Êxodo 40:33 - Kaxinawá Bíblia (BR)

Hawẽ henekĩ keyukĩ hanu Deuski nukuti hiwe merã hawẽ kẽwãti txi tapu hemaĩtĩ hatu wamatã haki hatu kebẽmabaũkatsi txibu hatu nitxĩmabaũshũ tariwẽ hatu dayabumatã hawẽ hikiti shuiri tari betsawẽ hatu bepumatã hanu Deuski nukuti tari hiwe hirabi Moisĩ meneaya

Êxodo 40:33 Referencias Cruzadas

1 Reis 6:14

Senhor Deus kẽwãti hiwe uke merã keyukatsis ikĩ Salomãonẽ ana hatu yunua

1 Reis 6:9

hawẽ kẽwãti templo mishki kene ma keyuabu kusha tuash ewapa 9 metro keyatapa besha hawẽrua tsamĩkĩ kekũbaĩkĩ keyushũ hawẽ ixkixkũki netãbaĩkĩ keyuabũ

Êxodo 40:32

txipu haska Senhor Deusũ Moisés yunushina keska wai hanu Deuski nukuti tari hiwe hikikatsi inũ hawẽ kẽwãti txi tapu kemakatsi hatũ tae inũ hatũ mekẽ txukapaunibukiaki.

Mateus 16:8

Jesusũ nukũ xinã unãkĩ yuikĩ: —Haskai: “Nũ misi beama ishukẽ nuku haska yuikiki”, mã ikai? Mã ea uĩbiakĩ mã ea ikũwã txakaii.

João 10:9

Hakia hanu hikiti shuirã, ẽ eaki. Tsuara eanu hikiaibu ẽ hatu mekekubaĩshanaii, Deusunabu hatu wakinã. Txashuwã meke pehairawakĩ hatu bitxitã kaĩmakĩ basi pepa pimakĩ ẽ hatu ama keska wakubaĩshanaii.

João 14:6

Jesusũ kemakĩ: —Hawẽ kati bai inũ hawẽ txanima unãti inũ hawẽ hiwekuĩtirã, habia ẽ eaki. Ea besti ikũwãkĩ txibaĩ Epa Deus anu mã hikitirubuki.

João 17:4

Yurabu anu ẽ mia dayashunũ mĩ ea nitxĩni mia ashũkĩ keyukĩ mia duawakĩ ẽ mia hatu kẽwãmakubaĩxinaki.

João 4:34

Jesusũ nuku ana yuikĩ: —Hatũ ea yununitũ xinã ẽ hayawẽ taea hawẽ daya keyui ẽ kuxipamiski, yani wa keskairã

1 Coríntios 12:12

Nukũ yura bestitxaibia nukũ pabu tibi tsamiakeakearã, dasibirã, yura bestitxaiki. Haska keskai nũ Cristo ikũwaĩ betsa betsapabia nũ hawẽ yura bestitxai keskaki. Eskaki, matu yuinũ nĩkakãwẽ.

1 Coríntios 12:28

Haska tibi nũ hayanũbũ Deusũ haska abukĩ hawẽ daya tibi nuku yunukĩ ha dukũ Jesusũ kuxipayabu wakĩ ha katxu Deusũ hãtxa kakape yuishunikabu wakĩ ha katxu yusĩkĩ tapĩmanikabu wakĩ hanua ikũwaĩ betsabu habũ tsuã atiruma dami wanikabu inũ, habũ isĩ teneaibu shushawanikabu inũ, habũ merabewanikabu inũ, shanẽ ibu keska wakĩ yununikabu wakĩ hanushũ hãtxa betsa tapĩriamawẽ hãtxatirubu wakĩ haska tibi nuku yunuakeakeniki.

Efésios 2:18

Natiã Cristowẽ taeshũ judeubu inũ judeubumãri habias Yushĩ Pepawẽ Deus beyawai nũ haki kematirubuki.

2 Timóteo 4:7

Earã, Jesus Cristõ soldado pepa detenamekĩ hatu binumis keskakĩ habũ ea itxakawaibu ẽ binuaii. Kuxibaĩkĩ hatu maemakatsis imisbu keskakĩ haska ewẽ Deus yubakani hawa txĩtuãma ẽ ma ishuãki. Ikũwanishũ hawẽ kakapekiri yusĩ bikabiakĩ ẽ hawa heneama ikũkainaii.