Hanushũ hawẽ bake yunukĩ hawẽ Yushĩ Pepa keyuisma inãkubaĩmiswẽ taeshũ Deusũ bake ha yununitũ hawẽ hãtxa yuimiski.
Gálatas 3:23 - Kaxinawá Bíblia (BR) Nũ ha ikũwãshanai huriamakẽ Deusũ Moisés yusĩa keneniwẽ hawẽ nuku bitxikĩ akawashũ nuku tea wayuniki, hawẽ taeshũ Jesus Cristo manakakĩ nũ hawẽ unãti wayunũbunã. Kashinawa : Diosun Jesúswen taexun yuba bena yiniki Nun ja ikunwanxanai judiamaken Diosun Moisés yusian keneniwen jawen nuku bichikin akawaxun nuku tea wayuniki, jawen taexun Jesucristo manakakin nun jawen unanti wayununbunan. |
Hanushũ hawẽ bake yunukĩ hawẽ Yushĩ Pepa keyuisma inãkubaĩmiswẽ taeshũ Deusũ bake ha yununitũ hawẽ hãtxa yuimiski.
Dasibi yurabu txakabubiakẽ Deusrã, dasibiwẽ nuikĩ hanu hawẽ nui hatu shabakabi uĩmakatsis ikikiki, tsuara Israelbu inũ tsuara Israelbumakiri hawa xinãmarã.
Haskakẽ Moisés inũ Deusũ hãtxa yuishunikabũ yusĩni unãhairabianibu: “Mã pepaki”, akĩ Deusũ hatu haskakiri xinãkĩ yuiamaki. Hakia haska yura dasibi mai hirabi anuabũ txakabuwakĩ nũ kanemis nuku unãti washanai dasibibu Deus bebunua nũ hawa hãtxatirumaki.
Haskakẽ haska Deusũ hãtxa Moisés yununirã, matu yuinũ nĩkakãwẽ. Kanekĩ haska habũ txakabu waibukiri hau shabakabi unãnũbũ Deusũ hawẽ yunuti inũ hawẽ nemati Deusũ hawẽ nai tsumabu Moisés yuimakubainiki. Haska bebũkiri Abraão hawẽ baba betsakiri Deusũ yubani huriamakẽ hau Moisés yusĩa txibãkubainũbũ yurabu hatu yusĩkubainibuki. Deusũ nai tsumabũ hawẽ yunuti Moisés yuimabiakubaĩshanai
Hakia Deusũ Yushĩ Pepatũ besti ma matu mekeaya Moisés yunuti inũ hawẽ nematiwẽ Deusũ matu ana hawẽ mekeamaki.
Hamẽ ha yurabu haska Deusũ hatu yubani hari hiweriamabia ikũwã besti mawanibukiaki. Hakia Deusũ yubani bebũkirihairashũ ikũwãkĩ besti xinaĩ punu nukama manakakĩ habũ ibubis xinaĩ: “Na nawã mai anu baii niyua keskakĩ Deusũ mae pepa nai anua nũ hari kashanai anu nũ manakakubainaii”, ikubainibukiaki.
Cristo nuku ishuni hakiri dukũ unãkĩ xinãkubainãkãwẽ. Habũ nũ ikũwaĩbu nũ haki txiti ikabu hatunã ma nuku pewashũkubainikiki. Haskawẽ taea Jesus cruzkia nuitapairã, ha itxakawakĩ nuitapawaibu hawẽ dake xinãma nuku mawashuniki. Haskairã, nuitapawabiabu mawakĩ binutã benima paepayabi hawẽ Epã shanẽ ibu tsauti yusiuri habe shanẽ ibui tsaushanai unaĩ iniki.