Juízes 2:10 - Kaxinawá Bíblia (BR)

¹⁰ Ha dikabi Israelĩ enabu ma Josuébe hiwekubiranimabu mawariai keyukubainaibũ habũ Senhor Deusũ kushipa uinibu ma debui keyuriabũ txipu kaĩkubirãshinabu Senhor Deuskiri inũ haska Senhor Deusũ Israelĩ enabu merabewakubirani habũ ana hawa unãbuma hiwei taebainibukiaki.

Juízes 2:10 Referencias Cruzadas

Gênesis 15:15

Hamẽ mia ikirã, haskariabuma unanuma hiwea anibuhairai mĩ mawa mia maiwabu minabuki mĩ hatuki nukushanaii.

Gênesis 25:17

Hanua Ismael 137 ano haya mawa hawẽ shenipabu mawa hanu bumisbu anu kariai hatuki dasinikiaki.

Gênesis 49:33

hanua Jacó hawẽ bakebu hãtxa wakĩ menetã ana dakai petã mawaya

2 Samuel 7:12

Anibuhairakũkaini hiwea mĩ ma debunikẽ hau mĩ shãtukũ Israelĩ enabu yununikai shanẽ ibushanũ eã minabu anua mĩ baba bestitxai hawẽ shanẽ ibu keyutima ẽ mia yunushũshanaii.

Êxodo 1:6

Ha dukũ Jacó mawaimakẽ txipu José inũ hawẽ betsabu inũ hati Jacóbe Egito anu hikiniburi mawakubainaibũ

Êxodo 1:8

txipu Egito shanẽ ibuhaira Faraó bena shanẽ ibui taekĩ haska José hawenabu merabewapauni unãmatũ shanẽ ibũ hawenabu hatu yuikĩ:

Êxodo 5:2

hatũ hãtxa nĩkabiakĩ hawa hatu tapĩkatsis ikama Faraónẽ hatu yuikĩ: —Matũ mekenika Senhor Deus tsuamẽ? ha nĩkatã eã Israelĩ enabu ẽ nitxinunã. Ha matũ mekenika ẽ unãma inũ matunabu besi buaibu ẽ hatu nitxiãmahairaki— hatu wa

Jeremias 31:34

Ẽ hatu haska waiwẽ taeshũ hatũ haibuaibu inũ hatunabu inũ yura betsabũ ma ea unaĩbuwẽ taeshũ: ‘Ikũwãkĩ Senhor Deus unãwẽ’, iwanã, hatu ana yusiãma ishãkanikiki. Ma yununika shanẽ ibubu inũ, yununika beshmasbu inũ, dasibibũ ea unaĩbuwẽ taeshũ eã hatũ txakabu ana shinãma hatu buashũtã ẽ ana hatukiri yuiama ikũkaĩshanaii. Ea ẽ Senhor Deusũ ẽ hãtxa ẽ mestẽwaiĩ”, akĩ hatu yuinikiaki.

Números 27:13

Ma mĩ uĩbaũkĩ keyua habiatiãri mĩ mawashanaii, mĩ betsa Arão ini keskai mĩ shenipabuki nukuirã.

Lucas 20:32

hanua hawẽ henei aĩbu huni bake biamas mawarianiki.

Hechos 13:36

txanima Deusũ Davi yunua shanẽ ibukĩ hawenabu merabewakubaini atimas mawa maiwabu hawẽ shenipabuki nukutã hawẽ yura beniama txapuni natiã mã unaiĩ.

Tito 1:16

Haskawẽ taeshũ habũ yuikĩ: “Deus ẽ ikũwaiĩ”, ibiakĩ hamapai txakabu betsa betsapa akĩ Deusũ haska abumis akama danãmisbuki. Habunã, eska tibi wakinã, hatuki sinatakĩ tsua abuama inũ, huĩti kuxi sinarãwã hawa hatũ xinã pepamawẽ taeshũ hawara pepa wakĩ Deus ashũtirubumaki.

Josué 24:31

Josué shanẽ ibuaitiã Israelĩ enabu hatũ mekenika Senhor Deus txibãkubainibukiaki. Josué hiweatiã inũ ma mawabiaimakẽ duawakĩ hatũ Senhor Deus heneama inibukiaki. Hanua ha shanẽ ibu anibu unanepa betsabũri dasibi Senhor Deusũ hatu ashuni shinãkubaini hiweyuabũri Israelĩ enabũ Senhor Deus txibãpakenibukiaki.

1 Samuel 2:12

Elĩ huni bake dabe hawenabu Deusbe hatu hãtxashunikabia Senhor Deuskiri hawa shinã pewama txakabukubainaibũ hatunabũ Senhor Deus benimawanũ, iwanã, Siló anu hatũ inabu beshũ tesẽtã dashpeshũ hawẽ sheni dukũ bitã hau Deusbe hawenabu hãtxashunikatũ Deus kuashũkĩ menushunũ hanu Senhor Deuski nukuti tari hiwe pũtenibu anu bua ma hawẽ sheni menukĩ keyushũkẽ hanushũ hawẽ nami meshte meshte atã kẽti ewapaki nami huabu kukatsa ikaya Deusbe hãtxashunikã dayaru betsa hawẽ txatxitã neshetiya hushũ