Ester 9:18 - Kaxinawá Bíblia (BR)

hanua Susã anu Judeu nawabũ shaba 13 inũ shaba 14tiã hatu tenãshinabuwẽ taea shaba 15tiã huĩrukuĩ benimakĩ piti mirima pewatã pi besiriaibũ

Ester 9:18 Referencias Cruzadas

Ester 8:11

kene tibi anu eska shanẽ ibuhairatũ Judeu nawabu yunua habias shaba Hamãnẽ katuima ushe 12tiã hawẽ kena Adar inũ shaba 13tiã hanu Assuerõ hatu yunumis província tibi anushũ habias shaba bestitxaitiã hatũ hiwea mekei hatu nemanũ ika hanira mae betsa betsapa hiwebaunabu anu Judeu nawabu itxatirubuki. Tsuara yura shukuabu inũ haratura província anu hiweabũ hatu detenũ ika detetiya beaibu Judeu nawabũ hatu detekĩ tenãkĩ hatũ aĩbuaibu inũ hatũ bakebu dasibibuwẽ hawa nuiama hatu yamawakĩ keyutã hatũ hamapai sharabu hayashinabu mebĩkĩ ibuwatirubuki.

Ester 9:1

Ushe 12tiã hawẽ kena Adar inũ shaba 13tiã shanẽ ibuhairatũ yunuti hãtxa dabe hau anũbũ Judeu nawabuki sinataibũ hatu maemakatsi ibiaibũ hatu haska wamama Judeu nawabu hatuki sinataibu hatu maemanibukiaki.

Ester 9:11

habias shabatiãri hawẽ maewã Susã anu hati hunibu tenãkãshu Assuero banabimabu nĩkatã

Ester 9:13

kemakĩ Esterĩ yuikĩ: —Haska pe mĩ shinaĩ hawẽ yunuti hãtxa txibãkĩ habias akãshu keska meshukiri Susã anushũ habias watirubu mĩ ea hatu yunushũtiruki. Ha inũ, dasibibũ hau uĩkubainũbũ hanu teneshtirubu anu Hamãnẽ 10 huni bakebũ yura hatu dũtãbaĩbainũbũ mĩ ea hatu amashũtiruki— aka

Ester 9:15

Ushe Arartiã inũ 14 shabatiã Susã anu hiweabu Judeu nawabu ana itxashũ ana 300 hunibu tenãtã hakia hatũ mabu hawa meabuma inibukiaki.

Ester 9:2

Província tibi hanu shanẽ ibuhaira Assuerõ hatu yunumis anu habũ hatu txakabuwakatsis ikaibu hatube detenamenũ ika mae tibi Judeu nawabu hiwea anu itxabu yura shukuabu tibi hatuwẽ datehairakĩ hatu merabewakatsis ikaibuwẽ taea haratura hatu berukubaũtirubu ma mesea dakanibukiaki.

Ester 9:21

ano tibi ushe Arartiã shaba 14 inũ shaba 15tiã hau besikubaĩshanũbũ hatu yunukinã.