Deuteronômio 4:15 - Kaxinawá Bíblia (BR)

^15-18 Moisĩ ana hatu yuikĩ: “Mati Horebe anua txi here namakis Senhor Deus nishũ matũ ibubuya matu hãtxa wai hawẽ hui besti mã nĩkaniki, hawa dami yushĩ keska uiãmarã. Haskawẽ taeshũ haki meseti wakĩ matunã, hawa dami betsa wataskayamashãkãwẽ. Uĩrahairakubaĩshãkãwẽ. Dami wakĩ huni itsa inũ, aĩbu itsa wakĩ inũ, yuinaka itsa inũ, peiyabu itsa inũ, nutawẽ mapumisbu itsa inũ, baka itsa wakĩ haska taska dami wai txakabuyamashãkãwẽ.

Deuteronômio 4:15 Referencias Cruzadas

1 Reis 19:12

patxa sakui maiãyã txi here hi hi ikaya hakia ha txi here merã Senhor Deus hayamakẽ txi here nukai maĩkainaya unãshubira hui sha ikai nĩkaya

Êxodo 19:1

Egito anua kaĩbirani beima ma ushe dabe inũ besti binukainaya hanu tsua hiweabumanu hawẽ kena Sinai anu Israelĩ enabu hikinibukiaki.

Êxodo 20:4

“Ha inũ, betsarã, hawara hawẽ kẽwãti dami wakĩ yushĩ itsa wayamakubaĩshãkãwẽ, nai anu hiweabu inũ, mai anu hiweabu inũ, hawara hene merã hiweaburã.

Provérbios 4:23

Haskakĩ hiwea kayabi mĩ bitiruwẽ taeshũ hawara betsa mai anua mĩ betxipaiai binumakĩ mĩ shinã pe mekekubaĩshãwẽ.

Provérbios 4:27

Kanekĩ bai txakabu txibanũ, iwanã, shinãma pepas txibãkĩ heneyamakubaĩshãwẽ.

Isaías 40:18

Matubũ Deus mã unãti wakĩ shinanã, haratu keskamẽ? Haratu dami besu keskamẽ?

Malaquias 2:15

Na habias Deusunã, nukũ yura inũ nukũ yushĩ nuku inaĩsmamẽ? Deusũnã, eska betxipaimiski. Tsuabura hawenabus meribi pepabu watã hatu hiwemakatsis imiski. Haskawẽ taeshũ berunãtũ aĩbu mã aĩwaĩ habe yubakani hawa kaneama habe hiwekĩ matũ yushĩ ibubis pe mekekubaĩkãwẽ.

Deuteronômio 4:12

hanua Senhor Deus txi here namakis anua hãtxaya hawẽ hui nĩkakĩ hawa dami mã uiãma inibuki.

Deuteronômio 4:14

Hanu mai pakea betsa hatu mebĩkĩ ibuwatã harishũ hawẽ hãtxa txibaĩ mã ikubaĩshanũbũ hawẽ yunuti inũ hawẽ nemati hãtxa ea matu yusĩmakubaĩkatsi bebũkiri Senhor Deusũ ea yununiki”, iwanã,

Deuteronômio 4:23

Hakia matũ mekenika Senhor Deus yaushinikatũ txiwẽ dasibi kuamis keska matuki sinatatiruwẽ taeshũ haska matũ mekenika Senhor Deusũ matu yubani hawẽ hãtxa hakimama inũ habiaskari dami betsa betsapa ha dami watima matu nemani habu tibi hakimama uĩrakubaĩshãkãwẽ.

Deuteronômio 4:36

Nai anushũ hawẽ huiwẽ matu hãtxa wakĩ mã kaneaibu matu pewakubiraniki. Hanua mai anushũri hawẽ kushipa txi here meranua Senhor Deusũ hãtxa tashniai mã nĩkakubiraniki.

Deuteronômio 4:9

Hakia 40 ano dasibi mã uĩkubirãshina mã hakimataskayamashanũbũ uĩrahairakubaĩshãkãwẽ, shinã heneamarã. Haska mã uĩkubiranai shinaĩ hiwekubaĩkĩ na habias hãtxa inũ hawara mã uĩkubiranai matũ bakebu inũ matũ bababu shabakabi hatu yusĩkĩ tapĩmakubaĩshãkãwẽ— iwanã,

Hebreus 1:3

Hawẽ Epã kuxipaya txashakapa hawẽrua keskaritũ dasibi betsa betsapa damiwani hawẽ hãtxa kuxipawẽ mekekubaĩmiski, hau hawa benuyamanũbunã. Ha inũ, hawẽ Epa nuku daewashuni mawakĩ nukũ txakabu buatã hawẽ Epa kuxipahaira dasibi binu keyuatũ yusiuri tsauwa nai anua ma habe shanẽ ibukũkainikiaki.

Josué 23:11

Haskakẽ ibubis mekekĩ matũ mekenika Senhor Deus betxipaihairakubaĩkãwẽ.