Jeremias 39:9 - Kaxinawá Bíblia (BR)

hanushũ Babilônia shanẽ ibuhaira mekenikabu yununika hawẽ kena Nebuzaradãnẽ hawẽ detenamenikabu yunua ma itxapa hatu iyubiaimabũ hatiri hatu teshewabainimabu hawẽ henekĩ hatũri hatu iyukĩ habũ Jerusalém anushũ Caldéia nawabu hatũ yura hatu inaĩmaburi Jerusalém anu hiweaburi hirabi Babilônia anu hau hatu iyunũbũ hatu yunua hawẽ detenamenikabũ hatu iyuaibũ

Jeremias 39:9 Referencias Cruzadas

Gênesis 37:36

Habiatiãri Midiã nawabu, habias Ismael nawaburã, José iyui Egito anu hikishĩshũ peiwẽ taeshũ habũri pei bikatsi José Potifar inãnibukiaki, hau hawẽ tsuma wakĩ escravo wanunã. Egito nawa shanẽ ibuhaira Faraónẽ hiwe ewapa hawẽrua anua detenamenikabu shuku betsa mekemis Potifar hatũ shanẽ ibu inikiaki.

2 Reis 25:11

Jerusalém anu habu nuitapai bashikuimabu inũ, habũ Babilônia shanẽ ibuhairatũ yunua txibaĩbu inũ, mabu wanikabu tesheimabu Nebuzaradãnẽ hatu itxawashũ Babilônia anu hau hatu iyunũbũ hawẽ detenamenikabu itxapabu yunua dispiwẽ hatu nesha nesha akĩ keyushũ Babilônia anu maĩ hatu iyuaibũ

2 Reis 25:20

atxikĩ hatu itxawashũ mai pakea Hamate anu mae betsa Ribla anushũ Babilônia shanẽ ibuhaira manayuaya hanu Nebuzaradãnẽ hatu iyushũ hawẽ shanẽ ibuhaira bebũ hatu nitxiã hau hatu detekĩ tenanũbũ Babilônia shanẽ ibuhairatũ hatu yunua hawẽ detenamenikabũ ha 82 hunibu tenã keyunibukiaki. Haska wakĩ Judá enabu atxishũ hawẽ mai pakea anua txaihaira hatu iyunibukiaki.

Jeremias 38:19

Zedequiasĩ kemakĩ yuikĩ: —Enabu Judá hatiri Caldéia nawabube husiyamabuwẽ taea hatuwẽ ẽ datehairaii. Habũ ea atxitã ẽ yura ea itxakawatxakayamatirubuki— aka

Jeremias 52:26

atxikĩ hatu itxawashũ mai pakea Hamate anu mae betsa Ribla anushũ Babilônia shanẽ ibuhairatũ hatu manai anu hanu Nebuzaradãnẽ hatu iyushũ hawẽ shanẽ ibuhaira bebũ hatu nitxĩtushia mapuabu hau hatu detekĩ tenanũbũ Babilônia shanẽ ibuhairatũ hatu yunua hawẽ detenamenikabũ ha hunibu dasibi tenã keyunibukiaki. Haska wakĩ Judá enabu atxishũ hatũ mai pakea anua txaihaira hatu iyunibukiaki.

Daniel 2:14

unanepabu tenanũ ika shanẽ ibuhaira mekenikabu yununika hawẽ kena Arioquẽ Daniel betxishũ atxia daewakĩ unãshubira hãtxa beshuniwẽ hãtxa wakĩ

Deuteronômio 4:27

Mã txakabuwai matu kupikĩ nawa betsa betsapa anu sa akĩ Senhor Deusũ matu ubisitawashanikiki. Matu haska wa hatiri eskarabes hatũ mae anu mã hiwebaũshãkanaii.