1 Samuel 7:2 - Kaxinawá Bíblia (BR)

² Quiriate-Jearim anu Senhor Deusũ hãtxa aruni bau mekekĩ aruyamabu ma 20 ano kaya Israelĩ enabu dasibibũ Senhor Deus ana haibuwakatsis ikĩ yukahairabiabu

1 Samuel 7:2 Referencias Cruzadas

Jeremias 26:20

Hamẽ betsarã maewã betsa Quiriate-Jearim anua yumeni Semaíasĩ huni bake Deusũ hãtxa yuishunika Urias Senhor Deusũ kena kushipawẽ na maewã inũ nukũ mai pakeakiri txakabu hatu yuiniki, haska Jeremiasĩ nuku yuiai keskarã.

Mateus 5:4

—Ha inũ, tsuabũra hatũ huĩti nixma kashakatsis ikaibuwẽ taeshũ Deusũ hatu xinã txãkãwã benimapaketi xinaĩ benimakubaĩkanikiki.

Juízes 2:4

Senhor Deusũ nai tsuma kushipa hãtxai ma menekainaya hanua Israelĩ enabu huĩti nishmahairatã kasha txakayamai bis bis ikasima

1 Samuel 7:1

Quiriate-Jearim anu hiweabu beshũ Senhor Deusũ hãtxa aruni bau biwãkĩ hatũ mae anu bushũ mati mananã anu Abinadabẽ hiwe uke merã bitxishũ hau mekekubaĩshanũ hawẽ huni bake Eleazar katushũ hau hatũ mekenũ meribi watã yununibukiaki.

1 Samuel 7:3

hatu hẽ akamawẽ taeshũ Samuelĩ hawenabu hatu yunukĩ yuikĩ: “Matũ huĩti hirabiwẽ inũ matũ shinã hirabiwẽ Senhor Deus anu ana txĩtũtã mã txibãkatsis ikairã, ea nĩkakãwẽ. Nawabu matu dapi hiwebaunabũ yushibu dami kẽwãti betsa betsapa mã haya ana kẽwãma henekĩ putakãwẽ. Ha inũ, yushĩ Astarote dami putakĩ keyutã matũ hiwea hirabiwẽ Senhor Deus besti duawakĩ nĩkakĩ kẽwãkubaĩshãkãwẽ. Mã haska wakubainaya Filisteu nawabũ matu atxinishũ matu yunumisbu matu ana yunumama Senhor Deusũ Filisteu nawabu babu watã matu mebikinãshanikiki”, hatu wa