Gênesis 1:1 - Kaxinawá Bíblia (BR)

¹ Deusũ nai inũ mai dami wakĩ eska wakĩ taewanikiaki.

Gênesis 1:1 Referencias Cruzadas

2 Reis 19:15

“Israelĩ enabu mekenika Senhor Deusuũ, mĩ hatube yubakani hãtxa aruti bau mamaki querubin dabe tsaua anu hatu mamaki shanẽ ibu mĩ tsauaki. Nai inũ mai hirabi mĩ dami waniwẽ taea mai hirabi anu shanẽ ibu tibitũ enabu dasibi miã besti mĩ hatu yunumis mekenika Deuski, Deus betsa hayamarã.

Jó 38:4

Mĩ txanima unanepahairarã, ha mai dami wakĩ ẽ taewayarã, miarã, mĩ hani inimẽkaĩ ea yuiwe.

Salmos 115:15

Senhor Deusũ nai dami wani inũ mai dami wanitunã, hau matu duawakĩ pepawakubainũwẽ!

Salmos 33:6

Senhor Deusũ hawẽ hãtxa bestiwẽ yunukĩ nai damiwaniki. Habias hawẽ hãtxawẽri shũ akĩ bari inũ ushe inũ bishi damiwaniki.

Salmos 33:9

Hawẽ hãtxawẽ Deusũ yunua dasibi dami kaĩ keyuniki. Damiwakĩ hanakĩ yunuakeakea nĩkatã hanu ikibi iki mestenibuki.

Salmos 8:3

Nai dami watã mĩ haki ushe inũ bishi dami wakĩ hanani uĩkĩ hakiri ẽ shinãmiski.

Salmos 8:4

Hanushũ hunibukiri shinãkĩ: Nũ hawa watirumahairabiakẽ nukukiri hakimama mĩ nukuwẽ nuimiski.

Êxodo 31:18

Mati Sinai anua Moisésbe Senhor Deus hãtxai menetã hawẽ yunuti inũ hawẽ nemati hãtxa Deusũ hawẽ shinanẽ mishki ture sapa dabeki hawẽ mekẽ kayabis haska kenea Moisés inãyã

Provérbios 16:4

Haska betxipaiai txibãkĩ Senhor Deusũ dasibi dami betsa betsapa wakĩ keyuniki, huni txakabubũ nĩkaisbumari hanu hatu kupiaitiã hatu kupikubaĩti wakinã.

Provérbios 3:19

Hawẽ shinã unanepawẽ Senhor Deusũ mai inũ nai dami watã mestẽwaniki.

Isaías 40:21

Matubunã, haskarã, mã unãmahairamẽ? Haska yuiniburã, mã nĩkaismamẽ? Bebũkirirã, matu yuiama inibumẽ? U unu mai dami waitianã, nĩkakĩ mã unãma inimẽ?

Isaías 40:26

Bewenikitã naiuri matũ beruwẽ uĩkãwẽ. Ha dasibirã, tsuã dami wanimẽ? Haska bishi tibi txasha kaiãkeakeai hatũ kenawẽ ẽ hatu kenamiski. Haskawẽ taea Deusũ hawẽ kushipa tibiwẽ hatu mekea hatũ txasha hawa benutirubumaki.

Isaías 40:28

matubunã, mã unãmamẽ? Mã nĩkaismamẽ? Nukũ Senhor Deus ikibi ini mai hirabi bawakĩ dami wanirã, harã, punu nukatiruma inũ hĩ itirumaki. Haska dasibi shinãkĩ unã keyuai tsuã nĩkakĩ tana keyutirumaki.

Isaías 42:5

Ha Senhor Deusũ nai hirabi dami wakĩ kaĩmani inũ, mai dami wakĩ tashnimani anu haki hamapai benemisbu inũ, yurabu haki hiweabu hiwea hatu inãkĩ hatu huĩsinamamistũ hawẽ tsuma yuikĩ:

Isaías 44:24

Matũ mebikinanika Senhor Deusuũ, mã kaĩriama matũ yura yumewanitũ matu yuikĩ: “Earã, ẽ Senhor Deusũ dasibi dami wakĩ nai hirabi kesukauana wakĩ inũ mai dikabi tashnimatã ẽ mestẽwaniki, tsuã ea hawa merabewamarã.

Isaías 45:18

Nai dami wanika Senhor Deusũnã, mai dami wakĩ tashnimaniki. Haska watã mestẽwaniki. Hatũ mai dami watanã, hau shaka bestiyamanũ yurabu dami wariatã hiwemakĩ yuikĩ: “Ea besti ẽ Senhor Deuski, betsa hayamarã.

Isaías 65:17

“Mã ea haska wabiaibũ ẽ matu ashũshanai nĩkakãwẽ. Nai inũ mai ẽ ana bena washanaii. Habu dukũ dasibi ẽ hatu dami wani hakimashãkanikiki, tsuã ana habukiri shinãmarã.

Mateus 11:25

hanua Jesus xinã txãkaĩ benimakĩ yuikĩ: —Epaã, nai inũ mai hirabi minaski. Mĩ duapa hãtxa ha unãnepai kẽmisbu mĩ hatu unãmama habu keĩsbuma besti mĩ hatu unãmakubainaiwẽ taeshũ ẽ mia kẽwaiĩ— iwanã

Hechos 14:15

—Hunibuũ, hawakĩ mã nuku haska wai? Nuku haska wayamakãwẽ. Nukurã, matu keskari nũ habias huniki. Ha yushĩ dabe mã kẽwãmistũ matu hawa washũtirumaki. Haskawẽ taeshũ mã kẽwãmis henetã Deus hiweatũ nai inũ, mai hirabi inũ, iãnẽwã dasibi inũ, hanu hiweabu dasibi damiwani matũ xinã betsa watã mã kẽwãkubaĩshanũbũ hakiri hawẽ bakekiri kakape matu yusĩtanũ ika nũ huxiãki.

Hechos 17:24

Yavé Deusunã, mai hirabi inũ dasibi nũ hanu hiweabu Deusũ damiwanirã, dasibi hawenaski. Ha nai anua inũ mai anua dasibi mekei shanẽ ibuaya hunibũ haska wakĩ duawanũ, iwanã, hatũ xinãnẽ templo hawẽ kẽwãti hiwe washunabu anu besti hiweamakiaki.

Hechos 4:24

haska hatu wakãshukiri nĩkatã dasibibũ Deus kẽwãkĩ yukakĩ: —Nukũ Epa Deusuũ, nai inũ, mai inũ iãnẽwã, inũ dasibi hanu hiweabu mĩ damiwani nũ unaiĩ.

Romanos 11:36

Haskakẽ betsa tukama tibi Deusũ damiwanirã, hawenaski. Hawẽ kuxipawẽ dasibibu maniabuki. Dasibibu ha hiweabuwẽ Deus benimakũkaĩshanũ, iwanã, habu tibi damiwaniki. Haskakẽ kẽwãkĩ heneyamakubainãkãwẽ, Deusrã. Haskakirã.

1 Coríntios 8:6

Hamẽ nukubũ ikũwãkinã, nukũ Epa Deus bestitũ dasibi bawani inũ nuku hatũ damiwani nũ hawẽ hiweaki. Ha inũ, Shanẽ Ibu bestitxai nũ hayaki, Jesus Cristorã. Hawẽ taeshũri Jesusũ hawẽ Epa Deusbetã dasibi damiwakĩ keyuniwẽ nũ hiweriaki, nukuburã.

Efésios 3:9

Deus dasibi damiwanitũ hawẽ xinã meribi bari itxapa hunenitũ ẽ matu dasibi unãmanũ haska shabakabi wakatsis ikĩ Deusũ matu anu ea yununiki.

Hebreus 1:10

Ana hawẽ bake yuikĩ: “Shanẽ Ibuũ, hawa hayamahairabiakẽ mianã, damiwakĩ taewakĩ nai inũ mai hirabi ibubis mĩ damiwaniki.

Hebreus 1:2

Haska wabiakubaĩkĩ hawẽ bake kuxipa watã mai hirabi dasibi damiwamanishũ dasibi ibu wamanishũ natiã hawẽ henekĩ hawẽ huni bake hãtxamakĩ Epa Deusũ hawẽ hãtxa nuku unãmaniki. Haskakiri matu ana yusĩnũ nĩkakãwẽ.

Hebreus 11:3

Hamẽ hawara nũ uĩaĩ inũ nũ uĩtiruma dasibi mai inũ nai anu damiwakinã, hawẽ hãtxa kuxipawẽ besti Deusũ damiwanirã, ikũwãkĩ nũ unãkubainaii.

Hebreus 3:4

Ha inũ, hunibũ damiwakĩ hiwe inũ mabu wabiamisbũ hatu binukĩ nai inũ mai hirabi Deusũ hawẽ bakebetã damiwaniwẽ taeshũ yurabu hatu binua nũ unaiĩ.

2 Pedro 3:5

Bebũkirihaira iki taenitiã Deusũ nai inũ mai hawẽ hãtxawẽ damiwakĩ tashnima ha dabe henesbiakẽ nai inũ mai pashkakĩ hene anua mai tashnimatã mekebianikẽ ha yurabũ Deuskiri hawa xinãkatsi isbumaki.

1 João 1:1

Ẽ betsabu inũ ẽ puibuũ, ẽ matu kene bumai uĩrakãwẽ. Mai damiwariama Cristo hiweni natiã hiwea mã nĩkakubainairã, haskarã, nukũ dukũ hawẽ daya tateskĩ taewabainai nukubũ nũ nĩka taewabainiki. Hanushũ nukũ beruwẽ daiskĩ mekĩ hatũ nuku hiwekuĩmamis ha hãtxa hiwea haya nũ beiskubainiki.

Apocalipse 10:6

ha hiweibi hiweni hiwea hatũ nai wani inũ mai wani inũ iãnẽwã wani dasibi habu hawẽ hiwebaunabu hakiri hãtxa betsa watimakiri yuikĩ: “Bari hawẽ heneirã, hatishũ bestiki.

Apocalipse 14:7

hui kuxipawẽ yuikĩ: “Deusũ nai inũ mai inũ iãnẽwã inũ ũpash txatxa tibi damiwanitũ yura dasibi unãti watã na habiatiã hatu kupikĩ taewaikiki. Haskakẽ menã haki dãti itã Deuski datekĩ kẽwãrikãwẽ”, ikainaya

Apocalipse 21:6

ana ea yuikĩ: “Dasibi haskashanai ẽ yuinirã, ma ẽ akĩ keyuaki. Ea dukũ ẽ ini inũ niti ikama ẽ hiwepakeshanaii. Tsuabũra ũpash akatsis ikĩ manuaibu keska ea anu beaibu ẽ hatu hiwea inãshanaii, hawa hatu pakamamarã.

Apocalipse 22:13

Ea dukũ ẽ tashnini inũ ẽ hawẽ henea debesekeaki. Ha inũ, earã, ea dukũ ẽ ini niti ikama ẽ hawẽ heneaki. Ha inũ, ea dukũ ẽ ini niti ikama ẽ hiwepakeshanaii”, ea washuki.

Apocalipse 3:14

Ana Jesusũ ẽ João ea yuikĩ: “Hatũ Deusũ hãtxa dayashunika Laodicéia anu itxamisbu mekea na hãtxa ẽ mia yuiai keneshũriwe. ‘Dasibi Deusũ hakiri yuiai ẽ Habiaskaki, imistũ mai hirabi inũ nai hirabi damiwakĩ ewẽ Deusũ ani txanima hãtxa besti txani ẽ kaneismatũ ẽ matu yuiai nĩkakãwẽ.

Apocalipse 4:11

“Dasibi damiwakĩ mĩ xinãwẽ hamapai dasibi mĩ damiwani mĩ nukũ Shanẽ Ibu inũ mĩ nukũ mekenika yushĩ Deuski. Haskawẽ taeshũ mia besti kẽwãkĩ nũ mia duawakubainaii”, akaibu uĩkĩ ẽ matu keneshunaii.