Gênesis 41:14 - Kaxinawá Bíblia (BR)

haska wa nĩkatã Faraónẽ hawaira bitxiti hiwe anu hatu yunua bushũ José kaĩmabirã Faraó anu iyukatsi mashtekĩ keshniyabi mawerẽ akĩ pewatã tari bena sawematã Faraó anu uĩmakĩ ha bebũ iyuabu

Gênesis 41:14 Referencias Cruzadas

2 Samuel 19:24

hanua Mefibosete Saulũ bababiakẽ hawẽ bake keskakiri shinãmisbu hari hatubetã ana beyawakĩ itanũ ika kariai, Davi pashai taekainaitiã Mefibosete Daviwẽ nuihairai hatiã ana hawẽ yura hatu mekemama hawẽ tae ana txukisma inũ, hawẽ keshni ana aisma inũ, hawẽ tari ana hatu patsamaisma Davi unanuma txĩtũkiranaya hawẽ yura hawẽruama

2 Reis 25:29

bitxiti hiwe anushũ tari sawemis pekamatã hawẽ shanẽ ibũ tari Joaquim ana sawemakĩ duawakĩ hatishũ hiweaitiã hiwemashũ shaba tibi shanẽ ibuhaira Evil-Merodaquebetã pimakubainikiaki.

Ester 5:1

Shaba dabe inũ besti binutã hawẽ shanẽ ibu tari hawẽrua Esterĩ sawetã shanẽ ibuhairatũ hiwe anu kai hemaĩtĩ kenekauna uke merã hikikaĩ ha shanẽ ibuhaira Assuero hawẽ tsauti anu tsaua ha dĩtu hikiti shui bepeã anu Ester kakaĩ nishũ manaya

Êxodo 10:16

datehairakĩ Moisés inũ Arão hau hawaira itanũbũ hawẽ tsumabu Faraónẽ hatu yunua bushũ hatu iweabu Faraónẽ hatu yuikĩ: —Matũ hãtxa nĩkama inũ matũ mekenika yushĩ Senhor Deus itxai ẽ txakabushinaki. Ẽ matu yukai ẽ hakiri txakabushina ea buashũtã hau shini txakabu ea nemashunũ ea kushipa yukashũkãwẽ— hatu wa

Isaías 61:10

Haskakiri Senhor Deus yubakakũkainaiwẽ taea ea ẽ shinã txãkaiĩ. Hawẽ meketi haya ea inãkĩ piskumatã hawẽ yunuti kushipawẽ ea mekekĩ binumakĩ ea duawakubainikiki, huni aĩyãkatsi iki hawẽruakĩ maiti pepa sawemis keskai inũ aĩbu beneyanũ, iwanã, hawẽruakĩ dauti betsa betsapawẽ daumis keskairã. Haskawẽ taea ẽ Deuswẽ ẽ benima txakayamaii.

Isaías 61:3

Sião anu bika tenei hiweaburã, ana txi mapu hatu mapu tukumama maiti hawẽrua inãkĩ hatu sawematãwẽ. Nui kashatxakayamisbu hatu nese watã benimati sheni ininipa hatu inãtãwẽ. Tsuabura hawawẽ haskatima merabewakĩ benimawakĩ kãtati shinã txãkãti hatu yusĩtãwẽ. Mĩ hatu haska wa yurabũ hatu kenakĩ: ‘Ha hi kushipa tekeisma Senhor Deusũ bananishũ hawẽ kushipa hatu unãmati hiki’, akĩ hatu kenashãkanikiki.

Daniel 2:25

haska wa shanẽ ibuhaira Nabucodonosor anu Daniel iyushũ ha bebũ nitxĩshũ yuikĩ: —Shanẽ ibuũ, Judá enabu mĩ hatu iweni anua na huni betxishũ ẽ mia iweshunaii. Mĩ namashina inũ haska ishanai hatũ mia unãmaikiaki— aka