Hebreus 1:10 - Kaxinawá Bíblia (BR) Ana hawẽ bake yuikĩ: “Shanẽ Ibuũ, hawa hayamahairabiakẽ mianã, damiwakĩ taewakĩ nai inũ mai hirabi ibubis mĩ damiwaniki. Kashinawa : Diosun Jesúswen taexun yuba bena yiniki Ana jawen bake yuikin: “Xanen Ibuun, jawa jayamajaidabiaken mianan, damiwakin taewakin nai inun mai jidabi ibubis min damiwaniki. |
Senhor Deus kushipatũ damiwani nai manaũriabu shabakabi hawẽ kushipakiri habu nukuki txanikanikiki. Naiuria habu dami pepa wanibũ nuku tapĩmamisbuki.
Ianẽwã itamamai panirã, tsuã hawẽ mekẽ hanakubaĩkĩ ma tananimẽ? Nai natukanã, tsuã hawẽ mekẽnẽ meshãtã ma tanakubainimẽ? Mai mishpu kuru mai hirabi anuarã, tsuã itxawashũ kukiki ma tananimẽ? Mati tibi betsa betsaparã, tsuã ma itxawashũ ma hawẽ shãkama keyunimẽ?
Ha Senhor Deusũ nai hirabi dami wakĩ kaĩmani inũ, mai dami wakĩ tashnimani anu haki hamapai benemisbu inũ, yurabu haki hiweabu hiwea hatu inãkĩ hatu huĩsinamamistũ hawẽ tsuma yuikĩ:
Nũ haskabiakenã, Senhor Deusuũ, mĩ nukũ epaki. Nukurã, nũ mapu keskaki. Hamẽ miarã, mĩ mapu dami wanika keskaki. Nuku dasibirã, habia miã mĩ nuku dami waniki.
Ha dikabi naiuri uĩkĩ bari inũ ushe inũ bishi inũ bishi kauani txashakainai betxitã haki mesei ‘Habaa!’ iki datekĩ haska kẽwãyamakubaĩshãkãwẽ. Yurabu dasibi merabewakĩ hawara sharabu nai anua uĩtirubu Senhor Deusũ hatu damiwashuniki.
Hakiri yuikĩ: “Ana bestiwakĩ ẽ ashanaii”, inirã, ha mai damiwani anua hamapai tibi maewakeaketã hanushũ hawara Deusũ abuai maewama hau betsama ipakeshanũbũ dasibi damiwani Deusũ ana patxa sakumaya hawara Deusũ mekekatsi ikama hamebi yamai keyushanairã, nũ tapĩtirubuki.
Ana Jesusũ ẽ João ea yuikĩ: “Hatũ Deusũ hãtxa dayashunika Laodicéia anu itxamisbu mekea na hãtxa ẽ mia yuiai keneshũriwe. ‘Dasibi Deusũ hakiri yuiai ẽ Habiaskaki, imistũ mai hirabi inũ nai hirabi damiwakĩ ewẽ Deusũ ani txanima hãtxa besti txani ẽ kaneismatũ ẽ matu yuiai nĩkakãwẽ.