Jeremias 26:5 - Kaxinawá Bíblia (BR) inũ ẽ dayarubu ẽ hãtxa yuishunikabu ẽ matu anu yunukubaina matu yusĩbiabu mã hawa nĩkama ẽ hãtxa mã danãmisbuwẽ taeshũ |
haskashanaibukiri Deusũ tsumabu hawẽ hãtxa yuishunikabu hatu hãtxamakĩ haska washanai Senhor Deusũ bebũkiri hatu banabimaniwẽ taeshũ Judá enabũ mai pakea itxakawakĩ txakabuwakubainũbũ Caldéiau nawa yumetsubu inũ, Síria nawa yumetsubu inũ, Moabe nawa yumetsubu inũ, Amom nawa yumetsubu shanẽ ibuhaira Jeoaquim anu Senhor Deusũ hatu yunukubainaya
Mã txakabu betsa betsapa wai matu shinã betsawamakĩ ẽ matu yuibiakubaina mã ea nĩkakatsi ikama iniki, ea hawa kemamarã. Ea ẽ Senhor Deusũ ẽ txanima hãtxawẽ ẽ matu mestẽwaiĩ.
Egito anua matũ shenipabu tashnibiranibutiã inũ na habiatiãri ẽ hãtxa yuishunikabu betsa betsapa ẽ matu anu yunuakeakekubirãmiski.
Senhor Deusũ tsumabu hawẽ hãtxa yuishunikabu hawẽ shinã bebũkiri habu dukũ banabimariama Senhor Deusũ hawa aismaki, yura betsabu kupikinã.
Ha sete nai tsumabu hawẽ henea sétimõ hawẽ trombeta txã akaya Deusũ tsumabu hawẽ hãtxa yuishunikabu haska inũbariaikiri Deus hune yubakapauni ma hatishũ besti meneshanikiki”, ikaya
Ha dukũ mai hirabi anuabũ mia abuama mia danã paepawai miki sinatakubainimabuki. Hakia miari natiã hatuki sinatariai hanu hatu kupinũ ika mĩ ma tashniaki. Hanushũ mawabu bestẽwãtã hatu unãti wakĩ mĩ tsumabu mĩ hãtxa yuishunikabu inũ, minabu wakĩ meribi mĩ hatu wani habu dasibi shanẽ ibubu inũ shanẽ ibubumã mia txibãkĩ mia kẽwãkubaĩmisbu habũ pepawẽ mĩ hatu manakushanaii. Hakia habũ hawara mai anushũ pepa yamawakĩ mia txibãkubainama mia danãmisbu habũ txakabuwẽ hatu unãti watã manakuriakĩ habũ txakabuwẽ miãri mĩ hatu yamawai kaii”, akaibu ẽ nĩkaya