Juízes 8:33 - Kaxinawá Bíblia (BR)

³³ Gideão ma mawaimakẽ Israelĩ enabũ Deusũ hãtxa nĩkakĩ ana betxipaiama txĩtũtã yushibu Baal dami betsa betsapa kẽwanũ ishũ hatũ mekenika wakĩ Baal-Berite Israelĩ enabũ katunibukiaki.

Juízes 8:33 Referencias Cruzadas

Josué 24:31

Josué shanẽ ibuaitiã Israelĩ enabu hatũ mekenika Senhor Deus txibãkubainibukiaki. Josué hiweatiã inũ ma mawabiaimakẽ duawakĩ hatũ Senhor Deus heneama inibukiaki. Hanua ha shanẽ ibu anibu unanepa betsabũri dasibi Senhor Deusũ hatu ashuni shinãkubaini hiweyuabũri Israelĩ enabũ Senhor Deus txibãpakenibukiaki.

Juízes 2:12

hatũ shenipabũ mekenika Senhor Deusũ Egito anua hatu iwebianikẽ habũ nĩkama ana shinãkatsi ikama henetã ha nawabu hatu dapi hiwebaunabubetã habũ yushibubu duawakĩ kẽwãkĩ Israelĩ enabũ Senhor Deus sinatamanibukiaki.

Juízes 2:17

hakia ha shanẽ ibu unãti wanikabũ hãtxa Israelĩ enabũ nĩkabuma patapakĩ Senhor Deusũ hãtxa txibãma yushibubu betsa betsapa txibãkĩ duawakĩ kẽwãpaunibukiaki. Hatũ shenipabũ Senhor Deusũ hãtxa nĩkakĩ txibãpaunibu keska akama hatũ bai tanama inibukiaki, betsa betsapa txibãkinã.

Juízes 2:19

hakia hatũ shanẽ ibu unãti wanika kushipa tibi mawakubainaibũ hatũ txakabu shinaĩ ana txĩtuĩ yushibubu betsa betsapa duawakĩ kẽwaĩ hatũ epabu binui txakabu pikui hatũ beya txakabu henekatsi ikama inũ hatũ huĩti kushi pewakatsi ikama ikubainibukiaki.

Juízes 8:32

Hanua Joásĩ bake Gideão anibui mestebuhairatã mawakẽ Abiezerĩ enabũ mae Ofra anu hanu hawẽ epa Joás maiwanibu anu Gideão bushũ maiwarianibukiaki.