Ester 9:15 - Kaxinawá Bíblia (BR)

¹⁵ Ushe Arartiã inũ 14 shabatiã Susã anu hiweabu Judeu nawabu ana itxashũ ana 300 hunibu tenãtã hakia hatũ mabu hawa meabuma inibukiaki.

Ester 9:15 Referencias Cruzadas

Ester 8:11

kene tibi anu eska shanẽ ibuhairatũ Judeu nawabu yunua habias shaba Hamãnẽ katuima ushe 12tiã hawẽ kena Adar inũ shaba 13tiã hanu Assuerõ hatu yunumis província tibi anushũ habias shaba bestitxaitiã hatũ hiwea mekei hatu nemanũ ika hanira mae betsa betsapa hiwebaunabu anu Judeu nawabu itxatirubuki. Tsuara yura shukuabu inũ haratura província anu hiweabũ hatu detenũ ika detetiya beaibu Judeu nawabũ hatu detekĩ tenãkĩ hatũ aĩbuaibu inũ hatũ bakebu dasibibuwẽ hawa nuiama hatu yamawakĩ keyutã hatũ hamapai sharabu hayashinabu mebĩkĩ ibuwatirubuki.

Ester 9:12

Ester yuikĩ: —Nenu Susã anua besti 500 hunibu inũ Hamãnẽ 10 huni bakeburi minabu Judeu nawabũ tenãkãshukiaki. Ẽ província tibi hanu ẽ yunubaũmis anushũ hatira tenãkãshuki. Mirimahairamẽkaĩ. Hakia ana hawa betsa ẽ mia ashũtiru mĩ betxipaiai ea ana yuiwe. Hawara mĩ ea yuai ẽ mia ashũshanaii— aka

Ester 9:13

kemakĩ Esterĩ yuikĩ: —Haska pe mĩ shinaĩ hawẽ yunuti hãtxa txibãkĩ habias akãshu keska meshukiri Susã anushũ habias watirubu mĩ ea hatu yunushũtiruki. Ha inũ, dasibibũ hau uĩkubainũbũ hanu teneshtirubu anu Hamãnẽ 10 huni bakebũ yura hatu dũtãbaĩbainũbũ mĩ ea hatu amashũtiruki— aka

Ester 9:14

haska Esterĩ ana yuishu shanẽ ibuhairatũ habias hatu yunua hawẽ yunuti hãtxa bena Susã anushũ hatu banabimabaunabu Hamãnẽ 10 huni bakebu tenãshinabu hatũ yura dũtanibukiaki.

Ester 9:16

Ha dikabi província betsa tibi anu hiweabu hatũ hiwea mekei habias ushe Arartiã inũ 13 shabatiã Judeu nawabu itxashũ hatuki sinataibu maemakĩ 75.000 yurabu tenãtã hakia hatũ mabu hawa biãma ushashini shaba 14tiã huĩrukuĩ benimakĩ piti mirima pewatã pi besiaibũ

Ester 9:2

Província tibi hanu shanẽ ibuhaira Assuerõ hatu yunumis anu habũ hatu txakabuwakatsis ikaibu hatube detenamenũ ika mae tibi Judeu nawabu hiwea anu itxabu yura shukuabu tibi hatuwẽ datehairakĩ hatu merabewakatsis ikaibuwẽ taea haratura hatu berukubaũtirubu ma mesea dakanibukiaki.

1 Tesalonicenses 5:22

Hamapai txakabu xarabu danãkubaĩkãwẽ, nĩkamarã.

Hebreus 13:5

Haska inũ, hawẽ mabu itxa wanũ ika peiwẽ kemuama hawara besti mã hayawẽ benimakubaĩkãwẽ, Deusũ nuku yubakĩ: “Ẽ matu putama inũ ẽ matu henetaskama ishanaii”, iniwẽ taearã.