Deuteronômio 4:19 - Kaxinawá Bíblia (BR)

¹⁹ Ha dikabi naiuri uĩkĩ bari inũ ushe inũ bishi inũ bishi kauani txashakainai betxitã haki mesei ‘Habaa!’ iki datekĩ haska kẽwãyamakubaĩshãkãwẽ. Yurabu dasibi merabewakĩ hawara sharabu nai anua uĩtirubu Senhor Deusũ hatu damiwashuniki.

Deuteronômio 4:19 Referencias Cruzadas

Gênesis 1:14

Haska dayakũkaĩkĩ Deusũ ana yuikĩ: “Shaba inũ meshu tari meribi pashkakĩ nai anu hau txashati inũwẽ, shaba inũ, yame inũ, bari inũ, betsa betsapatiã tanakĩ unãmatirã.

Gênesis 2:1

Haska dayakĩ nai inũ, mai inũ, hiweabu dasibi damiwakĩ keyutã hawẽ dami daya menetã ana damiwama 7 dia shaba keyutã Deus huĩrukunikiaki. Haskawẽ taeshũ Deusũ hawẽ henea 7 dia shaba hawena wakĩ meribi wanikiaki, huĩrukũti wakinã.

2 Reis 23:11

Judá enabu shanẽ ibuhairabũ bari kẽwãkĩ cavalo meribi washũkubainibu Senhor Deus kẽwãti hiwe hemaĩtĩ shui dapi hanu Natã-Melequẽ cavalo hawẽ hiwe anushũ hatu mekeshũmis ha cavalo hatu tenãmakĩ keyushũ hanushũ hawẽ bari kẽwãti cavalõ tarãbaĩti Josiasĩ hatu kuamakĩ keyumatã

Salmos 19:3

Hãtxa kayabi hayama inũ hawẽ hui tsuã nĩkamabia

Ezequiel 18:6

Hawenabũ beya mati meribi anushũ yushibu dami kẽwaĩbu anushũ hatubetã pi txakabukũkaĩsma inũ, kanekĩ Israelĩ enabũ mekenika yushibu txani duawai haki txiti isma inũ, hatu dapi hiweabu hatũ aĩ hawa hatu meĩsma inũ, hawẽ aĩ himi ikai txutaisbumarã,

Mateus 5:45

Hakia haska matũ Epa nai anuatũ yura pepabu inũ yura txakabubuwẽ nuikĩ hatu bari txashamashũmis inũ ui imashũmis keska wakĩ maturi yura dasibibuwẽ nuikĩ mã hatu merabewakubainaiwẽ taeshũ habũ uĩkĩ mã Deusũ bakebu unãshãkanikiki.

Hechos 7:42

Haskaibuwẽ taea Deus Israelbuki sinatakĩ nai anua bixi besti hau kẽwãnũbũ ha hatuwẽ nuiai beshtenibukiaki. Haskakubiranibukiri hawẽ hãtxa yuishunika Amós Deusũ hãtxamakĩ yuima: ‘Israelbuũ, hanu tsua hiweabuma anu 40 ano hiweshũ ina awa inũ txashuwã bake deteshũ kua keyubiakĩ earã, ea kẽwãkĩ mã hawa ea inãkĩ ea kẽwãma ikubiranibuki.

Romanos 1:25

Yura betsabũ Deuskiri hãtxa kayabi danãtã txani hãtxa ikũwãkĩ txibãkĩ Deus kayabi ana xinãma hawara Deusũ damiwani besti uĩkĩ kẽwãkubainibukiaki. Hakia nũ ikũwaĩbunã, nukũ mekenika Deus hatũ nuku damiwani kẽwãkubainãkãwẽ. Haskakirã.

Deuteronômio 13:5

Egito anu matũ ibubu itxakawakĩ hatu dayaru escravo wakubainaibũ hanua matũ mekenika Senhor Deusũ hawẽ kushipawẽ matũ ibubu pashawani hakimayamakubaĩshãkãwẽ. Na hunibũ hatũ yushĩ betsa matu txibãmakatsi ikĩ Senhor Deus matu danãmakĩ hawẽ hãtxa matu nĩkamamakĩ Senhor Deusũ hãtxa txibaĩ mã hawẽ pei hiwebiakẽ ha hunibũ haska iriamabia matu yuitirubu inũ namawẽ uĩtã matu unãmatirubu hatu detekĩ tenãshãkãwẽ. Haska wakĩ txakabu matu anua mã beshtetirubuki”, hatu watã