ yunuti hãtxa inũ ẽ nemati hãtxa txibãbumawẽ taeshũ ẽ hatu kupishanaii, 10 shukuabu mebĩkinã.

2 Reis 23:15

habiaskari mae betsa Betel anushũ kẽwãti betsa deus kayabima meribi wakĩ Nebatẽ huni bake shanẽ ibu Jeroboãonẽ yushibu betsa kẽwãti txi tapu washũ sheni inĩti kuakĩ hawenabu Israelĩ enabu txakabuwamakubaini ha txi tapu di akĩ keyutã mishpu watã txiwẽ menutã ha dikabi yushibu dami washũ nitxinibu di akĩ keyuriatã hau kuanũbũ Josiasĩ hatu yunuima akaibũ

Provérbios 16:1

Hunibu yubakabiakubainaibũ hanushũ Senhor Deusũ haska betxipaiai amakĩ hatu tashnimashũmiski, haska betxipaiama beshtekinã.

Isaías 55:7

Huni txakabubũ hau hatũ hiwea txakabu inũ hatũ shinã txakabu henetã hau Senhor Deus anu benũbũwẽ. Mã haskaibuwẽ taea Senhor Deus matuwẽ nuishanikiki. Matũ txakabu henetã Deus anu txĩtũribirãkãwẽ. Harã, matuwẽ dabanã ikĩ matũ txakabu matu buashũshanikiki.”

Jeremias 36:3

Judá enabu anu hatu anu txakabu betsa betsapa ea Senhor Deusũ ẽ hatu yunuti waima ẽ shinãkubainai habũ nĩkaimashũ shinãriakubaĩkĩ hatũ shinã betsa wakĩ hatũ txakabu henekĩ shinã betsa watirubumẽkaĩ. Habũ haska wakĩ hatũ shinã txakabu tibi henekubainaibu hatũ txakabu ẽ hatu buashũshanaii, ana shinãmarã”, aka

Ezequiel 18:31

Ea sinatamakubaĩkĩ matũ txakabu haska mã akubainai henetã shinã pepa shinãkĩ yushĩ pepa bena bikubaĩkãwẽ. Tsua mã mawayamanũ, iwanã, ẽ betxipaiamawẽ taea Israelĩ enabuũ, kupia yumaĩ haskai mã mawashanai? Matũ txakabu hene keyutã hiwei perikubaĩkãwẽ, ẽ hawẽ taeshũ ẽ matu kupiyamashanunã. Ana txakabuwama hiwei pe bestikubaĩkãwẽ, akĩ ea Senhor Deusũ ẽ hãtxa txanima ẽ mestẽwaiĩ”, ikaya ẽ hatu yuishuniki, Israelĩ enaburã.

Mateus 15:8

‘Na yurabunã, hatũ hãtxawẽ ea kẽwãbiakĩ hatũ huĩtiwẽ ea xinaĩsbumaki.

Mateus 4:10

ana nemakĩ Jesusũ yuikĩ: —Haska Deusũ hãtxa kenenibu ana nĩkawe: “Matũ mekenika yushĩ Deus besti duawakĩ kẽwãkubaĩshãkãwẽ, yushĩ betsaki meseamarã”, aniwẽ taeshũ ha mĩ haska yuiairã, ẽ mia akamaki. Satanásaã, kariwe— aka

Mateus 6:24

—Ha inũ, haratura dayarũ hawẽ shanẽ ibu dabe dayashũkĩ ha dabe merabewatirumaki, betsa abukĩ txibãkĩ betsa abuama danãkĩ nĩkamarã. Habiaskari wakĩ pei inũ Deusri txibãkĩ ha dabe haska washũ mã duawatirumaki— iwanã,

Lucas 4:8

Jesusũ ana nemakĩ: —Na Deusũ hãtxa kenenirã, ana nĩkawe. ‘Matũ merabenã Yavé Deus ha besti duawakĩ kẽwãkubaĩkãwẽ, yushĩ betsa nĩkamarã’, aniki. Haska keneniwẽ taeshũ ha mĩ haska yuiairã, ẽ mia akamaki— aka

Deuteronômio 13:4

Hakia matũ mekenika Senhor Deus besti txibãkĩ kẽwaĩ haki dasia hiweshũ hawẽ hui nĩkakĩ hawẽ yunuti inũ hawẽ nemati akubaĩkĩ dayashũkĩ duawakubaĩshãkãwẽ, yusinã betsa betsapabu nĩkamarã.

Deuteronômio 4:29

Harishũ atimas yushĩ dami danãkĩ matũ mekenika Senhor Deus hakimatã danãbianishũ ana benakĩ matũ yushĩ hirabiwẽ inũ matũ huĩti hirabiwẽ shinaĩ mã ana haki nukutiruki.

Deuteronômio 6:13

Haska shinaĩ Senhor Deuski mesekĩ kẽwaĩ ha besti dayashuni peshũkubaĩshãkãwẽ. Tsuabura mã yubakakatsis ikairã: ‘Ẽ mia parãmaki’, iwanã, Senhor Deusũ kena bestiwẽ shabakabi yubakakubaĩshãkãwẽ.

Josué 24:14

Haskakẽ Senhor Deuski mesekubaĩshãkãwẽ. Parananãma ikũ kayabi huĩti shabakabiwẽ Deus duawakubaĩshãkãwẽ. Ukeri henewã Eufrates inũ Egito anushũ matũ shenipabũ yushĩ betsa betsapa kẽwãbiapaunibũ habu henetã Senhor Deus besti duawakĩ kẽwãkubaĩshãkãwẽ.

Josué 24:23

—Haskakenã, ikis yushĩ betsa betsapa dami matu anua puta keyutã matũ shinã betsa watã matũ shenipabu Israelĩ mekenika Senhor Deusũ hãtxa besti matũ huĩti hirabiwẽ shinãpakeshãkãwẽ, parãmarã— hatu wa

Juízes 2:11

Senhor Deusũ hatu uĩbia haska shinãma Israelĩ enabũ txakabuwakĩ yushibubu habũ kena tibi Baal ui itsa inũ, bari itsa inũ, mai pepa itsarã, duawakĩ hatubetã kẽwãkĩ taewai

Juízes 2:13

Senhor Deus ana shinãbuma yushibubu Baal inũ yunu itxapa inũ inabu bake itxapa bitiru mekenika yushĩ hawẽ kena Astarote kẽwaĩbuwẽ taea Israelĩ enabuki Senhor Deus sinatakĩ hatu dapi hiwea yumetsubu hatu yunukubainaya hatũ yunu inũ hatũ inabu hatu yumetsũkubainaibũ hatu haska wakĩ hatuki sinataibũ hatu itxakawaibu uĩbiakĩ hatu ana nemashunama Israelĩ enabũ haskatã hawawẽ hatu nematirubuma ikubainibukiaki.

1 Samuel 31:10

hanushũ Saulũ detenameti mabu bushũ hatũ yushĩ Astarote kẽwãti hiwe anu aruabu, Saulũ yura inũ hawẽ bakebũ yura bushũ mae betsa Bete-Seã kenekauana anu hatũ yura dũtãbu